Hai alumnado que parte con desvantaxe con respecto á maioria dxs compañeixs e ,aínda que tecnoloxía non garante a solución destas desigualdades, facilitarlle a estes alumnxs o acceso a mesma é basico, e se vai acompañado de sesións de formación de usuarios, constituirá un paso máis para a inclusión destes grupos
A continuación tendes unha listaxe facilitada pola Asesoría de Bibliotecas Escolares, con aplicacións que favorecen a aprendizaxe nas distintas áreas, ofrecen contos en diferentes formatos e idiomas, recuros para practicar as operacións matemáticas, para programar, gravar vídeos... e que pronto estarán descargadas nas tablets das que dispomos no centro.
Aplicacions Inclusivas Para... by Ceip Saco e Arce on Scribd
O Espazo Argalleiro recolle a maior parte destes materiais: hai xogos de mesa que fomentan o diálogo, a comprensión das operacións matemáticas, o cálculo mental, a comunicación e identificación das emocións ou a atención entre outros aspectos. Tamén hai recursos.que favorecen a aprendizaxe a través dos sentidos.
As mesas de luz son zona de descubrimento nas que varios nenos poden construír, crear historias, explorar obxectos, texturas, cores… a través dos seus sentidos. Para traballar con elas, mercamos tamén distintos materiais, como fichas de cores, papeis translúcidos, pezas de construción translúcidas e magnéticas, area ...
O lugar dedicado ás construcións tamén favorece a creatividade e a atención. Os materiais que utilizamos son pezas de Lego de diferentes tamaños e cores, que poden ser utilizadas para creacións en vertical, con placas para construción adheridas a unha parede, ou en horizontal, nas placas dispoñibles para utilizar nas mesas ou no chan.
O lugar dedicado ás construcións tamén favorece a creatividade e a atención. Os materiais que utilizamos son pezas de Lego de diferentes tamaños e cores, que poden ser utilizadas para creacións en vertical, con placas para construción adheridas a unha parede, ou en horizontal, nas placas dispoñibles para utilizar nas mesas ou no chan.
Tamén temos pezas de madeira que promoven a creatividade na construción de distintos deseños.
Ningún comentario:
Publicar un comentario