mércores, 25 de novembro de 2020

25N: con máscaras SI, caladas NON


Efrén decidiu regalarlles aos nenos e nenas un contiño que se titula "Las muñecas son para las niñas" de LUDOVIC FLAMANT.

É un conto que trata con moita ironía o tema dos estereotipos de xénero aínda presentes na nosa sociedade, moitos dos cales poden e deben ser erradicados dende a familia e a escola. Tamén nos recorda a importancia de respectar os gustos dxs nosxs fillxs, deixándolles liberdade de elección, algo fundamental para que sexan capaces de tomar as súas propias decisións e defender as súas ideas.

 Se hoxe educamos no respecto, na igualdade e no cariño por riba de todo, mañá non teremos que recordar este dia no que se reivindica o bo trato e se trata de plantar cara á violencia contra as mulleres.

Todxs no cole nos sumamos a esta petición. 

Decoramos un cubrebocas, unha máscara, con lemas e debuxos esixindo tolerancia e respecto.


Despois, enchemos a cerca do patio con lazos de cor morada 


Aurora, unha nena de 5EP, está feita unha verdadeira poeta e escribiu un poema para esta data:




martes, 24 de novembro de 2020

Igualdade = Bo trato

 


A agresividade contra as mulleres está estreitamente relacionada con crenzas e estereotipos  de xénero. Por iso hai que comenzar a erradicalos dende idades temperás.

As actitudes sexistas e os comportamentos agresivos  cara as mulleres non nacen cos nenos, son conductas aprendidas. Por iso na escola debemos crear valores en nenos e nenas  para que estas actitudes desaparezan 

 AS NENAS E OS NENOS PODEN FACER AS MESMAS COUSAS

AS NENAS E OS NENOS PODEN XOGAR COS  MESMOS XOGUETES

AS NENAS E OS NENOS  PODEN VESTIR A MESMA ROUPA  E DA COR QUE QUEIRAN

AS NENAS E OS NENOS PODEN SER O QUE QUEIRAN SER

Con esta idea creamos este video:

EU ROMPO A CADEA, E TI?

luns, 23 de novembro de 2020

A ciencia das bisavoas

Cando os nosos devanceiros poñían auga nun porrón de barro para que estivera fresca, cando empregaban plantas para curar enfermidades  ou cando usaban o sal ou o fume para conservar os alimentos estaban realizando procesos que teñen unha base científica, aínda que eles non o  souberan.

Quixemos que na semana da ciencia deste ano os experimentos tiveran relación co Proxecto no que estamos traballando: "Album de lembranzas". Por iso eliximos estes que vos mostramos a continuación:

- Facemos un compás - 1 EP


- Limpamos prata - 2EP

- Facemos queixo - 3EP

-Pantógrafo - 4EP

- Barómetro - 5EP

- Pegamento ecolóxico - 6EP

venres, 20 de novembro de 2020

Dia da Infancia



Celebramos o
Día Internacional da Infancia. É unha data para lembrar que as nenas e nenos non son só seres fráxiles que necesitan ser protexidos, senón que son persoas que teñen dereitos: Dereito a seren educados, dereito a divertirse, a aprender e a expresarse , dereito a recibir coidados médicos e alimentarse para garantir o seu desenvolvemento en tódolos aspectos e onde queira que teñan nacido.



Entre todas e todos  fixeron este mural no que resumiron o que aprenderon:

Aurora sorprendeunos cun poema :

Hoxe é o noso día by Ceip Saco e Arce on Scribd


luns, 16 de novembro de 2020

NÓS naceu en Ourense



En  1920 nacía en Ourense a revista NÓS, un proxecto cultural impulsado por Vicente Risco, Otero Pedrayo, Castelao e Losada Diéguez . Editouse ata 1935 e apostaba por fortalecer  a cultura e literatura galega,  crear conciencia do valor do noso e consolidar a lingua galega como medio de expresión no ámbito 
científico

O 30 de outubro saíu á luz o primeiro número da publicación, que sempre en lingua galega, trataba temas tan diversos como a etnografía, a ciencia, a arqueoloxía xunto a tradución de filósofos alemáns, novidades artísticas doutros paises europeos ou versións de obras da literatura universal

Con motivo deste centenario na ourensá rúa do Paseo inaugurouse unha mostra que poderá visitarse ata o 30 de novembro e que ten como obxectivo dar a coñecer o que esta xeración literaria supuxo para Ourense e para a cultura galega.

Revista Nos by Ceip Saco e Arce on Scribd

 
Os exemplares da Revista poden consultarse na  Biblioteca Dixital de Galicia, Galiciana.

domingo, 1 de novembro de 2020

Noite das ánimas

 Samaín, Noite de Defuntos, Noite dos mortos, Festa dos calacús ... En Galicia temos moitos nomes para referirnos á mesma data . 

Para qué queremos chamarlle Halloween? Deixemos iso para a clase de inglés...

E, coma todos os anos, as pantasmas, monstros e demos viñeron ao cole,  pero respectando as normas.

Cabazas, calacús ... como lle chamas ti?

Coma todos os anos, aproveitamos a celebración do Samaín para facer unha exposición de cabazas. 

Este ano, por aquilo do virus, pedimos que viñesen decoradas, non talladas... 

A imaxinación non ten límites...

Related Posts Plugin for WordPress, Blogger...