Videos sobre a igualdade

 

Unha Biblioteca Viva

A finais de 2018 fomos seleccionados como “Centro Lía.2”, un programa no que se está explorando as posibilidades da biblioteca escolar como “Centro Creativo das Aprendizaxes”. 

A nosa ilusión  sempre foi ter unha Biblioteca Viva, na que participasen todxs xs que forman parte da comunidade educativa e que puxese  ao seu servizo todos os recursos dos que dispomos, unha biblioteca chea de oportunidades para aprender "argallando".
E cremos que o imos conseguindo.  

Grazas ao Plan Lia.2 incorporamos recunchos para a investigación, a manipulación, a creación, o traballo colaborativo e o xogo, sempre enfocados ao reforzo das competencias clave e ao desenvolvemento persoal das alumnas e alumnos.

Este video foi gravado a finais do curso pasado na biblio do cole. O guión foi escrito polo Equipo de Biblioteca.



GRAZAS a Asesoría de Bibliotecas Escolares por contar connosco para este proxecto.

Benvidos á Biblio

Como por arte de maxia, todos os nenos e nenas quedaron conxelados, (uns máis  ca outros, todo hai que dicilo) coma se foran estatuas para ensinarlle ao mundo a nosa biblio que, como todos sabedes, está en proceso de mellora. 

A nosa biblio

O Equipo TIC do cole preparou este video onde os nenos e as nenas, dende os máis maiores ata os máis pequenos, dende os máis veteranos ata os recén chegados nos falan da biblioteca do cole.
Que é a biblioteca? 
Que se fai alí?  
Gústalles ir? 
Mirade as súas respostas:

Ben falado!

Coma colofón do mes das letras, pedimos a colaboración das familias para reivindicar a importancia da nosa lingua, unha lingua que é patrimonio de todas e todos os galegos porque é o noso principal sinal de identidade , unha lingua que debemos coidar coma un tesouro porque O GALEGO É A VIDA...
E aquí podedes ver aos papás, mamás. avós, avoas, tías, irmáns ... voluntari@s  poñendo en valor o noso idioma:

FalemosGalego by Slidely Slideshow

Dando a lata...

Quizais non estea nas nosas mans encher de paz todo o mundo, pero sí podemos encher o noso arredor con bicos, con apertas e con xestos de afecto. Con palabras amables, con bromas, con aloumiños e con risas.
A paz do mundo comeza cun sorriso.
A paz do mundo está no sorriso das nenas e nenos. 
Pol@s nos@s nen@s, c@s nos@s nen@s... fagamos posible un mundo de PAZ.

 Gustounos tanto a idea proposta polo CEIP Barrié de la Maza, que este ano,  decidimos unirnos á Latucada pola PAZ. 

Este foi o resultado:

Create your own free picture slideshow

Escoitade as nosas cancións:

• Rock sen guerra: A paz é a meta

Na clase de música escribimos este poema de Paz que terminou por converterse no himno do cole.

Cantámolo acompañado con percusión a ritmo da canción "We will rock you" de Queen.

É unha canción que medra por estas datas, xa que lle imos engadindo unha estrofa adaptada ao proxecto de cada ano. Así soa a ritmo de latucada:

• O mundo é grande

Esta é a nosa versión da canción de Mamá Cabra, para cantar o día da Paz a ritmo de latucada. Reescribímola adaptándoa ao noso proxecto: A Volta ao Mundo con Efrén.

Os contos de Sabela

Sabela Gago, compoñente do grupo ourensán de teatro  "Sarabela" estivo connosco para animarnos a ler e facernos descubrir a maxia que se agocha nos contos.

 Contounos unhas historias coas que conseguiu meternos no mundo da imaxinación e a fantasía. 

Fixo que tod@s participaramos facendo xestos, sons, interpretando... 

Grazas, Sabela, por facernos disfrutar, imaxinar, soñar e ... rir compartindo as túas historias.

Se queredes volver a escoitar os contos,  dádelle ao PLAY:

• As tres galiñas

• A selva

O valor da lectura

No blog "Aprender y divertirse" atopei esta curtametraxe sobre o valor da lectura e como un libro pode servir para fuxir da realidade.

