Día da PAZ 2024

 

Día da Paz

 Como cada ano, o 30 de xaneiro conmemoramos o día mundial da Paz.

Este curso, ten unha relevancia especial. Cando xa pensabamos que as guerras eran cousa do pasado, alá polo Século XX, aparece nos nosos días unha guerra tan absurda e innecesaria que berremos ben alto que 

NON QUEREMOS METRALLETAS !!

QUEREMOS PANDEIRETAS !!

Plantemos en Toén cada un de nós unha árbore pola PAZ. 

Regala e coidala é tarefa de todos e cada un de nós.

Para esa aventura, acompañounos hoxe Anxo Moure, escritor, contacontos, ecopacifista e amigo do noso colexio desde fai moitos anos. A última vez fumos invitados á súa casa de Mariz ( Chantada ), na aldea de Garabelos. Agora visitou o noso cole acompañado do seu patinete.

Pola mañá, todo o cole foi colocando un barquiño de papel cunha mensaxe de Paz ao longo do enreixado do colexio. Contra vento e marea, eses barquiños deben navegar polas ondas para chegar ao seu destino.

Buscamos a nosa PAZ INTERIOR

 O Día da Paz deste ano dedicámolo á nosa Paz interior, algo indispensable para sermos felices.

Atopar a paz interior é fundamental para obter o equilibrio que é o que queremos conseguir ou,  alomenos, aprender a buscar, co proxecto anual que estamos levando a cabo. 

Xa aprendemos  que hai que saber identificar e xestionar  as emocións aínda que ás veces haxa demasiadas nubes que as tapan. Tamén aprendemos que hai que saber poñerse no lugar do outro e saber perdoar. 

Por iso todo o alumnado escribiu en cintas de cores frases de agradecemento. Logo pendurámolas das árbores  e, ante a imposibilidade de dar apertas uns aos outros deixamos constancia dos nosos desexos abrazando as árbores con lás de cores que queren  representar as emocións que sentimos. 

✌Tomamos o chololate da amizade

🎤🎹🎼E para rematar a festa cantamos  "Unha receita de PAZ" que é o que desexamos cociñar todos os días

Regalamos palabras bonitas

 No Día da PAZ, hai algo mellor que  alegrarlle o día a alguén? 

Un simple xesto pode cambiar o estado de ánimo  dunha persoa. Por iso decidimos colocar nos corredores un imprimible con mensaxes e frases que deberiamos dicir a diario e que veñen ben en calquera momento. Hai frases para amigos, compañeirxs, profes ...

Que chovan os comentarios amables!

Tapóns solidarios

No cole levamos anos participando na reciclaxe de diferentes materiais: plástico, papel, pilas . 

Últimamente colaboramos coa Fundacion SEUR  recollendo tapóns para obter fondos para que  nenas e nenos sen recursos e con enfermidades graves teñan acceso a tratamentos médicos e aparatos ortopédicos que precisan e que non están cubertos pola Seguridade Social. As familias gardan os tapóns, nós almacenámolos no cole nun contedor e SEUR encárgase de recollelos e transportalos . Xa levan recollido máis de 6.500 Tm de tapóns , levan  doado máis de 1 millón  de euros e axudado a  uns 170 nenas e nenos

 Toda unha cadea na que participamos co noso pequeno xesto para facer un pouco máis felices aos que nos rodean.

Día da PAZ

  O dia 29, coma todos os anos, no cole celebramos a tolerancia, a solidariedade, a amizade o respecto ... todas esas palabras que non poden quedar niso, solo palabras.

Por iso rexeitamos os insultos, ameazas e enfrentamentos dentro e fóra da escola. 

No patio cantamos a canción "Eu teño alguén" , e separados en grupos burbulla, para non ter problemas...

Poñer un sorriso no noso día a día para afrontar as dificultades que imos atopando no camiño e a axuda mutua é o que queremos transmitir co noso mural onde aparecemos todas e todos collidos das mans e sostendo os lemas que cada unha escribiu.

