mércores, 30 de decembro de 2020

As barcas do noso concello

 O noso alumnado tamén investigou sobre a existencia ou non de barcas para cruzar o río Miño no noso concello.

A familia de Lea, que vive en Freixendo,  contoulle que as barcas eran de madeira de castiñeiro ou carballo e podían ser de varios tamaños e formas. Había unhas que ata podían cruzar o río levando carros tirados por bois ou vacas. 
En Reza , Santa Uxía e Feá había portos para as barcas. 
En  Freixendo había barcas para cruzar a Untes e tamén para pescar. Pescaban utilizando nasas.
Desde Feá e Puga cruzábase a Barbantes para deixar a carga na estación do tren.
Cruzar o río onde non había ponte era unha das necesidades a que as barcas daban resposta Sacar area, mover carros e gando, desprazar mercadorías e persoas foron as principais funcións destas embarcacións. O viño, a madeira, o sal e a pedra foron algunhas das mercadorías máis transportadas.
Sobre todo eran usadas pola xente de ámbalas beiras do río que posuían terras na beira oposta. Nelas ían a traballar as terras e a recoller as  colleitas
Tamén se usaban para ir ao médico, aos baños e a tomar as augas mediciñais, ás feiras e mercados, ás festas ou romarías
A forma de pago podía ser  en metálico ou en especie 

Ata hai cantigas que se refiren a barcas e barqueiros:

Barqueiros de Ribadavia vídeme pasar a min
que veño de Santa Rosa e vou pró San Agustín.

San Hadrián é barqueiro barqueiro é San Hadrián;
San Hadrián é barqueiro que leva o remo na man.

Desoutro lado do río teño unha parriña de uvas,
e o barqueiro non me pasa, e elas caen de maduras.

Do outro lado do río, o meu pai ten un palleiro;
cada vez que vai alí ten que paga-lo barqueiro


A desaparición deste medio de transporte debeuse a varias causas: a mellora das comunicacións por carretera, a construción de novas pontes , a chegada do ferrocarril e a construción dos embalses. 
A barca de Barbantes seguiu funcionando ata a segunda metade do século pasado.

Barcas do Miño

 Anxo Moure enviounos este video que forma parte dun novo proxecto: Cine para coidar a Terra para defender a cultura fluvial, o ecosistema e a diversidade dos rios.

Titúlase "A barqueira". É un video musical estreado no encontro de cine ecolóxico de Garabelos. A cantiga, na voz de Davide Salvado, é un tema popular galego . Tamén participan Cristina Castro e Dani Pardo.

mércores, 23 de decembro de 2020

Un Nadal Diferente a calquera outro

 Está a piques de chegar unha das nosas datas favoritas: o NADAL

As vilas e as cidades énchense de cor e música, decoramos as casas, as luces fan brillar as rúas, as tendas adornan os escaparates e as panxoliñas escóitanse por todos lados....

Este Nadal será moi diferente debido ao Covid-19, por iso teremos que adaptar algunhas das nosas tradicións, reducir as reunións familiares e engadir a máscara ´a nosa indumentaria.

 Pero non deixaremos que todo iso nos impida disfrutar desta época tan especial!

Tomando as  precaucións necesarias, poderemos gozar tanto coma outros anos.

FELIZ INVERNO PARA TODAS E TODOS!

          


luns, 21 de decembro de 2020

Bo Nadal

 Esta é a nosa  audiopostal para felicitar estas datas aos avós do Centro de Día, as nenas e nenos de Escola Infantil  ás familias e a todo o concello en xeral.

BO NADAL!     e 

SAÚDE PARA O VINDEIRO ANO!

domingo, 20 de decembro de 2020

Recomendamos...

 Os libros infantiles máis representativos de cada país de Europa.

Os libros son capaces de perdurar no tempo e marcar as nosas vidas. 

Todxs recordamos ese libro que todas as noites pediamos que nos leran, ou o que nos regalaron cado eramos pequenos , ou aquel que tomamos en préstamo na biblioteca e que non deixabamos de ler en canto tiñamos un momento libre. 

Este NADAL recomendámosvos que leades algún destes libros que, dende hai moitas xeracións, animaron e seguen animando a ler ás nenas e nenos de Europa. Moitos deles están na biblio do cole, de outros seguro que nunca oirades falar pero que seguro que son interesantes e non estaría de máis coñecelos e lelos.

Neste mapa hai representados 31 libros infantís de distintos países europeos.

Cantos coñecedes?  

Cal ou cales recomendariades? 

Escribide un comentario e respondede 

domingo, 6 de decembro de 2020

Somos capaces

A labor non só dos mestres senón da comunidade en xeral é conseguir que xs alumnxs aprendan xuntxs coas súas diversidades, en función das súas necesidades ; aprender que todxs teñen igual valor en  dignidade e dereito e que todos son capaces.

Esta é a finalidade da educación inclusiva: que todxs xs alumnxs aprendan xuntxs e estudien xuntxs tendo en conta as diferenzas, é dicir, que se recoñeza a cada nenx  segundo é, en función das súas propias necesidades e capacidades. (ODS 10)

As nenas e os nenos son coma bolboretas: algúns poden voar máis alto ca outrxs pero cada un voa da mellor forma que pode... 

Por que, entón, comparalos a uns con outros?

Cada nenx  é diferente

Cada un deles é especial

Cada un é fermoso e único!

Só é  unha cuestión de actitude:

Se ensinamos ás nenas e nenos a aceptar a diversidade como algo normal, non será preciso falar de inclusión, senón de convivencia.

Distintos voos, o mesmo dereito a voar


mércores, 2 de decembro de 2020

Somos diversos

No noso planeta viven moooitas persoas (unha de cada 10) que precisan dalgún tipo de apoio, dalgún tipo de  axuda. E pode que cada un de nós, ao longo da nosa vida experimentemos algún tipo de necesidade, aínda que sexa temporal. 

Hay xente que a isto lle chama discapacidade, pero discapacidade non quere dicir incapacidadePor iso a nós gústanos máis falar das diferentes  CAPACIDADES das persoas para sentir,😒😅 para elixir 👀, para querer 💑... Para opinar 🙋, para rir 😄, para chorar😱 ... 

As persoas, igual que as bolboretas  voan de forma diferente, pero todas teñen dereito a voar.

Temos que conseguir que o noso mundo respecte as capacidades de todas e todos. (ODS 10)

Iso depende de nós! 

Para coñecer a realidade das diferentes persoas, propoñemos as seguintes lecturas e actividades:

"Los zapatos de Marta" : un conto que narra a historia dunha nena que naceu con espina bífida. Tamén o podedes escoitar picando aquí

"Mi hermana Lola" :  Recolle as vivencias de Lola, unha nena con dificultades para aprender ao ritmo esperado nalgúns aspectos, pero tamén con capacidades, a través dos ollos dp seu irmán. Podedes aproveitar para velo en video

< "La tortuga Marian" : un conto sobre a síndrome de Down. Videoconto en you tube

< "Marcela, la inventora de palabras" un conto  da ONG Save The Children para concienciar sobre a violencia contra a infancia con discapacidade e previr os estereotipos asociados a ela. Podedes escoller entre ler o libro en lectura fácil, descargalo ou ver o video.


< "Diferentes"  guía ilustrada sobre diversidade 

< "Mi hermano tiene autismo"   presenta as típicas preguntas que poden facerse os nenos ou nenas que teñen un irmàn ou compañeirx con autismo.        Videoconto

< Un mar de core

< Di : Capacidade

< Cine: Cartelera Inclusiva

< Mais cine: Cartelera inclusiva 2