domingo, 26 de decembro de 2021

Parabéns, Mateo

 Mateo Fernández Borge, alumno de 4 EP  ven de gañar o 1º Concurso Escolar Ribeira Sacra organizado polo xornal La Región e patrocinado pola Consellería de Educación co seu debuxo titulado "Outono no Sil". 

Moitos parabéns!


Nesta primeira edición do concurso, que naceu co obxectivo de ensalzar a Ribeira Sacra polo seu potencial turístico, económico e social participaron máis de 300 alumnxs de 20 colexios da provincia.

mércores, 22 de decembro de 2021

Bo Nadal, avoíños/as

Xa tiñamos ganas de colaborar co Centro de Día ! 🏩

E aínda que tivo que ser a través dunha pantalla 📺, fixémolo. 

Comezamos decorando bolas de Nadal que estiveron colgadas na  árbore da entrada🎄✨🎇 durante estas semanas. Todas levaban escrita unha mensaxe para felicitar as Festas aos avoíños e avoíñas👴👵 (gústanos chamarlles así) e mostrarlles os nosos sentimentos.



Escribímoslles unha carta 💌📫e lémola entre todxs.

 Que emoción!


Cantamos panxoliñas 🎼🎶 diante da cámara porque sabemos que xs nenxs gustámoslles  e que van quedar contentos cos nosos agasallos.🎅

luns, 20 de decembro de 2021

Correo das ilusións

📫 A caixa de correo das ilusións estivo instalada na entrada 💙

As rapazas e rapaces👦👧 escribiron as súas 💌💌 cartas ao seu valedor de soños (Apalpador🎁, Papá Noel🎅ou Magos de Oriente👑) e viñeron depositalas na caixa de correo📬 que estaba diante da nosa árbore. 🌲
Ten enlace directo cos destinatarios!

mércores, 8 de decembro de 2021

Non sobra ninguén

 

Todas as persoas, coas súas capacidades, poden aportar moito ao desenvolvemento da sociedade. 

Só o compromiso  e o respecto pola diversidade serán capaces de conseguir a integración de todos e todas. Esta é a única vía posible para construir entre todxs unha sociedade máis plural, equitativa e xusta. 

Todas as persoas contan, e os distintos talentos aportan valor e equilibrio ao conxunto. 

Por iso o noso compromiso é que ninguén quede atrás, porque todos somos importantes e necesarios.

Baixo o mesmo paraugas


Non importa se tés orellas de bolboreta, se és unha rá de tres ollos, se és un monstro  de cores ou se levas un cazo tras de ti noite e día. Ás veces o esencial é invisible para os ollos, so se pode ver co corazón.

As diferenzas enriquécennos e a empatía e o respecto fai que nos unamos á campaña "Baixo o mesmo paraugas" para dar visibilidade a unha sociedade diversa e plural, pero cos mesmos desexos e ilusións.

Busca o teu super poder

 "Coñéceme polas miñas habilidades, non polas miñas discapacidades". -Robert M. Hensel.


Non todas as superheroínas e os superheroes levan capa .

Todas e todos temos algún poder, algo que facemos especialmente
ben, pero tamén temos debilidades, algo que non se nos da tan ben e para o que precisamos axuda.
Esto é o que nos fai ser especiais porque nos diferencia dos demais e nos fai ser únicos.
AFAD Valdepeñas creou o conto "Super Lucía" para explicar aos nenos e nenas que é a discapacidade dun xeito sinxelo e nós baseámonos nel para facer este video:

domingo, 5 de decembro de 2021

Calendario de Advento:24 lecturas

 Xa comezou a conta atrás para o día de Nadal. As vacacións están cada vez máis preto e o Apalpador, o Papá Noel ou os Reis Magos están agardando polas vosas cartas.

O Nadal é o momento ideal para compartir a maxia da lectura cos pequenos, cos maiores, cos amigos... Animámosvos a que poñades un libro novo ao voso carón ou nas mans de alguén a quen queredes . Porque ao recibir un libro, recibes un mundo ilimitado de imaxinación, de vivencias ...

Os libros non pasan de moda, non caducan, non deixan de ser útiles. Pola contra, medran connosco ao longo da nosa vida. Agardan nos andeis para volver regalarnos as súas historias, para que as leamos por primeira vez ou para que pasen ás mans dalguén que as saiba disfrutar.