PAZ, tres letriñas de nada ...

Este ano queriamos un día da Paz sostible e por iso nos dedicamos

a reutilizar e a reciclar...
Reutilizamos unha chea de botellas de plástico da auga do comedor. Fómolas gardando durante moito tempo!
Pintámolas e con elas fixemos un "super-mural" no que participamos todos.
A iso se lle chama cooperación!!!

Reciclamos dúas cancións que traducimos ao galego.
 Unha de Unai Quirós  "Cultiva a PAZ", que cantaron xs nenxs de EI : 

E outra que escribiron tres profesores do Colexio Lourdes FUHEM de Madrid. Puxémonos en contacto con eles e "prestárono-la" moi amablemente.  
Aquí podedes escoitar a nosa versión de "O Bonito":

Tamén pintamos unhas pulseiras da paz para recordar este día da amizade e a colaboración.

E, empregando o Kamishibai,  escoitamos o conto titulado "Se eu tivera unha puga ..." que nos fala da amizade e a xenerosidade. 

Receitas con sabor a PAZ

 A boa alimentación é fundamental para unha vida sa. 

Por iso nos metemos na cociña  para elaborar unha serie de receitas que deberían aparecer en calquera libro de cociña que se precie!

Empregamos os mellores ingredentes e, por iso, as nosas receitas son moi apetecibles : arrecenden a respecto, saben a agarimo e ao final deixan un lixeiro regusto a amizade ...
Tratade de preparalas na casa.
Hai para todos os gustos....

A paz está nos contos

A PAZ tamén está nos contos.
Hai contos que falan da solidariedade, de compartir, de perdoar ...
 E iso foi o que nos mostrou o mestre e contacontos Fran Guede, invitado pola AFA do cole.
Contou historias, cantou cancións, fixo que os nenos e nenas participaran ...

 Todo un éxito, vaia!

A paz esta nas nosas mans

Construir a PAZ é   tarefa de todas e todos. 

Na escola todos os días se traballan valores coma o respecto ás diferenzas , a solidariedade, a tolerancia , a empatía ...
E o día 30 de xaneiro é un día máis,  pero propoñendo actividades  que fagan visible o noso sentir.
Todas as nenas e nenos debuxaron as súa man  e escribiron nelas mensaxes  de PAZ.
Escoitamos e cantamos cancións , vimos curtas e limos contos que nos axudaron a reflexionar sobre o tema.

Que é a paz?

Tanto na familia como na escola temos a responsabilidade de preparar aos nenxs para a vida.
Debemos educalxs  para que tomen conciencia de que  todxs debemos promover os  valores  da  non violencia, o respecto e o diálogo na resolución de conflictos.
A celebración do día da PAZ debe ensinarnos a convivir en harmonía, a respectar as opinións dos demais, a ser honestos, a querer aos compañeirxs e a ser bos os uns cos outrxs.
Inmersos como estamos no Proxecto anual sobre o cine,  durante toda a semana, o alumnado reflexionou sobre estes temas a través do visionado de curtametraxes seleccionadas polo equipo de biblioteca.  Cada clase tivo  que representar nun cartaz as ideas e valores que transmitía a película que lles tocara en sorte . Despois, nunha xuntanza na biblioteca, fixeron unha exposición oral  das súas reflexións diante dxs compañeirxs .
Todos os cartaces forman parte do noso "filme de paz" que quedou exposto nas paredes do cole.

Se queredes ver máis:
<
Dia da Paz 2018 by Slidely Photo Gallery

#Somos valentes

Xa sabedes que enviamos o noso rap  a Mediaset para colaborar na campaña  #sebuscan#valientes.

Pois, recibimos esta mensaxe :

Entrade  en calquera das páxinas que suxiren (facebook, twitter, instagram), ou no enlace e poderedes ver o que fixeron.

BEN FEITO, rapeir@s!!

