DÍA DA BIBLIOTECA

 O 24 de Outubro, celebramos na escola o Día da Biblioteca.

O lema deste ano é :

Contra a Desinformación: Bibliotecas.

Para conmemorar este día, disfrutamos da actuación de  Servando Barreiro, que nos animou coa súa música.

Presentáronse os colaboradores deste curso escolar.

Visitounos Efrén, que fixo entrega das mochilas viaxeiras ao alumnado de infantil, 1° 2 °3°e 4° de primaria.

Desexamos un ano de moitas aventuras lembrando que...O noso  mellor outfit: curiosidades e ganas de ler.

Día das Bibliotecas

DÍA DA BIBLIOTECA ( 1ª PARTE )

No CEIP Saco e Arce celebramos hoxe, día 24 de outubro, o día da Biblioteca. 

Neste día ( que en realidade foron varios máis ), baixamos todo o alumnado á nosa biblio para coñecer aos nosos/as axudantes da biblio. Rapaces e rapazas de 5º e 6º de Primaria apuntáronse para colaborar na biblio durante o tempo de lecer. 

Cada un/unha recibiu o seu carné de colaborador/a da Biblio, entregamos as mochilas viaxeiras ao alumnado de Infantil e 1º e 2º de Primaria ( os demáis cursos participan no clube de lectura ) e tivemos máis sorpresas....

A viaxe das mochilas

Hoxe as mochilas comezaron a súa viaxe  

Son un intento de achegar un certo número de documentos procedentes da biblioteca escolar para que os disfrute toda a familia durante unha semana (de luns a luns). Non hai directrices concretas de uso e en cada casa usaranse de forma diferente.

Con elas pretendemos dinamizar os fondos da biblioteca e facilitar o acceso aos libros a nenos e nenas e tamén as familias, provocar na casa situacións lectoras, compartir momentos co libro como protagonista e ler xuntos. 

No seu interior atoparedes  a relación dos materiais que contén e unha folla en branco na que todos os membros da familia poden escribir as súas impresións e valorar a experiencia.

Xa sabedes que o servizo de préstamo da Biblio tamén se fai extensible a todas as nais e pais. 

Picade na imaxe ou no enlace e descubriredes en que consiste a actividade  que chamamos De 13 a 100

DE 13 a 100

. 

As mochilas comezan a andaina

Un ano máis as Mochilas Viaxeiras comezan a súa nadaina de casa en casa. 

Para os que non coñecedes a actividade, direivos que a Mochila que a vosa filla ou fillo levará á casa pretende proporcionar un motivo de encontro entre os membros da familia tomando como motivo o mundo dos libros e a lectura. 

A Mochila permite aos nenos e nenas levar á casa, en préstamo temporal (unha semana),  uns materiais que pretenden reforzar o vínculo entre a escola e a familia na súa labor común de formación dos lectores máis novos.

No interior da mochila vai a lista dos materiais que contén e unha folla que pretende ser un diario de viaxe. Os nenos completarán esta folla escribindo (a poder ser polos dous lados) sobre os materiais que máis lles chamaron a atención e vós podedes facernos chegar a vosa opinión sobre a actividade,

Esperamos que vos ilusione tanto como a eles!

Recordade  que é moi importante comprobar que todos os materiais estean de novo dentro da Mochila antes de devolvela á escola.