Inspirándonos nos calendarios de Advento, aproveitamos para presentarvos  as novidades da biblioteca do cole no que se refire ao proxecto que estamos levando a cabo. Cada día do mes agocha unha sorpresa literaria detrás da porta. 

Seredes capaces de ir abrindo unha diariamente ou sodes dos/das que non podedes agardar ao final e abrirédelas todas o primeiro día?

Unha mensaxe de Efrén



 Efrén, ese amigo que habita no colexio aínda que non o vexamos e que se deixa ver  e nos  visita... cando el quere, todo hai que dicilo, ten un recadiño para vós. Envióunolo para que o publicaramos no blogue:

Efrén escribiu a mensaxe na Biblio

"Xa sabedes que a miña maior afección é a lectura e  por iso quero convidar ás nenas e nenos a formar parte dun clube moi especial...  - comentou - Mirade o video e respondede a esta mensaxe. Podesdes facelo deixando un comentario. Preciso voluntarias e voluntarios."  

Adiviñastes de que se trata? 

A ver se no video vos queda mais claro ...

venres, 26 de novembro de 2021

Nin máis nin menos


Na nosa escola tratamos de educar fomentando a igualdade entre nenas e nenos. sen ningún tipo de condicionante  que os limite en función do seu xénero.  Rexeitamos os estereotipos e desenvolvemos unha actitude crítica ante calquera signo de violencia. Intentamos que as nenas e nenos sexan quen de ver as desigualdades e inxustizas que se producen ao seu redor.

 Se as  nenas e os nenos medran sabendo que somos diferentes, pero  hai que respectar e valorar as diferenzas  rexeitando as barreiras absurdas que  crea a  sociedade,  lograremos un tratamento igualitario entre  eles.

No seguinte video podedes ver unha animación sobre como se crean  os roles de xénero na sociedade.


E neste, as actividades que realizamos nas aulas :

mércores, 24 de novembro de 2021

Libros para a igualdade

Efrén e Carmen foron polas aulas a repartir outro agasallo da ANPA: Libros para a igualdade. 

Porque nos tempos que corren, educar en igualdade é imprescindible. 

O libro "La princesa rosa / El príncipe azul" de Ricardo Francaviglia e Margherita Sgarlata, editado por Kalandraka dentro da serie Silent Books ven a demostrar que as palabras non son imprescindibles para contar unha historia.

É un libro que admite varias lecturas, que se pode ler no idioma que se prefira e que contén dúas historias (ou mais, dependendo da capacidade de observación e da imaxinación do lector), segundo por onde se empece. É un libro onde nada é o que  parece ao comezo.

Animámosvos a lelo, teñades a idade que teñades e a que nos contedes a vosa historia.

domingo, 21 de novembro de 2021

Semana da Emociencia

Efrén agasallounos cunha chapa

 De onde veñen as emocións? Inflúen na nosa saúde física e mental? Por que nos sentimos como nos sentimos? Por que nos afectan as emocións dos demáis?  Ten a ciencia algo que ver coas emocións?

Sabiades que se reprimimos a expresión das emocións, prodúcese un desequilibrio no noso organismo  que pode traer malestar e incluso enfermidade?

Sabiades que as nosas emocións inflúen nas emocións doutras persoas?

Nesta semana da ciencia,  tratamos de que o alumnado  realizase  experimentos que mostrasen o que nos pasa cando sentimos unha determinada emoción , cando as emocións se desbordan, cando as compartimos cos demais ... 

xoves, 18 de novembro de 2021

Ciencia e Mulleres

 As mulleres foron ata non hai moito tempo as grandes esquecidas en temas científicos.

 Parecía que non existían mulleres científicas, que só os homes facían descubrimentos. 

E non é certo.

En todas as épocas, dende o tempo dos romanos, houbo mulleres inventoras, matemáticas ou enxeñeiras. A historia encargouse de escondelas. Como? Non falando delas, mantendo  agochados os seus nomes ou , aínda peor, outorgando os premios aos seus colaboradores.

No cole tivemos a oportunidade de coñecer e darlle o recoñecemento que merecen a varias mulleres que dende Hipatia ata Begoña Vila, pasando por Katherine Johnson melloraron o mundo cos seus descubrimentos. 