Reporteiros pola PAZ, 2017

Como xa ven sendo tradicional por estas datas, os nenos e nenas escribiron  noticias, frases,  poemas... para formar parte  desta mini revista "pacífica" que vimos editando os últimos 6 anos.

Este ano, seguindo co noso proxecto anual,  moitas das novas teñen que ver coa ciencia, cos beneficios que pode provocar na vida das persoas e o que os científicos e científicas poden facer para
mellorala.

<

Unímonos aos VALENTES

Juan Manuel Montilla, "El Langui" colaborou con Mediaset na elaboración do rap dos valentes.
Ser  valente é dar a cara ante unha situación de inxustiza e posicionarte do lado do que está só; sacar os teus sentimentos, non a base de puños, senón dende o corazón.
"Se buscan valientes" é un rap en contra do abuso na escola, poñendo o foco nos testigos que presenzan o acoso e teñen a chave para denuncialo. Son os amigos e compañeiros os que se teñen que converter en "salvavidas"· ante un caso de bullying.
Ser diferente é un aspecto que enriquece á sociedade, sen embargo é a excusa dos acosadores para actuar.
Aínda que na nosa escola non hai este problema,  decidimos sumarnos a esta iniciativa  facendo nosa a canción que tan famosa se fixo estes días para cantala o día da PAZ.
Como?
Pois... traducíndoa ao galego: "Búscanse valentes"

Sons de PAZ

A profesora de música organizou un concerto para conmemorar o Día da PAZ.
Os nenos/as tocaron á frauta dúas versións do Himno á Alegría.

Despois todos/as participamos cantando.


O himno de paz do noso cole non podía faltar: "Ponlle freo á guerra"
Para rematar, os nenos e nenas de 2º recitaron un poema que eles mesmos escribiron.

Tecendo a PAZ

Os conflictos son algo habitual nas relacións entre persoas. Xorden cando se persiguen obxectivos distintos. 

Resolver conflictos sen recorrer á violencia pode non ser sempre sinxelo, pero non é imposible . É o camiño para mellorar a convivencia.

Entre todos e todas quixemos tecer unha grande rede de desexos e compromisos para reivindicar na escola  a resolución non violenta dos conflictos .

Cada neno/a debuxou o seu autorretrato e escribiu o seu compromiso persoal.


TecendoPaz by Slidely Photo Gallery

A PAZ é cousa de tod@s

  - Na Biblioteca escolar houbo unha exposición de libros con valores , que levan implícitos mensaxes de amizade, tolerancia, diversidade, respecto ... 

- Como  en anos anteriores, propuxemos elaborar o Xornal pola  PAZ , que difunde noticias que  levan ao entendemento entre as persoas e accións que promoven mellorar as relacións entre os pobos.

Como adoita resultar difícil atopar estas noticias nos xornais, sos os nenos e nenas os que idean estas boas novas  para contaxiar con elas aos lectores

Grazas a todas e todos os que colaborastes nesta iniciativa .

- Na clase de música, os alumnos/as fixeron unha adaptación ao galego da canción "Baixo o mesmo sol" que cantan Álvaro Soler e Jennifer Lopez.

 - Os nenos e nenas de 4º representaron unha versión do  conto "A Bruxa Discordia"

- O noso Taboleiro da Lingua encheuse de palabras necesarias para construir a PAZ e a CONVIVENCIA: Bicos, Perdón, Solidariedade, Axuda, Xustiza,  Apertas  ... 

