Agasallo de Efrén

 Hoxe veu Efrén por todas as clases a darnos unhas sementes de flores a todo o alumnado.

Día da árbore e da poesía

 

Video Nadal

Momentos máxicos. Ilusión e compañeirismo. Remata un longo periodo de curso e o alumnado xe pensa en neve, agasallos, turrón, descansar na casiña coa familia e algúns, vlotar de novo ao cole para ver aos amigos e amigas.

Mentres, ambiente de Nadal, decorando a árbore con motivos relacionados coa auga ( menudas xenialidades as que aportaron dende a casa ), facer postais de felicitación aos maiores do Centro de Día, decoración de pasillos e clases...

Pola nosa parte, agradecer a todas as familias a súa colaboración coas actividades da escola e desexarvos que pasedes unhas boas festas. Que o 2023 traia o mellor para todos/as vós. Unha aperta grande !!!!

Amamos a Natureza

O noso cole está rodeado  de natureza. As nosas casas tamén... 

Será por iso que amamos as árbores, as  plantas e os animaliños grandes e pequenos.

Pero ultimamente notamos que a Nai Terra está un pouco triste ... Non a vemos sorrir. e iso preocúpanos.

Por iso, xs nenxs de E. Infantil  quixeron darlle apertas e  aloumiños,  para que saiba que nos preocupamos por ela e que sempre imos loitar para que a respecten e non a manquen. 

A aprendizaxe debe construirse dende o coñecemento do entorno máis próximo. Por iso,

pedimos ás nenas e nenos de E Primaria que, cando saísen a pasear,  fotografasen árbores e plantas do seu arredor e aprendesen os nomes. Porque resulta máis doado coidar o medio ambiente se o coñecemos e lle chamamos ás cousas polo seu nome.   

E para ver cantos nomes de árbores aprenderon, nada mellor que un xogo coas fotos que mandaron:

 

E tamen atoparon moitas plantas. Cantas podedes recordar?

Unha Árbore Senlleira

Sabedes que é unha  "árbore senlleira"?
Unha árbore senlleira é unha árbore que, polas súas características (tamaño, idade, significación histórica ou cultural, rareza, beleza  etc.) é considerada unha reliquia botánica, obxecto de respecto veciñal e que ten valor científico, cultural, botánico, paisaxístico ou ornamental

No barrio ourensán de As Lagoas podemos admirar a única árbore da cidade que esta inscrita no Catálogo de Árbores Senlleiras de Galicia. A sobreira de Loña 

Aínda que moitxs ourensáns non coñezan este magnífico exemplar de sobreira, non é unha árbore calquera. 
Leva dando sombra dende hai máis de 400 anos e hai 10 anos foi obxecto dunha homenaxe por parte da Fundación Felix Rodríguez de la Fuente, por iso ao pe da sobreira hai unha placa de recordo..

Altura: 21.4 metros
Perímetro do tronco: 7.27 metros
Diámetro da copa: 22.85 metros

 Non está situada no mellor sitio, parece estar "castigada, mirando á parede" pois está pegada ao muro do CEIP Manuel Sueiro, inxustamente arrinconada, a pesares de ser un monumento natural

Día da natureza

O 21 de marzo é o Día da Natureza .

Celebramos o Día da árbore coa visita de Xosé Santos, o garda forestal que nos acompaña sempre en todas estas faenas. Este ano, ademáis de arces e cancereixos, trouxonos unha árbore especial.
É especial porque non atoparedes ningunha outra coma ela nos arredores: só existe no Xurés e nalgunhas zonas de Portugal. 
Esperemos que medre á mesma velocidade que medramos nós.
Comprometémonos a coidala e protexela para que chegue a ser unha árbore grande e fermosa.

E tamén nos comprometemos a coidar  as hortalizas que cada un de nós sementou ou plantou no horto. 
A ver cando podemos probar unha das nosas leitugas, cenorias, amorodos ...

A nosa homenaxe ás árbores

O Día das árbores é especial porque celebramos a importancia e o rol vital que teñen as árbores na vida do noso planeta.
A primeira celebración foi en Suecia en 1840 e, dende aquela, todos os países do mundo se foron sumando a esta tradición.

Nós pensamos que a mellor homenaxe que lles podemos facer ás árbores e coidalas e organizar unha plantación no patio.
Para iso, que mellor que recibir aos Pepes (Pepe Santos e Pepe Conde), os nosos dous ecoloxistas preferidos?

Primeiro, un saúdo  ás árbores que apadriñamos o ano pasado non ven mal...

 E logo, a facer buratos e enterrar as raíces das novas árbores que nos trouxo Pepe...
  Xa temos máis de 20 especies diferentes !


DiaDaArbore2018 by Slidely Photo Gallery

O escarabello verde

 
"O escarabello verde" é un programa divulgativo sobre ecoloxía e medio ambiente . Inclúe reportaxes, documentais, entrevistas e tertulias sobre asuntos relacionados coa natureza.
 É un dos programas máis antigos de TVE 2, leva en antena dende 1997,  e é o único sobre medio ambiente que se emite nunha cadea nacional.
Bueno, pois cóntovos todo isto porque o outro día, o equipo do programa estivo gravando no colexio.
Viñeron acompañados de Xosé Santos, o noso axente forestal favorito. Coa súa axuda coñecemos algunhas particularidades da nosa contorna e aprendemos, coa axuda de mapas e brúxulas, a orientarnos no monte. Tamén prantamos un castiñeiro nas inmediacións do colexio.
Agasallounos cun anaco de árbore que, según puidemos deducir contando os seus aneis, ten a mesma idade que moitos de nós: 11 anos.


EscarabelloVerde by Slidely Photo Gallery

Xa vos informaremos sobre a data de emisión do programa, pero seguro que haberá que  deixar pasar o verán  e agardar a nova tempada...

El medio ambiente no son sólo animales y paisajes. El Medio Ambiente está íntimamente relacionado con el entorno, con las personas

El medio ambiente no son sólo animales y paisajes. El Medio Ambiente está íntimamente relacionado con el entorno, con las personas

El medio ambiente no son sólo animales y paisajes. El Medio Ambiente está íntimamente relacionado con el entorno, con las personas

Árbores e poesía

No cole estamos moi sensibilizados cos problemas medioambientais, quizais porque estamos  rodeados de natureza.
Todos os anos plantamos árbores, no patio ou fóra.
 E este ano, como somos conscientes de que o noso papel co medio ambiente ten que ir mais alá de apreciar a natureza, decidimos adoptar unha árbore  do noso patio.
Cada clase elixiu unha especie de árbore diferente para aprender sobre ela,  coidala e respectala .

            

                   

Ademáis, como o día da árbore e o día da poesía van collidos da man, decidimos escribir un poema para a nosa árbore e adornala  

As árbores son o futuro

Cada ano por estas datas dedicamos un día á plantación de árbores, polo xeral sempre nas inmediacións do cole. Levamos plantando árbores xa dende moitos anos atrás e contamos cunha grande variedade de especies diferentes no patio do cole: acivros, bidueiros, cancereixos, carballos, castiñeiros, nogueiras, pradairos, sobreiras… 

Este ano plantamos un érbedo, un carballo e unha sobreira. Tamén nos encargamos de coidalos, disfrutamos da súa sombra e tamén dos seus froitos.

A Deputación de Ourense achega propostas e materiais para traballar estas conmemoracións nas aulas, agasallando a cada alumno/a co conto “Dona Pinga e Don Carballo fan amizade” un recurso máis co que contaremos ao longo destes días.

Día dos Bosques

Dende un punto de vista biolóxico, os bosques cobren o 31% da superficie terrestre e son os ecosistemas  máis diversos. Albergan máis do 80% das especies vexetais e animais e xogan un papel moi importante na nosa loita por adaptarnos ao cambio climático, xa que contribúen a manter o equilibrio nos niveis de osíxeno, dióxido de carbono e humidade na atmosfera.

Por outro lado, dende a perspectiva humana, as árbores proporcionannos traballo,  refuxio,  combustible e medicinas . Ao redor de 1600 millóns de persoas dependen dos bosques para o seu sustento e tamén contribúen ao coñecemento científico e a exploración artística.

Pero a deforestación continúa  a un ritmo de 13 millóns de hectáreas por ano e é responsable dunha grande porcentaxe das emisións de gases que proiducen o efecto invernadoiro e contribúen ao quecemento global.

Os bosques son vida. 

Son os pulmóns do planeta ademáis de seren o fogar de centos de especies animais e vexetais. Ademais,  son vitais para o noso suministro de auga porque inflúen en como e onde chove e lavan e filtran a nosa auga.

Ao protexer os bosques do mundo, estamos protexendo a auga limpa da que dependemos para a nosa supervivencia.


Por iso, no Día Internacional dos Bosques, queremos recordar a importancia de protexelos.

Hoxe é un día para tomar conciencia!

via GIPHY

Día da Auga. Día das árbores

A Deputación de Ourense convidounos a  celebrar na escola estes dous días tan importantes para o noso planeta: o Día da Árbore e o Día da Auga.

Agasalláronnos cun libro "A palabra máxica" de Xosé A. Perozo, ilustrado por Viki Berre.
Narra as aventuras do trasno Beiro e a súa amiga Antela, a ninfa das augas na procura dunha bolsa de coiro  onde estaban gardados uns versos e unha música que o trasno tiña ao seu coidado.Para atopala terán que formar unha palabra máxica de dez letras e xuntar as augas de catro fontes da vida. Viaxarán no tempo ata catro lugares da provincia de Ourense onde hai mananciais de augas termais, e varias árbores axudaranos a rematar a aventura con éxito.

Os elementos máxicos_ personaxes, viaxes no tempo, mitoloxía galega_ serven para reforzar a importancia cultural das augas e as árbores na nosa terra e o poema que aparece ao final con música  de Manuel de Dios está considerado coma o Himno de Ourense.