Todo grazas á ANPA que  agasallou a 5º e 6º cunha sesión de Ciencia coa que aprenderon moito.



Se queredes saber máis sobre a ciencia e 
os experimentos picade na imaxe.

luns, 15 de novembro de 2021

Viva o magosto!


No cole, mantendo todas as medidas de seguridade pertinentes,  volvemos vivir a festa do magosto. 
Houbo, coma en anos anteriores, fogueira, xogos, música, bolos preñados, empanada , filloas e por suposto, o que non pode faltar : castañas asadas. 
Vaia festón!

sábado, 6 de novembro de 2021

Alimentación Km 0

 Estes últimos días o xornal fíxose eco dunha nova que ten que ver co  noso
comedor escolar : Acaba de ser elixido como merecedor do distintivo "Comedor escolar Km 0", selo outorgado pola asociación Slow Food Compostela, polo Instituto ourensán de Desenvolvemento Económico (Inorde) e a Asociación para o Desenvolvemento Rural comarca de Ourense ( Adercou).

Este selo, recoñece o noso traballo e a nosa práctica diaria no comedor escolar, traballando a educación alimentaria entre o noso alumnado e familias, potenciando unha alimentación equilibrada a base de produtos de proximidade e ecolóxicos.  elaborados por agricultores e gandeiros do propio concello  ou da contorna máis próxima.

“A razón de escoller os produtos de proximidade responde a que serán máis frescos e madurarán onde teñen que madurar, non nunha cámara frigorífica”, asegurou a secretaria de Slow Food .  Ademáis recalcou que outro obxectivo é “que os máis pequenos aprendan que a alimentación é algo moi importante e que hai que coidar”.

Un merecido recoñecemento público a unha traxectoria de moitos anos e a unha maneira de traballar a alimentación de forma saudable e sostible como marcan os ODS que investigamos hay 3 anos no noso Proxecto "R que R que R"


O primeiro paso foi a participación do  alumnado  nunha charla informativa na que os productos de tempada e os produtores locais foron os protagonistas  e onde se explicaron os beneficios dos mesmos para a alimentación e para o planeta.

luns, 1 de novembro de 2021

Coidado, non morras de medo

 Un consello de Efrén: non saias moi lonxe na noite de Samaín.. Nunca se sabe onde pode estar a Santa Compaña! 

Porque non sei se o sabedes, pero nesa data os mortos teñen autorización para camiñar entre os vivos e a xente ten a  oportunidade de reunirse cos espíritus dos seus devanceiros.

Ao cole achegáronse multitude de "seres" diferentes: pantasmas, monstros, bruxas, demos, esqueletos ... e cantaron e bailaron ao ritmo de músicas tenebrosas, que son as que máis os animan. 

Cabazas de Samaín

 
O creas ou non, as bruxas habelas hainas, e se te atopas con algunha, o mellor é que leves contigo unha boa cabaza para espantala. 
Como facían os celtas, que as poñían no medio dos camiños para espantar aos inimigos...


domingo, 31 de outubro de 2021

Que sentes na biblioteca?

A biblioteca escolar, esa biblioteca pola que pasan todas as nenas e nenos do cole, será a primeira biblioteca que coñezan. Nela tomarán contacto cos libros e a lectura por primeira vez e, se o facemos ben, converterase nun espazo de lecer e tamén de coñecemento.

Preguntámoslles a todas que emocións lles produce a biblioteca, como se senten cando están alí,  e descubrimos que a maioría  teñen sentimentos positivos : emoción, alegría, tranquilidade...

xoves, 28 de outubro de 2021

Contos por videoconferencia

 A ANPA do cole agasallounos cunha sesión de contacontos por
videoconferencia a cargo de Uxía Morán na que o alumnado interactuou en todo momento con ela.

Contos que promoven a igualdade entre nenas e nenos e que tratan de erradicar os sentimentos que xeran violencia e actitudes agresivas tanto na casa coma na escola, contos que tratan de sensibilizar sobre a existencia de micromachismos que seguen creando diferenzas de trato entre nenas e nenos e que tratan de  concienciar sobre o papel da muller na sociedade, en concreto no acceso a determinadas profesións e na doble xornada laboral fóra e dentro do fogar.

Contos como ·Chámome Pecas· de Raquel Díaz Reguera, ·Max e os superheroes· de Rocío Bonilla, ·Guapa· de Canizales e ·Artur e Clementina· de Adela Turin.