Titúlase "Irene". O autor é Alejandro Hiraldo e  gañou o Festival de Curtametraxes da Feira do Libro da República Dominicana 2013

17 de maio : RVB

As alumnas e alumnos de 3º ciclo falan sobre a vida de RVB:

Material audiovisual da TVG sobre Roberto Vidal Bolaño

Extractos dalgunhas das entrevistas que lle fixo a TVG. Ademais, o seu fillo Roi Vidal fala da figura humana dun autor entregado ao teatro. Outras reportaxes amosan os principais escenarios da súa vida en Santiago de Compostela, toda unha inspiración para a súa obra, a súa actividade teatral, cinematográfica e audiovisual. 
Pica na imaxe da dereita




E outra reportaxe da TVG sobre a figura de Vidal Bolaño

Maurice Sendak

Hai un ano morría Maurice Sendak, ese gran escritor e ilustrador que enriqueceu o universo infantil coas súas historias, os seus monstros e os seus soños ... ¿ou eran pesadelos?

Maurice Sendak medrou escoitando as historias do mellor contacontos: seu pai e , segundo el mesmo contaba, a inspiración para dedicarse á ilustración veulle dende moi novo, grazas á película "Fantasía" 

Sendak cría que a literatura infantil estaba chea de paternalismo e personaxes que mostraban aos nenos unha falsa realidade, moito máis peligrosa que os monstros que aparecen nas súas historias. 

Por iso, retrata persoaxes como Max ,o protagonista de "Onde viven os monstros" : terco, protestón ... e cunha imaxinación envidiable para enfrentarse aos seus medos.

 Hai un ano que morreu Maurice Sendak e , estamos seguros de que, igual que Max, "navegou a través das noites e os días, semana tras semana, durante case un ano enteiro..."  e non nos cabe a menor dúbida de que agora será o rei dalgún lugar "onde viven os monstros"

Para que lembredes a Maurice Sendak, déixovos unha versión do conto "Onde viven os monstros", o que vos contei na Semana do Libro, ¿recordades?

And here, you can read it in  English. Have fun!

En Galego, noso o mundo é!!

"Surfeando" pola rede atopei estas cancións  de Paco Nogueiras Nodar .
Música pegadiza, letras cun contido axeitado para a ocasión... Pódese pedir máis?
Como él di " Coa chegada do Día das Letras Galegas, debemos lembrar que hai outros 364 días onde as letras  son protagonistas... e os números, as cores, as palabras... ."
 EN GALEGO podemos facer de todo!    
EN GALEGO, noso o mundo é!!

• "Espírito Vidal Bolaño"

• En Galego, "Meu o mundo é"

23 de abril

Alguén dixo algunha vez que quen regala un libro regala un tesouro.
 Certo é que non hai maior tesouro que a liberdade que proporciona a lectura ao permitir crear o noso propio mundo no que a imaxinación non ten límites e no que a mente viaxa a os lugares máis
recónditos.
Son moitos os que así opinan, e por este motivo existe un día no que se rende homenaxe a este pequeno obxecto creador de soños.
O Día do Libro comezou a celebrarse en 1995 para renderlle homenaxe, pero tamén para impulsar a venda de libros e protexer a propiedade das persoas que transmiten as súas creacións a través da escritura.
Dende entón, o 23 de abril de cada ano celébrase ese día con acontecementos especiais, no que os autores saen ás rúas a asinar as súas creacións ou presentar as novas e no que por tradición se regala un libro.

Esta é a nosa pequena homenaxe: 

Que é un libro? 

  

Día do Libro

Este martes celebramos en todo o mundo o Día do Libro.

Librarías, bibliotecas, escritores, lectoras e lectores dispoñémonos a desfrutar dun día pensado para render homenaxe a un dos máis grandes inventos da historia da humanidade: O LIBRO.

 Poucas cousas hai mellor pensadas; poucas ferramentas máis funcionais e efectivas  para transmitir o coñecemento ou os soños ca un libro.