Mi collage animado -

Traballamos no día da PAZ

         Esta é mensaxe básica que queremos transmitir @s alumn@s ao longo de todo o ano:

  E este é un resumo das actividades que levamos a cabo cos nenos e nenas o día 30 de Xaneiro

• Regáloche un conto

As rapazas e rapaces de 5º e 6º seleccionaron  varios contos na biblio e achegáronse as diferentes aulas para lérllelos @s compañeir@s.
Estes  foron algúns dos elixidos:
+ "Pequeno azul e pequeno amarelo" de Leo Lionni
+ "Un monstruo muy especial" de Angela McAllister
+ "Nadarín" de Leo Lionni
+ "A guerra dos números" de Juan Darién
+ "A bruxa enrabechada" de Joles Sennell
+ "El cazo de Lorenzo" de Isabelle Carrier
+ "O país dos mandóns" de Paloma Rguez/ Cristina Justo

Eles recibiron 2 "conto-agasallos":
<  " Timoteo e Pedro Non-disparo" de Maite Carranza ,  trala lectura do cal, tivemos un tempo de reflexión  e debate sobre os motivos e o sentido das guerras.
< "Noite de reis" de Joan de Deu Prats, que despois reescribiron  en galego e ilustraron.

• Reporteiros Pola PAZ

En parellas, grupos ou de maneira individual, as alumnas e alumnos de todos os niveis escribiron noticias que merecerían ser publicadas no xornal, pero que, por desgraza, poucas veces poden ser lidas,  
Son noticias,  inventadas unhas e reescritas outras, que falan de amizade, solidariedade, tolerancia, respecto... 
Queren ser a representación gráfica de todas esas  (como din @s nen@s de EI) "palabras bonitas"que tratamos de inculcarlle dende pequenos. 

• O muro da PAZ

Cada nen@ escribiu nun anaco de cartolina en forma de ladrillo a sua mensaxe ou o seu manifesto de PAZ. 
Con todos eles formamos un muro cun burato que representa o noso desexo de que desaparezan todas as barreiras físicas, raciais, relixiosas, económicas ... que enchen o mundo.

muro1 - Kizoa Movie Maker

• Cancións de PAZ

Wind of Change - Scorpions

Encantounos aprender e cantar en inglés esta canción do grupo alemán Scorpions.

 Foi composta por Klaus Meine en 1990 e converteuse nun himno mundial pola súa letra sobre a PAZ e a reunificación do mundo co final da Guerra Fría. 

Cantamos unha das estrofas en castelán e inventamos unha letra en galego para a última estrofa.

A verdade é que nos quedou bastante ben ...

Pintando sorrisos

Empregando como base musical a canción "Oh when the saints go marching in", un góspel estadounidense que fixo popular Louis Armstrong, na clase de música creamos unha nova letra relacionada coa data que estamos a conmemorar:

Paz Cancion Pintores

Leer más publicaciones en Calaméo

• Murais 

Cada clase  empregou unha cartolina para facer o deseño do cartel que logo trasladaremos a unha parede do patio.

Murais dia da Paz - Kizoa Movie Maker

+ Paz

Na escola educamos para a vida e buscamos desenvolver n@s alumn@s as capacidades e competencias necesarias para unha participación social activa.
 A través da educación, debemos contribuír a concienciación de tod@s na construción dun mundo mellor, dun mundo máis xusto e máis humano que permita que todas as persoas teñan as mesmas oportunidades para desenvolver plenamente as súas facultades no seo dunha sociedade democrática, libre, xusta, responsable e en paz.

Estas son as actividades que poñeremos en marcha este ano para conmemorar o día 31 de xaneiro e que,  como vedes, teñen moito que ver co tema da Webquest "Abaixo cos muros":

Abaixo cos muros!!

Comezamos a conmemorar a PAZ en novembro, recordando que se cumprían 25 anos da caída do muro de Berlín.
A profe Sali elaborou a webquest que podedes ver embaixo:

Para ver a webquest, pica na imaxe

No blogue "O souto dos Laretas" están recollidos todos os traballos realizados pol@s alumn@s de 5º e 6º polo de agora:

•  A historia do muro de Berlín : Presentacións ppt 
• Liñas do tempo: empregando Dipity
• Lonxitude dos muros que quedan en pé: representación en diferentes tipos de gráficas
• Mapa interactivo dos muros que quedan en pé : empregando Tripline
• A noticia nun tuit :  Achegamento entre EEUU e Cuba