 
HimnoOurense from Efren Esquio on Vimeo.

Como recordo deste DIA  prantamos un acivro no patio do cole:


Dia da Árbore, 2015 by Slidely Photo Gallery

21 de marzo, Día das Árbores

Como case todos os anos, recibimos a visita de Xosé Santos, o técnico forestal, que sempre que se achega ao cole trata de trasmitirnos o seu amor polas árbores e a natureza.
Esta vez viña moi ben acompañado... O profe Pepe veu axudarnos coas actividades e a plantación ...
Hai xente que colecciona cromos... Nós coleccionamos árbores.
Cada ano, polo Día da Árbore, Santos aparece cargado con especies diferentes. Hoxe trouxo abetos de Douglas, pradairos, cerdeiras, e algún carballo.
Cando pasen uns anos, o noso patio será un espazo   onde os paxaros, os esquíos e os coellos atoparán acubillo e non pasarán fame.
Agora só nos queda coidar as nosas árbores para que medren e dean froitos... 
Podedes ver as fotos aqui abaixo. (A canción é de Paco Nogueiras Nodar e titúlase "Cos pés na terra", como o noso proxecto de hai tres anos)



Pero este ano, Santos trouxo tamén un xogo de orientación.
Como sabe que estamos "viaxando ao redor do mundo"...

<

Poemas ás árbores

Un dos apartados da miniquest Palabra de árbore propoñíavos escribir un poema a unha árbore que para vós sexa especial.
Este é o resultado:

Open publication - Free publishing - More arbores

Abraza unha árbore

Unha árbore e moito máis que unha planta cun tronco leñoso, pólas e follas.

 É un ser vivo que  foi venerado por moitos pobos ao longo da historia, entre eles os celtas. As árbores formaban parte dos seus ritos e prácticas máxicas, da súa vida cotiá e consideraban que tiñan usos medicinais. 

Crían que cada árbore posuía un espíritu, e que o seu rostro podía verse no seu tronco e a súa voz escoitarse no son das follas movidas polo vento.

Nos momentos de soidade, tristeza ou preocupación, os nosos antepasados buscaban unha árbore e abrazaban o seu tronco para transmitirlle os seus problemas e recibir, a cambio, a súa forza.

Así, os namorados buscaban un tilo ao que confiarlle as súas penas de amores, os homes qu ían á guerra, abrazaban un carballo que representaba ao deus Marte e as persoas que tiñan pouca confianza en sí mesmas achegábanse a un bido, que estaba baixo a protección de Mercurio.

Cando camiñamos entre as árbores dun parque ou un bosque, podemos sentir a súa enerxía. Por iso, como no noso patio temos moitas árbores, pensamos que sería unha boa idea celebrar o Día da Terra con elas.  As árbores axúdannos a  establecer contacto coa natureza, a relaxarnos,  e a comunicar a nosa mensaxe a Nai Terra. 

A festa da Árbore

A nosa homenaxe ás nosas árbores
Coma todos os anos (ou case todos)  celebramos o día da árbore cunha charla medioambiental e unha prantación.

Pepe Santos Otero, é un axente forestal que con asiduidade visita o noso cole, para concienzarnos da necesidade de que tod@s nos impliquemos no coidado dos bosques.

En primeiro lugar mostrounos unha presentación en ppt que daba a coñecer algúns datos escalofriantes sobre o impacto dos incendios, sobre todo en Ourense. Tamén nos falou do valor dos nosos recursos e da importancia de ter conciencia ambiental xa dende pequen@s.

E esta é a nosa pequena homenaxe :

Palabra de árbore

As árbores están ao noso arredor e teñen, como calquera outra especie animal ou vexetal, unha función definida no ecosistema. Por iso é importante coñecelas e respectalas, para asegurar a  súa conservación para xeracións futuras e para a propia saúde do planeta.

Acompáñannos desde o principio dos tempos e, entre outras cousas,  proporciónannos sombra, humedecen o ambiente, osixenan e purifican o aire, diminúen a contaminación, protexen contra a erosión e engaden beleza a paisaxe.
 Son unha obra de arte natural e  un agasallo para os sentidos. 
O mesmo que a poesía.
Debe ser por iso que o 21 de marzo, coincidindo coa chegada da primavera, coinciden as dúas conmemoracións :o DÍA DA ÁRBORE  e o DÍA DA POESÍA.
Este ano preparamos esta MiniQuest que vos irá guiando para que , 
empregando a información que achedes nos libros da biblio e na rede, aprendades cousas novas e recordedes outras moitas que xa sabiades sobre as árbores . 
No obradoiro literario propoñémosvos que poñades a proba a vosa creatividade e escribades un poema, un canto ás árbores e ao bosque.

MiniQuest: PALABRA DE ÁRBORE

Aquí atoparedes contos, xogos, información, adiviñas.... e unha GUIA DE LECTURA para estes días 

<

Poemas sobre árbores escritos por autores galegos - Un precioso traballo do CEIP Victor Sáenz

Open publication - Free publishing - More arboles