Estes días conmemoramos no cole o día de Rosalía de Castro e o día da lingua materna.
Para tal ocasión, xuntámonos todos e todas na biblioteca para ler un conto sobre a vida e a obra de Rosalía. Uxía e Noelia foron as encargadas de trasladarnos a aquela época na que Rosalía destacou na poesía, na música e no sentir galego.
Ao remate, cantamos a canción " Rosalía pequeniña "
O proxecto deste curso escolar tamén estivo presente neste día e para celebrar o día da Lingua materna, adornamos un vestido de Rosalía con flores que ían escritas con diferentes palabras nos idiomas maternos do alumnado do cole.
Tanxugueiras foi elixida como palabra do ano 2021 en Galicia segundo a votación da web Portal de Palabras. Presaxiaba algo esta elección?
Aida, Olaia e Sabela , as Tanxugueiras, seguro que sempre desexaron vivir da súa música, pero abofé que non pensaban conseguir tal repercusión nacional e mesmo internacional cando decidiron participar no concurso para ir a Eurovisión.
Atopamos varias mensaxes no seu tema "Terra" , o mais claro é que España ten a sorte de gozar dunha grande riqueza cultural e lingüística e iso enriquécenos a todxs. O estribillo di que "non hai fronteiras" , que a música é universal e podes chegar a calquera sitio cantando no teu idioma porque a música, o mesmo que a lingua, nace da terra .
As súas pandeiretas, as súas voces conquistaron ao público e ás redes sociais coa súa canción que empondera a música tradicional feita por mulleres. Lograron que España non só empatizara coa música e a lingua galegas, senón que se sentira representada por elas.
A súa aventura eurovisiva estalles permitindo facer realidade moitos soños pero, sobre todo, fai soñar a moitos grupos galegos que fan música dende este recuncho de Europa chamado Galicia.
O "efecto Tanxugueiras" tamén se fixo notar no cole e esta é a homenaxe do alumnado de 5º e 6º a estas tres mulleres e á súa canción no Día da Lingua Materna.
Somos galegas e galegos. Galicia é a nosa terra e dicímolo con orgullo. Tamén sentimos orgullo da nosa paisaxe, das nosas rías, das fragas e das aldeas, da música e das festas.
A nosa maneira de ser ven definida por todo isto e sobre todo pola nosa lingua, da que debemos estar ben orgullosas. Recibímola en herdanza e é a nosa obriga que os nosos fillos e fillas a herden de nós porque, tal e como acontece coas paisaxes, a música ou as comidas, a existencia de moitas linguas fai o mundo máis diverso e mais interesante.
Todas as nenas e nenos que falan falego, saben tamén castelán, son bilingües. O caso inverso non sempre se dá.
Este ano, na escola tratamos de darlle pulo á nosa lingua engadindo
ao noso vocabulario unha chea de palabras que, como non podía ser doutro xeito, están relacionadas cos sentimentos e as emocións.
Neste proxecto no que estamos traballando este ano, a axuda das avoas e dos avós está sendo inestimable e moi enriquecedora.
Esta vez pedímoslles que fixeran memoria e nos contaran as lendas que escoitaban cando eran nenas e nenos coma nós. Aquí tendes algunhas:
Os avós e as avoas teñen gardadas na súa memoria moitas cousas que non se deben deixar perder, coma os refráns e ditos propios da nosa contorna.
Nesta recompilación tamén nos axudou a Asociación de Amigos do Patrimonio de Toén que está a facer un labor moi interesante recompilando a historia do Concello.
Dende a biblioteca Escolar propuxemos unha actividade que trata de recuperar as nosas tradicións: Recompilamos polos albumes dos avós e bisavós fotos anteriores
ao ano 1970 e observamos as actividades que se realizaban , como foi cambiando a roupa ó longo do tempo, como eran os xoguetes ... O noso album colaborativo aínda está sen facer, pero deixámosvos unha mostra da exposición que estabamos montando no cole antes da corentena. Cando pase todo isto, cando nos vexamos de novo, todo estará preparado para que poidades desfrutala... e para que expliquedes aos compañeirxs o que se ve nesas fotos
" Para fomentar o Desenvolvemento sostible, o alumnado debe ter acceso á educación na súa lingua materna e noutros idiomas" Isto non o dicimos nós, díxoo a que foi directora xeral da UNESCO ata 2017.
A lingua materna é aquela na que os nen@s aprenden a falar e a relacionarse coa súa contorna máis próxima.
E, por que é tan importante a lingua materna, a lingua propia? Porque a través dela adquirimos as habilidades básicas de lectura, escritura e matemáticas. Ademais, é o medio trasmisor da nosa cultura, dos nosos valores tradicionais ... A educación na lingua materna contribúe a unha educación de calidade (ODS 4), pois facilita a aprendizaxe e mellora as capacidades para aprender outras linguas.
Por este motivo, quixemos dedicar un programa de Radio á nosa lingua:
No Día Internacional da Lingua Materna atopamos unha triste noticia: cada catorce días morre un idioma. Nos últimos dez anos desapareceron máis de cen linguas. 😔
Para que unha lingua non desapareza, hai que falala, manexar o maior número de palabras que poidamos aprender. Ti, cando atopas unha palabra que non coñeces, que fas? Eu penso: A que me soa? Que me suxire? Este proceso ten moito que ver coa imaxinación, o vocabulario, a asociación de ideas, a capacidade de síntese e, por suposto, coa escritura. É un proceso creativo. Facendo uso de todos estes recursos, puxemos a proba a nosa creatividade e inventamos definicións para as palabras que nos facilitaron os profes.
O nome dunha persoa é a súa seña de identidade. É o primeiro que aprendemos dxs nosxs compañeirxs e o primeiro que preguntamos cando coñecemos a unha persoa. O nome di moito de nós e de quen nolo puxo, tamén das modas, historia e evolución da sociedade.
Cantos nenxs da escola levan nomes en galego?
Quen decidiu chamalos así?
Cal é a orixe do nome de cada un?
Estas son algunhas das preguntas que nos fixemos no cole e que os nenxs tiveron que responder, axudados pola familia.
Así soubemos que algúns irmáns maiores participaron na elección do nome, noutros casos o nome xa o levaban os papás ou os avós e pola contra, moitos escolleron nomes que ninguén na familia tiña.
Tamén descubrimos os significados de algúns nomes : "beleza", "intelixencia", "estrela"
Averiguamos tamén que hai xente famosa que leva o mesmo nome ca nos : Clara Campoamor, Pablo Picasso, Victor Hugo, Ainhoa Arteta ...
Velaquí o libro dos nosos nomes:
Gracias a todos pola vosa participación e axudar a coñocernos un pouco mellor.
A variedade das linguas do mundo é unha
riqueza, porque as linguas transmiten maneiras diferentes de achegarse
á realidade e de apreciala. Por iso hai que coidar que esa diversidade se
manteña.
A lingua nai, a lingua da casa é a que primeiro adquiren os nosxs fillxs. Seguir transmitindo o galego na familia e na escola é unha forma de continuar unha cadea construída desde os afectos.
O galego tece lazos entre nós e achéganos a outras comunidades
lingüísticas irmás.
No galego, ao igual que en todas as linguas, hai moitas palabras fermosas, únicas, históricas, propias, prestadas... Todas nos pertencen e debemos coidalas e protexelas para que coninuen formando parte da nosa fala, do noso patrimonio cultural. No Día da Lingua materna, 21 de febreiro, queremos render homenaxe ás palabras da lingua galega. Cada neno/a elixirá dúas palabras: a que mais lle gusta polo significado que ten, e a que prefire pola súa sonoridade. Escribiráas dentro dunha folla de castiñeiro ou carballo acompañadas dun debuxo esquemático (visual thinking) e con todas elas construiremos o noso souto e a nosa carballeira de palabras fermosas. Queremos elixir as dúas palabras preferidas e para iso tendes a vosa disposición uns formularios:
Para elixir as vosas palabras favoritas ( picade na imaxe)
Para elixir as palabras que vos gustan pola súa sonoridade (picade na imaxe) Tod@s os podemos colaborar votando . Animade aos vosos familiares e amigos!
