As fontes do meu pobo

 

Video Nadal

Momentos máxicos. Ilusión e compañeirismo. Remata un longo periodo de curso e o alumnado xe pensa en neve, agasallos, turrón, descansar na casiña coa familia e algúns, vlotar de novo ao cole para ver aos amigos e amigas.

Mentres, ambiente de Nadal, decorando a árbore con motivos relacionados coa auga ( menudas xenialidades as que aportaron dende a casa ), facer postais de felicitación aos maiores do Centro de Día, decoración de pasillos e clases...

Pola nosa parte, agradecer a todas as familias a súa colaboración coas actividades da escola e desexarvos que pasedes unhas boas festas. Que o 2023 traia o mellor para todos/as vós. Unha aperta grande !!!!

Semana Científica

Estes días acudimos á biblioteca a facer experimentos relacionados coa auga. Foron moi interesantes e tanto o alumnado de infantil como o de primaria observamos como se podía aprender cun chisquiño de " maxia química ".

Ata Efrén se animou a facer experimentos, aínda que algún lle daba un pouco de mal fario... cousas de esquíos...

APADRIÑAMENTO LECTOR 1ª PARTE

Hoxe foi un día especial. Todo o alumnado participou na escolla de padriños e apadriñados para esta actividade do equipo da Biblioteca, o Apadriñamento Lector, donde os padriños escollen un conto e llo lerán ao seu apadriñado. 

 Todo o cole participa desta actividade e xa contan os días que faltan para elexir un lugar axeitado do colexio para ler o conto.

Mes dos libros: Xogos de nenxs

Invitamos a nenas e nenos a converterense  en programadores de videoxogos. 

Tiñan que deseñar un xogo para compartilo cos compañeiros/as, empregando o programa  Cerebriti, educaplay ou calquera outro que coñeceran.

Podían elixir entre moitas clases de xogos diferentes: sopas de letras, buscar parellas, tests, encrucillados...  

A temáica do xogo tiña que ter relación co mundo dos libros: Autores, partes do libro, personaxes, curiosidades, temas ...

Encrucillados

• Adiviñas quen son? Personaxes  de   contos                                       
• Canto sabes sobre libros? - 
• Canto sabes? 

Sopas de letras

• Personaxes de contos - 
• Editoriais
• O neno can : Se non liches o libro... terás que buscar axuda 

Relacionar columnas

• Emparellar título e autor
• Emparellar títulos

Quebracabezas

• Moi sinxelo (6 pezas
• Nivel medio  (12 pezas)
• Nivel complexo (20 pezas)

A rapazada colabora

Ao longo destes días, moitas son as colaboracións que estamos a recibir no correo da biblioteca por parte do alumnado que , ademáis de facer as súas tarefas escolares, aínda ten tempo de animar aos demáis coas súas ideas

• Oliver, de EI 3 , realizou  un experimento

• Sira, de EI4  ensinounos como practica os números dun xeito moi divertido

• Darian de 2 EP le un libro

• Xoana  de 5 EP converteuse en locutora de radio e enviounos un programa desde a súa casa:

• Inés de 6EP cantounos a canción "Vivir", de Rozalén   que traducimos ao galego  o outro día

• Aixa de 6EP  mandounos un video no que nos ensina a tecer cos dedos unhas diademas moi xeitosas 

• Xoana, enviou outra  aportación: Unhas recomendacións de lectura que, nestes días de encerro, ben se agradecen...

Mes dos libros

Na nosa biblioteca, como en moitas outras, Abril é o mes dos libros: O día 2 é o Día do libro Infantil e o  23 é o Día Mundial do Libro.
A pesares de non estar no cole, e sobre todo este ano, non podemos deixar de celebrar este mes . 

Os libros son coma ventás abertas: fan que poidamos viaxar sen movernos da sala ou da cama, permítennos vivir outras vidas e desfrutar de aventuras emocionantes...
Por iso, cando todas as tardes saímos ás ventás a aplaudir, uns poucos deses aplausos témolos que dedicar aos libros. 
Ben o merecen!

Embaixo tedes as actividades que preparou a Biblio para que alumnado e familias colaboren nesta celebración.

Actividades Mes Libros

Leer más publicaciones en Calaméo

ESPERAMOS AS VOSAS CONTRIBUCIÓNS

Biblio na casa, #biblioAberta

Preparamos unhas cantas actividades para  estimular a creatividade dos nenos e nenas durante este período de confinamento na casa que nos tocou vivir. 
Esperamos a participación de todos e todas.

BiblioNaCasaMarzo

Leer más publicaciones en Calaméo

Espazo Argalleiro: Xincana TIC

Como este ano o centro está a participar no Proxecto Digicraft, a Biblioteca e o Equipo TIC, organizaron unha xincana tecnolóxica. 
En que consistiu?
Pois o alumnado, formando equipos de  9  participantes de todas as idades, tiveron que pasar por todas as "estacións" e realizar as probas que se lles propuñan, eso sí, dun xeito colaborativo.
 En cada "estación" tiñan que obter unha valoración positiva para, ao final, lograr unha recompensa.
O alumnado realizou actividades que non so se basean no uso de dispositivos electrónicos, senón que implican o desenvolvemento de habilidades motoras e cognitivas, o pensamento lóxico e o traballo en equipo. 

Con algunhas das apps das que dispoñen as tabletas realizaron actividades como crear un videoxogo, buscar información utilizando a realidade aumentada, crear un anuncio publicitario, crear un video de animación...

Foi unha mañá moi productiva e divertida para todo o alumnado.