Estes días conmemoramos no cole o día de Rosalía de Castro e o día da lingua materna.
Para tal ocasión, xuntámonos todos e todas na biblioteca para ler un conto sobre a vida e a obra de Rosalía. Uxía e Noelia foron as encargadas de trasladarnos a aquela época na que Rosalía destacou na poesía, na música e no sentir galego.
Ao remate, cantamos a canción " Rosalía pequeniña "
O proxecto deste curso escolar tamén estivo presente neste día e para celebrar o día da Lingua materna, adornamos un vestido de Rosalía con flores que ían escritas con diferentes palabras nos idiomas maternos do alumnado do cole.
Conmemorando o día de Rosalía e tendo sempre presente o noso proxecto anual sobre a AUGA, fixemos unha actividade moi chula decorando paraugas con temas relacionados con Rosalía.
Participou todo o cole para as decoracións e logo colgamos os paraugas na entrada do cole.
Non hai prato máis humilde nin mais pegado á nosa terra que o caldo. O "caldo de gloria" que cantou Rosalía de Castro no seu poema "Miña casiña, meu lar" do libro Follas Novas, foi a base alimentaria de Galicia durante moitos anos nos que a comida e os cartos eran escasos.
Uns grelos ou verzas, unhas fabas, unhas patacas e un trisco de unto son os principais ingredentes . E que ferva todo moi a modiño.
A nosa cociñeira todo o cociña "de gloria" , e o caldo non ía ser menos! Saiulle para chupar os dedos!
Un Caldo de Gloria para recordar a Rosalía no seu día, segundo a proposta da Fundación Rosalía de Castro, para poñer en valor tanto a gastronomía tradicional como a lingua galega a través dos manteis individuais que solicitou a encargada de comedor e nos que figura o poema e unha explicación sobre o caldo .
Para homenaxear a Rosalía de Castro no seu día, as rapazas e rapaces de 5 EP escribiron haikus, uns pequenos poemas de orixe xaponesa xeralmente formados por tres versos de 5, 7 e 5 sílabas respectivamente.
Aquí os tendes, recitados polas autoras e autores.
"Eu son libre. Nada pode conter a marcha dos meus pensamentos, e eles son a lei que rexe o meu destino. " Rosalía de Castro.
Durante toda a semana, coa colaboración do alumnado, fomos pintando o mural para conmemorar o Día de Rosalía. Nas aulas preparáronse as flores de pensamento para seren colocadas ao redor do retrato da autora, escribindo en cadanseu pétalo un verso ou unha palabra dalgún dos seus poemas. Para rematar, o día 23, cada aula foi colocando os seus pensamentos no mural.
Rosalía de Castro está de aniversario e por iso, coma todos os anos, queremos facerlle chegar os nosos parabéns a través dunha pequena homenaxe, pero primeiro imos aprender mais cousas sobre a súa vida e obra.
Os Bolechas fálannos de Rosalía de Castro
Fostes algunha vez a Padrón? Imos visitar a casa onde viviu Rosalía coa súa familia e onde ben seguro que tamén sementou pensamentos.
Se picades aqui poderedes ler o Manifesto da AELG para esta data escrito por
Este ano, tendo en conta a situación sanitaria e que estamos a vivir , a proposta da AELG pareceunos moi axeitada : reivindicar a figura de Rosalía a través da música e o ritmo , que nos axuden a esquecer as preocupacións que rondan polo noso interior.
Ela xa o fixo a través da súa visión do amor e a dor, da paisaxe, do feminismo... cos seus poemas escritos hai ben anos.
Ela deixou un legado que intentamos recoller e levar ás aulas sementando música e poemas para reivindicar o noso, para confraternizar malia levar a cara cuberta
Tendo en conta que escribir en galego no século XIX non resultaba sinxelo pois a nosa lingua estaba moi desprestixiada e menosprezada, Rosalía soubo dar unha
mensaxe de amor e compromiso coa terra, coa lingua, coas persoas, coa igualdade, coa xustiza..., unha mensaxe difícil naquela época, na que ser muller e falar galego non eran situacións doadas, pero unha mensaxe que máis de cen anos despois aínda segue vixente e segue sendo necesaria . Despois de facer un repaso pola figura literaria da Autora, e da busca dalguns dos seus poemas nos que atopamos esa tristura que a acompañaba sempre por estar lonxe da súa terra, pasamos a ilustralos e lelos diante dos compañeirxs. Estas foron as poesías que escollemos:
Rosalía foi unha migrante, como se lles chama agora a esas persoas que teñen que deixar a súa terra para buscar un traballo, un lugar mellor onde criar xs fillxs, un sitio tranquilo onde vivir... Andivo Errante Polo Mundo... coa súa pena ás costas.
Dende hai uns meses, Rosalía xa non ten so unha presenza universal, ten unha presenza estelar... Está no firmamento, xunto co exoplaneta Río Sar . Rosalía, que xa era unha estrela para todxs nós, ten agora a sua propia estrela no ceo, unha estrela lonxana, a 240 anos luz da terra que a viu nacer aló polo ano 1863 O grupo de 5º de EP, xunto con Lara , de 6º , realizaron un programa para a Radio Tarabela coa homenaxe de todo o colexio á nosa escritora máis universal:
Con so dous días de diferenza celebramos o Día Intenacional da Lingua Materna e a data de nacemento de Rosalía, a nai do Rexurdimento Galego. Rosalía volve ás nosas aulas, onde está sempre presente, recorre os corredores e visita a biblioteca para agasallarnos con recitados e traballos plásticos. Este ano, ademais, déixovos dous video clips que serven de homenaxe a poetisa no seu día. O primeiro é do Concello da Estrada e nel participan músicos e bandas estradenses. É unha declaración de amor ao legado literario da autora, inspirada na composición de Ben E. King "Stand by me". Titúlase "Estás en min".
E o segundo é unha adaptación de MJ Pérez, unha cantautora galega, da canción "Malamente" doutra Rosalía, pero coa letra do poema "Castellanos de Castilla" da nosa autora. Titúlase "Malaxente".
"Nun mundo de fiestras pechadas, buscamos o refacho de vento que as abra de vez"
María Reimóndez
Asociación de Escritoras e Escritores en Lingua Galega (AELG)
#AbrideAFiestra
A actividade programada pola AELG tivo moita repercusión entre as familias do cole. A maioría participou preparando o seu cartel cos versos de Rosalía e pendurándoo das fiestras para darlle visibilidade.
Tamén fixeron fotos cos seus familiares, amigos e veciños:
No cole organizamos un pequeno acto de homenaxe no que abrimos as fiestras para mostrar os carteis feitos nas aulas e recitamos os versos que cada nenx elixiu . Todxs levabamos a pegatina que elaborou o ENDL do centro.
A Asociación de Escritoras e Escritores en Lingua Galega (AELG) disponse a conmemorar
un ano máis o Día de Rosalía de Castro. O 24 de febreiro, aniversario do nacemento da autora, esta entidade propón á cidadanía que agasalle un libro en galego e unha flor, alén doutras accións que contan con grande aceptación , como podedes comprobar no arquivo audiovisual e de imaxes
Por iso, para expandir o poder da súa palabra entre a xente nova, a AELG convídanos a celebrar o Día de Rosalía de Castro nos centros de ensino con accións colectivas de difusión da súa obra .
O lema da proposta deste ano é #AbrideAFiestra .
Quen é a Rosalía de Castro da que vos sentides máis próximos? Facédevos cómplices dela
Como?
Despois de facer un repaso pola figura literaria da Autora, e dalgunhas lecturas da súa obra, propoñémosvos que cada un elabore, nun soporte que poida ser pendurado nunha fiestra ou pegado na parte interior dos vidros das fiestras (tea, cartolina ou similar), un cartel no que escribiredes algúns versos da autora da vosa escolla para lles dar luz desde as fiestras e facelos visíbeis .
Esta iniciativa pretende ademais que o alumnado comparta esta celebración coa súa familia e veciñanza. Para isto queremos fotos de cada un de vós, acompañados das vosas persoas maiores, portando entre ambos o cartel que fixestes, e mostrándoo nesas fiestras que, coa axuda de Rosalía, queremos abrir a un mundo e un tempo novo.
(podedes achegarnos as fotos antes do venres 23 de febreiro nun pendrive ou envialas ao correo da biblioteca ceip.saco.arce@gmail.com)
Vida e obra de Rosalía - CEIP Eduardo Pondal de Vigo
Os Códigos QR almacenan información nunha matriz de puntos ou nun código de barras bidimensional.
Estes códigos unha vez lídos dende un móbil, permitiranvos visitar a páxina Web introducida de forma automática. Só tendes que descargar un lector de códigos. Hai múltiples lectores QR gratuitos, para todos os móbiles e tablets nas App Stores dos dispositivos.
Atopade o lector axeitado para o voso terminal e descargádeo.
Abride a aplicación e, mantendo o obxectivo da cámara sobre os códigos QR , escaneade as imaxes (O escaneo realízase en cuestión de segundos) e descubriredes o que se agocha detrás de cada código.
Mirade a actuación da clase de 2º EP neste QR
Mirade o ben que cantaron os nenos e nenas de E. Infantil neste QR
Desprazámonos ata o Centro de Día de Toén para compartir a nosa homenaxe a Rosalía con todas as avoas e avós .
Falámoslles sobre a vida da autora e recitamos poemas, algún deles convertido en canción...
Eles tiñan preparado para nós un xogo: Tiñamos que ordear os versos duns poemas que nos recitaron. A súa axuda foi inestimable para logralo:
Despois, caracterizados coas nosas carautas de Rosalía e cos versos que cada un elixiu, fixemos fotos cos avós e as avoas sumándonos así a actividade proposta pola AELG.
Coma todos os anos, todo o colexio se implicou na celebración do Día de Rosalía.
Comezamos facendo unha postal co retrato da autora e escribindo dentro un dos seus poemas:
Cada clase elixiu un poema da autora. Os máis pequenos recitaron :
EI: O Moucho Rosalia2016EI from Efren Esquio on Vimeo. 1º e 2º: Adios ríos, adiós fontes rosaliaPrimeiroSegun from Efren Esquio on Vimeo. Rosalía estaba moi familiarizada coa música popular e máis de 170 anos despois son moitos os músicos que escollen os seus versos para poñerlles música e cantalos . Luz Casal, Amancio Prada ou a rapeira Aid non se resistiron á musicalidade das súas palabras. Nós tampouco. Por iso, as nenas e nenos maiores elixiron dous poemas con música: 3º: Negra sombra
rosalia2016_terceiro from Efren Esquio on Vimeo. 4º, 5º e 6º : Alborada rosalia2016_4_5e6 from Efren Esquio on Vimeo.
Tiñamos previsto achegarnos ata a praza de Toén e ata o Concello para recitar e cantar os nosos poemas, pero a chuvia non permitiu a saída.....
O Sr. Alcalde interesouse pola actividade e foi él o que se achegou ao colexio para acompañarnos
GRAZAS!
As nenas e nenos elaboraron cadansúa postal empregando o modelo que nos fixo chegar a AELG . Pedímoslles que, despois de ler os versos, realizaran un debuxo en torno á figura de Rosalía Están expostas no taboleiro e a cada unha correspondeulle un número .Agora queda facer a votación para elixir a que máis nos gusta.
Moitas foron as actividades que realizamos nas distintas aulas do cole para celebrar o DÍA DE ROSALÍA deste ano. Comezaron os maiores regalando poemas a tod@s @s compañeir@s.
Cada un deles elixiu unha poesía de Rosalía e recitouna diante das compañeiras e compañeiros doutros cursos. Comentaron con eles a temática do poema e despois invitáronos a facer un debuxo que o ilustrase.
Tamén escribiron unha carta dirixida ao Sr Alcalde, solicitando que o Día 24 de febreiro sexa incluído na programación de actividades culturais do Concello
Ademáis, en cada clase, cada titora ou titor encargouse de realizar diferentes actividades e elaborar recordos conmemorativos : marcapáxinas, rosas de papel,...
O vindeiro martes 24 Rosalía de Castro estaría de aniversario: celebraremos os 178 anos do seu nacemento .
Moitos persoeiros galegos e de fóra de Galicia queren homenaxeala achegándose a súa obra e a súa figura, destacando a importancia que tivo para enfrontarse as circunstancias da época na que viviu, na que as mulleres non podían participar da vida pública e o pobo non podía escribir na súa propia lingua.
Eles son Rosalía cando se inspiran nela, cando a cantan, cando seguen as súas pegadas.
Nós tamén somos Rosalía cando a festexamos, cando a lemos, cando nos comprometemos coa terra e como lingua coma ela.
Por iso gravamos este video e temos programadas outras actividades que iremos publicando no Bloguesquio ao longo da semana
Desde o ano 2010, a Asociación de Escritoras e Escritores en Lingua Galega (AELG) promove a conmemoración do aniversario do nacemento de Rosalía de Castro o día 24 de febreiro.
Nos últimos anos foron varias as accións promovidas desde a AELG que contaron cunha grande aceptación por parte da sociedade, persoeiros da cultura galega e, moi especialmente, por parte das escolas de moitos recunchos de Galicia. Podedes comprobalo no arquivo audiovisual e de imaxes da web da AELG. Un ano máis, no cole queremos sumarnos aos actos de celebración do Día de Rosalía
realizando diversas actividades ao redor da figura da nosa escritora e da súa obra.