Moi agradecidas/os quedamos.

domingo, 24 de outubro de 2021

Regáloche un préstamo

 Unha vez máis preparamos a actividade do "amigo invisible", esta vez rodeadas de emocións por todas partes.

Seleccionamos libros relacionados coas emocións, fixemos o sorteo para ver a que compañeira ou compañeiro lle tiñamos que "regalar" o libro que eliximos, envolvémolo e Efrén e as axudantes de biblioteca  repartiron os regalos polas aulas.

Ademais das emocións que que conteñen os libros que seleccionamos, recordaremos as que sentimos ao elixilos, ao preparalos e  as que sentiron os nosos compañeiros ao recibilos .

Agárdanos unha fin de semana do máis emocionante! 

mércores, 20 de outubro de 2021

Contos compartidos

 Despois de case dous anos sen poder contar contos ás compañeiras e compañeiros máis pequenos, este curso retomamos a actividade das Lecturas Compartidas, aínda que con certos cambios.

Aínda non podemos facer o apadriñamento lector como máis nos gusta: cos nosos afillados ou afilladas ao noso carón... pero sí podemos amadriñar unha clase. 

Algunhas das axudantes de biblioteca  contaron contos ao alumnado de E. Infantil. E todxs quedaron moi contentxs. 



Efrén tamén contou contos nas aulas, pero el usou o Kamishibai

luns, 18 de outubro de 2021

Día das Mulleres Escritoras

 Olga BlancoFina CasalderreyMaría Canosa, Zeltia Figueiras son exemplos de escritoras galegas que nos emocionan, nos fan vivir aventuras inesquecibles ou nos deleitan cos seus poemas.

 Todas  as escritoras que forman parte da nosa biblioteca teñen o noso recoñecemento. Pero noutros tempos as mulleres que se dedicaban a escribir non tiñan tanta sorte e tiveron que agocharse detrás de nomes masculinos ou asinar so coas iniciais do seu nome para non seren recoñecidas.

Por iso o luns 18 de outubro celebramos o Día das escritoras, que son tan importantes ou máis ca os escritores, sobre todo no tocante á literatura infantil . 

 Na biblio fixemos unha selección de libros nos que as emocións son as protagonistas. Todos están escritos por mulleres, algunhas son galegas e outras non. 

A nosa proposta é que o alumnado elixa un dos libros e investigue sobre a muller que o escribiu. Seguro que acharemos  datos ben interesantes sobre cada unha delas.


E aí andamos, aínda investigando sobre o tema ...

mércores, 6 de outubro de 2021

Mes da Biblioteca

O mes de outubro o cole énchese de actividades dedicadas a festexar o día da Biblioteca que é o 24 de outubro. A "semana grande" este ano é a do 18 ao 24 de outubro.

 As e os axudantes de biblio tiveron a primeira reunión  para coñecer en que consistirán as súas labores de colaboración nos recreos e recibiron cadanseu horario e, ademáis do cartel institucional, tamén presentamos o cartel que fixemos no cole e no que se anuncian algunhas das actividades que imos realizar.

xoves, 23 de setembro de 2021

Chegou a LAVAMAGIC

 Buscando recursos para poñer en marcha o noso proxecto anual, atopamos Lavamagic, a lavadora das emocións. É un proxecto  creado por Susana Molina, unha profesora de Valladolid e parécenos unha idea moi interesante e motivadora para coñecer e xestionar as emocións promovendo a empatía e a inclusión.

Es una lavadora de cartón que ofrece infinitas posibilidades tanto dentro como fuera del aula. Trabaja sobre el aspecto emocional y desarrolla habilidades tanto personales como sociales”, dinos Susana


O outro día chegou a lavadora e Efrén foi polas aulas  a explicar como funciona e as actividades que se poden realizar 

.

Na Biblio tamén explicamos o funcionamento da Lavamagic

domingo, 19 de setembro de 2021

Novo curso, novo proxecto, novas ilusións

 Comeza un novo curso e son moitas as emocións que nos asaltan nestes primeiros días de escola: nervios polo comezo dunha nova etapa, tristeza por deixar o verán atrás, alegría por volver a ver as compañeiras /os de clase, curiosidade por como será a nova mestra/e, medo ás dificultades que se poden presentar ... 