Que todos os días e non só o 23 de abril sexan Dia do Libro!

A festa da Árbore

A nosa homenaxe ás nosas árbores
Coma todos os anos (ou case todos)  celebramos o día da árbore cunha charla medioambiental e unha prantación.

Pepe Santos Otero, é un axente forestal que con asiduidade visita o noso cole, para concienzarnos da necesidade de que tod@s nos impliquemos no coidado dos bosques.

En primeiro lugar mostrounos unha presentación en ppt que daba a coñecer algúns datos escalofriantes sobre o impacto dos incendios, sobre todo en Ourense. Tamén nos falou do valor dos nosos recursos e da importancia de ter conciencia ambiental xa dende pequen@s.

E esta é a nosa pequena homenaxe :

8 de marzo

Déixovos uns recursos para  aprender máis , pero sobre todo para reflexionar e debatir sobre o Día da Muller.
É unha data  que debe seguir conmemorándose?
Que vos parece?

IGUALDADE

More PowerPoint presentations from Ceip Saco E Arce

Bicos e Apertas

O amor aos fill@s é instintivo e sin condicións. É o único amor que dura para sempre, o único que non nos vai defraudar nunca.

@s fill@s precisan que os pais lles manifesten o seu afecto con palabras, con xestos, con bicos e apertas.

E que mellor maneira que dedicarlles un poema? 

Porque cada un d@s nos@s nen@s é unic@ e irrepetible, e esa diferencia é o que @s fai únic@s e valios@s.

E este recoñecemento é esencial para desenvolver a súa autoestima.

Recollemos nestas presentacións os poemas que escribistes para agasallar aos vosos fillos e fillas o día de San Valentín.

Podedes sentirvos orgullos@s!! 

BicosApertasbi

More PowerPoint presentations from Ceip Saco E Arce

E esta é a ligazon para ver os poemas de E. Infantil

http://www.authorstream.com/Presentation/ceipsacoearce-1723966-bicosapertasei/

A nosa homenaxe a Rosalía

Esta é a homenaxe d@s alumn@s de Primaria a Rosalía 
de Castro. 

Build your own custom video playlist at embedr.com
Estamos a editar os videos do recitado dos nenos e nenas de E.Infantil. Pronto estarán listos
web hosting reviews

Todas con Rosalía

Este é o título do vídeo que nos envía a AELG .
Mulleres de Galicia, escritoras e non escritoras, actrices, vendedoras, estudantes, nenas, novas e non tan novas, gravaron este video colectivo achegando ao presente os poemas de Rosalía ...

A Arte: materia obrigatoria

"Surfeando" pola rede atopei este video con  letra e a música   de Jesús Sáez e realizado polo grupo Masartísticas para defender a presenza das ensinanzas artísticas na educación.
 Tamén  recollen  as esixencias que se escoitan nestes tempos tanto na rede coma na rúa :unha educación pública de calidade e unha lei de educación estable e consensuada, non suxeita aos cambios políticos.

Aquí volo deixo:

O Superfamoso... TADEO JONES

Benvido Tadeo!
Por fin podemos disfrutar da última película de animación española!
Despois de 4 anos de traballo, "As aventuras de Tadeo Jones", personaxe creado por Enrique Gato, acaba de estrearse nos cines.
É unha película de aventuras, donde o humor xoga un papel moi importante.Os personaxes principais son : Tadeo, Sara, Fredy, Jeff, Belzoni...
 Tadeo é o aventureiro que todos levamos dentro. E Sara é valente, intrépida e, sobre todo, intelixente.
Adiviñade quen lles deu a voz a estes personaxes :  pois entre outros José Mota e Michelle Jenner.
Tadeo é unha mistura de todos os aventureiros da historia do cine : Indiana Jones,  Allan Quatermain ...
Todo comezou cunha curtametraxe, que, para sorpresa dos seus creadores , gañou un feixe de premios.
Aqui vos presento...  O NACEMENTO DE TADEO JONES



E, se queredes saber máis, visitade o sitio web oficial da película. Hai trailers da película, xogos...
 Picade na imaxe: