LETRAS GALEGAS 2026

EN ABRIL, LIBROS MIL

No mes de abril, como cada ano, celebramos o mes do libro facendo diversas actividades:

O 23 de abril,  Día do Libro, tivemos un contacontos con Erea Mora. Ademais  Efrén, a nosa mascota de biblio visitou todas as clases e entregou sobres moi especiais con sementes de flores para plantar. Co lema “ Lemos para medrar” lembrounos que, ao igual que coas plantas, se lemos , estamos “sementando o noso futuro”.

Tamén tivemos a visita das familias. Durante a “hora de ler” varias nais e pais visitaron a biblioteca para compartir contos e historias con nós. Grazas por vir!!!

Os nosos colabores/as  tamén contaron contos usando o kamishibai para narrar as historias dun modo diferente.

Finalmente fixemos o apadriñamento lector. Foi emocionante ver aos alumnos/as máis maiores compartindo lecturas cos máis pequenos.

Día das enfermidades raras

 Para celebrar o Día das Enfermidades Raras, tivemos unha visita moi especial na nosa biblioteca.  María del Carmen, a mamá de Xoel, acompañounos para compartir un conto co obxectivo de dar visibilidade ás enfermidades raras. 

A través da  lectura,  os nosos alumnos/as disfrutaron dunha historia emocionante e aprenderon o valor da empatía, a inclusión e o respecto á diversidade.

Día de Rosalía e da Lingua materna

 Estes días conmemoramos no cole o día de Rosalía de Castro e o día da lingua materna.

Para tal ocasión, xuntámonos todos e todas na biblioteca para ler un conto sobre a vida e a obra de Rosalía. Uxía e Noelia foron as encargadas de trasladarnos a aquela época na que Rosalía destacou na poesía, na música e no sentir galego.

Ao remate, cantamos a canción " Rosalía pequeniña "

O proxecto deste curso escolar tamén estivo presente neste día e para celebrar o día da Lingua materna, adornamos un vestido de Rosalía con flores que ían escritas con diferentes palabras nos idiomas maternos do alumnado do cole.

Quedou marabilloso !!! 

25 N

O pasado 25 de novembro conmemoramos o Día Internacional da eliminación da violencia contra a muller. O alumnado decorou uns panos con lemas contra dita violencia relacionándoos co tema do proxecto do centro deste curso que é "A Vestimenta: Máis que moda".

          Algúns deses lemas foron:

- Vístome como quero.

- Cosemos fíos de igualdade.

- O noso patrón é o respecto.

- Cortamos a tea da violencia.

Repartíronse pegatinas co lema "vestímonos de respecto"

 E o alumnado de 1º  creou e interpretou un rap titulado “Xa me visto eu, non me vistes ti”

Día de CASTELAO

 

LETRAS GALEGAS 2024

 

DÍA DO LIBRO

 

Nesta ocasión, veu á nosa biblioteca, para festexar o día do libro un gran amigo e compañeiro de moitas andanzas do pasado, tanto na Banda de Barbadás, como na Charanga " Os Escachapeitos " e como non na Banda de Gaitas " Frouma " de Piñor. Estou a falar de Justo Calviño Cruz.

Aterrizou no cole Saco e Arce para falar do seu libro " Os contos do avó " e veu acompañado pola súa filla Iria, o seu neto Izan e por José Manuel Dopazo.

Foi un placer volver a veros e unha ledicia escoitar tantas historias que moi ben veñen reflexadas no libro. Noraboa, familia, por manter estas tradicións tan preto da xente, tanto na literatura como na música. Por certo... Izan é espectacular !!!

Apertas en nome de todo o colectivo que forma o CEIP Saco e Arce

Día da árbore e da poesía

 

Día da Lingua e Día de Rosalía

 

Día da PAZ 2024

 

ENTROIDO 2024

NADAL

Conmemoración 25 N

O MAGOSTO

 

Día das Bibliotecas

Samaín/Halloween

LETRAS GALEGAS 2023

 Como todos o anos celebramos a romería das Letras Galegas. Este ano adicadas a Francisco Fernández del Riego.

Grazas a todas as familias que viñestes ata o cole para ver de primeira man as actuacións dos pequenos e pequenas. Tanto os teatros, coma as cancións coma as coreografías quedaron xenial. Menudo traballiño levaron as semanas previas. O esforzo pagou a pena.

Tamén quixemos facerlle desde o cole a nosa pequena homenaxe á nosa cociñeira Sara. Recordarémoste sempre, querida compañeira. 💗💗💗

DÍA DAS MULLERES CIENTÍFICAS - Veterinaria de Moreiras

 

Hoxe, 11 de febreiro conmemoramos o día das mulleres e nenas científicas.

E para tal ocasión, a AFA contactou con Conchi, veterinaria de Moreiras. 

Contounos cosas moi interesantes sobre como chegou a ser veterinaria. 

Sabedes que todo xurdiu a partires da súa avoa Domicila ?? Daquela, as mascotas eran aqueles animais que proporcionaban para comer. Os cans e os gatos non eran considerados mascotas.

Contounos moitas anécdotas sobre o seu traballo. Sabíades que na súa profesión tamén se fan inspeccións a metadeiros, supermercados, etc... para comprobar que se cumpren as normas de hixiene e que a comida esté en bo estado ?

Tamén nos enteramos que existen veterinarias no exército e en laboratorios...

Unha xornada moi instructiva e educativa. Aprendimos moitas cousas e nos animou a perseguir os nosos soños.

Moitas grazas, Conchi !!!!!

ENTROIDO 2023

 E chegou o ENTROIDO !!!

Non faltou ningún ingrediente nesta festa que celebramos no colexio.

Xoves de compadres e comadres, fareleiro, desfile, festival e algunha sorpresiña que foi xurdindo polo camiño...

O Proxecto deste curso, como ben sabedes, é a AUGA. Apareceron motivos relacionados co proxecto por todos lados, excepto no ceo. Tivemos uns días espectaculares para poder celebrar esta festa.

Grazas a todo o profesorado e aos nenos e nenas do cole polo tempo dedicado a ensaios, traxes...

Grazas tamén a todas as familias que vos achegastes ao colexio para ver o espectáculo.

Como non, ás famlias de 6º de primaria que argallaron o " Recuncho culinario " co fin de recaudar diñeiro para a excursión de 6º. 

Todo saíu xenial. Apertiñas a todos e todas e a desfrutar do entroido !!!!