A caixa das emocións

Todas estas emocións son normais e non podemos facer nada para que non aparezan. As emocións non se poden controlar, o que si podemos é aprender a xestionar a conducta asociada a cada emoción. 

O novo curso trae tamén outras emocións: a ilusión que esperamos que se converta nun grande desexo de aprender , a esperanza por mellorar e os bos propósitos  para que se  fagan realidade os novos proxectos. Todas/os poñeremos todo da nosa parte.

O PDI que eliximos para traballar este curso , xa vos destes conta que  trata sobre as emocións e a maneira de xestionalas.  E isto serviranos para aprender  a ser  máis responsables, a combinar constancia e esforzo,  e a seguir as normas de comportamento . 

mércores, 30 de xuño de 2021

Fin de curso


O último día de curso é especial para mestres e alumnos.

É un momento agardado por todxs; o que marca o peche dos libros e o comezo das vacacións. Porque sempre é necesario desconectar da rutina para comezar o novo curso con máis ganas.

E este curso fíxose longo... Longo pola incerteza, polas máscaras, pola distancia que houbo que gardar ... 

Por iso, unha festa de fin de curso non ven nada mal:

Parabéns por todo o traballo que levastes cabo e pola ilusión que puxestes en todas as vosas colaboracións. 

Grazas tamén ás familias por botar unha man sempre que llelo pedimos, a pesar das dificultades deste ano. 

Descansade durante o verán💤, disfrutade da familia e das  amizades😀e lede 📕, escoitade música🎶, xogade  🎽🎴  practicade deporte🏄. 

Facede todo o que vos faga felices.

Vémonos en setembro coas pilas cargadas, con novas ideas e con ganas de aprender.

Parabéns ao alumnado de 6º de EP . Esperamos seguir véndovos polo cole!


FELIZ VERÁN!

xoves, 17 de xuño de 2021

Parabéns Xoana



 Rematamos o curso dando os nosos parabéns a Xoana , a nosa alumna de 6º de EP que resultou gañadora do concurso Atrévete a ter unha idea dentro do programa Eduemprende.

Hoxe estivemos presentes no acto virtual de clausura do programa e na entrega do Diploma.

O traballo ben feito ten recompensa!

E, ademais do Diploma, Xoana recibiu o seu premio:

Moitos parabéns!


mércores, 9 de xuño de 2021

O noso horto

 Ter un horto no cole é un goce para todos os sentidos, incluso para o gusto.

 Por iso todos os anos propoñemos a nenas e nenos  sementar ou  plantar hortalizas e observar como medran para entender mellor os ciclos naturais, aos que moitas veces non prestamos atención.

Ademais, é o que facían as avoas para non ter que mercar verduras . E se lles sobraban, levábanas á feira ou ao mercado para vendelas. Comían san e ademáis sacaban uns cartiños! 

Hai unhas semanas que comezamos a traballar na nosa horta: cavamos a terra e botamos esterco.  Eliximos plantas de temporada: patacas, leitugas, tomates, cebolas, pementos...

Tamén temos árbores froiteiras e este ano ata puidemos probar as cereixas!🍒 As peras 🍐e as mazás🍏 quedarán para setembro...

martes, 25 de maio de 2021

Himno Galego

 En calquera celebración que se precie non pode faltar o Himno Galego.

 Sabiades que xurdiu grazas á Galicia emigrante? Pois sí,  naceu en Cuba en 1907 e estreouse no Gran Teatro da Habana. A letra é do poema "Os pinos " de Eduardo Pondal e a música do mestre Pascual Veiga. Non é un poema escrito para a ocasión, senón que aparece no libro "Queixumes dos Pinos"

O motivo central do  himno é  que Galicia cambie o seu rumbo, que esperte do seu soño e que emprenda o camiño da liberdade.

Arturo conseguiu que todo o alumnado de 1º a 6º de EP, participara tocando esta versión 

luns, 24 de maio de 2021

A Romaría das Letras

 A nosa Romaría das Letras sempre foi moi comentada. Nela participaban moitas familias e ofreciamos diferentes actividades culturais: xogos tradicionais, danza e música galega, lectura de textos  da  persoa homenaxeada o Día das Letras Galegas , representacións teatrais ...

Este ano tivemos que cambiar a celebración : as representacións, danzas e música en directo foron substituídas por material pregravado. As familias non puideron participar na festa do galego na escola pero disfrutárona na casa.

Para rematar o Proxecto sobre as Lembranzas dxs avós e avoas organizamos una festa popular  con comida campestre para que a rapazada esquecera durante uns momentos o virus e  as máscaras e compartira un anaco coas compañeiras , compañeiros e profesorado  como se facía antigamente nas festas e romarías.

Este é o álbum de fotos:

E este é o video :

luns, 17 de maio de 2021

A Festa das Letras

 


Un ano mais, e por causa da pandemia, o noso Festival das Letras Galegas realizouse sen a presenza das familias pero, iso si, coa mesma ilusión .

Ao longo da semana, cada grupo  gravou a súa aportación coma homenaxe á nosa lingua e á protagonista de este ano que xa coñecemos todxs: Xela Arias.

mércores, 5 de maio de 2021

o X, unha letra moi Galega


Este ano a letra X é a protagonista, a que nos abre as portas ao universo de Xela Arias, unha muller que non só foi escritora, senón que tamén traduciu ao galego unha morea de novelas e contos para que os gocemos na nosa lingua.



Achegamos algúns recursos didácticos e divulgativos sobre a figura de Xela Arias que atopamos pola rede



  • A súa VIDA E OBRA


Picade na imaxe para ler, xogar, descargar ...




 Seminario Galán





Picade na imaxe




AELG


Video




Video1        Video2      Video 3         



Biografía, poemas ...  (picade na imaxe)



Telexornal Xela Arias  - CPI dos Dices - Rois

Homenaxes a Xela Arias en Sarria - Lugo

A vida de Xela Arias en lingua de signos  - UVigo TV

Xela e a palabra : Xela tradutora

Xela Arias na Radio Galega - Entrevistas e poemas

  • Os seus POEMAS

Seu fillo le un poema de "Darío a diario" un libro que lle dedicou sendo un bebé

Denuncia do equilibrio  

Tigres coma cabalos

Intempériome

Darío a diario

"Nunha entrezona da miña barriga había un rato"

Outras voces para as letras de Xela- Homenaxe audiovisual no que quince persoas                ( familiares, artistas, escritoras e persoas anónimas ) divulgan o legado de Xela Arias

Videoclip  de O Recuncho de Tambo - 

Eu son


Na nosa biblioteca hai libros de todo tipo: libros que axudan a durmir, outros que falan sobre nenas que superan dificultades, que experimentan e xogan; hai libros sobre o valor da amizade, libros para enfrontarse aos medos e a inseguridade, sobre a empatía e a solidariedade, a ecoloxía, as emocións, os mundos imaxinarios, sobre mulleres que rompen as reglas e buscan o seu propio destino...

E cadanseu libro ten unha protagonista ou un protagonista ao que nos gustaría parecernos ...

Imos celebrar o mes dos libros tratando de parecernos a estes e estas  personaxes que están entre os nosos favoritos. 

Os maios


 Por segundo ano, as familias colaboraron na creación dos maios.   Facelos no cole coma todos os anos  pareceunos inviable, pois a mestura de nenos e nenas de varios grupos aínda non está permitido.        Algúns nenos e nenas trouxéronos ao cole, onde quedaron expostos para que todo o mundo os vise. 

Escribíronse as coplas e o alumnado de sexto cantounas con moito ritmo.

sábado, 24 de abril de 2021

Tendal literario


 Antes dos anos 60 do século pasado, os anos nos que as nosas avoas eran pequenas, case en ningunha casa había lavadora , e moito menos secadora . A roupa lavábase á man no río ou no lavadoiro empregando xabón feito na casa e tendíase a secar ao sol e ao aire. E as mais maiores comentaban que a roupa do tendal dicía moito de quen a lavaba e tendía. Ás mulleres gustáballes presumir da roupa que colgaban no tendal.

Agora xa non é tan doado ver a roupa secando ao sol, sobre todo na cidade, e por iso nós para presumir dos nosos traballos tendémolos para que os vexa todo o mundo.

Para mostrar cales son os nosos libros favoritos organizamos un Tendal Literario

Primeiro, os nenas e nenos  convertéronse en deseñadoras e deseñadores  e cada un creou a súa peza de roupa e tuneouna ao seu gusto, poñendo parches, bordados, e adornos variados. Despois,  en cadansúa peza escribiron o título e o autor do libro e tamén unha cita ou unha pequena sinopse do mesmo.

xoves, 15 de abril de 2021

Regalamos contos


 Este ano facer apadriñamento lector como en anos anteriores resulta un pouco complicado, e non quixemos expoñernos ... Por iso argallamos outra actividade :Un  mestre ou un nenx regalou un conto aos compañeirxs na hora de leer.

Pero ademáis divertímonos lendo contos a escuras, facendo teatro de sombras, escoitando contos no kamishibai , e ata inventando contos para os compañeirxs.


Ata Efrén se pasou pola biblioteca e levou a cabo o préstamo durante estes días.

mércores, 14 de abril de 2021

Había unha vez un conto

 

Nos tempos das  bisavoas e tataravoas  ds noss nenos e nenas ter un libro na casa era ter un tesouro porque eran un artigo de luxo. A bisavoa do meu neto (87) recorda a alegría que sentia cando a mestra lle deixaba levar un conto á casa.

E @s que tivemos a sorte de pasar tempo con elas aínda recordamos os contos, lendas , romances ... que sabían de memoria e nos contaban con tanto agarimo. Algúns deles contábanos en castelan, porque así fora como os aprenderan.


A avoa de Duarte  conta unha lenda

Os grilos 

Este era un rey ...

La Buena Pipa

O casamento da pulga e o piollo

Los tres cerditos

Caperucita 

sábado, 3 de abril de 2021

Mes dos libros

O mes de abril segundo o refraneiro é o mes da chuvia, pero para nós é o mes dos libros porque comeza co Día do Libro Infantil o día 2  e continua co Dia Mundial do Libro, o día 23.
Ao longo do ano, o noso obxectivo é espertar no   alumnado o interese e o amor polos libros e a lectura e convertela nun hábito de vida.
A través da historia, moitos foron os libros que lograron que a imaxinación dxs nenxs non deixase de medrar, converténdoos en adultxs capaces de crear, e facer dos soños unha realidade.
Ademáis das historias que encerran, os libros poden converterse en grandes mestres porque neles atopamos valores que lle van dando  forma á  personalidade de cada un 

Por todo isto, na biblioteca ofrecemos moitas actividades relacionadas coa lectura e cos libros: exposicións, contacontos, guías de lectura, recomendacións ...
O ano  pasado foron moitxs xs escritorxs e ilustradorxs que nos achegaron a súa particular mensaxe de animación á lectura, como fan este ano outrxs autorxs neste video que nos envia a OEPLI (Organización Española Para o Libro Infantil)

       


mércores, 10 de marzo de 2021

Fortes e bravas. Mulleres con bata


A bata de traballo, o típico mandilón de cadros que usaban e aínda usan as mulleres galegas no entorno rural e tamén nas zonas urbanas para realizar as tarefas do fogar foi o punto de partida para reflexionar sobre o traballo das mulleres. 

 Varias xeracións de mulleres tiveron ou teñen aínda como indumentaria  

"oficial" de traballo na casa ou no campo o delantal, mandilón  ou bata que podemos considerar coma símbolo deses traballos que son tan imprescindibles para soster o mundo pero que son socialmente invisibles e están mal remunerados.

Hai tantas batas e formas de levalas coma mulleres , por iso o alumnado trouxo fotos das avoas, bisavoas e nais que as empregan para recoñecer a labor das mulleres que, sen salario nin vacacións  seguen levantando Galicia sen importar a idade ,  e tamén das que levantan Galicia coa bata posta nos seus traballos como médicas, limpiadoras, enfermeiras, mestras ...

Todas son as nosas heroínas fortes e bravas que traballan fóra e dentro da casa e sempre co sorriso posto.


O que contan as bisavoas

E non só nós homenaxeamos ás mulleres con bata: 

Mural de YosebaM
Claudia Brenlla
Hai  anos  a realizadora galega Claudia Brenlla, inspirada pola artista Petra Buchegger, fixo un documental  sobre as batas e as mulleres de Galicia para reivindicar o papel da muller na sociedade  que ten recibido moitos premios. Bata por fóra, muller por dentro.

E por outra banda temos a  Joseba Muruzábal, un pintor de Cambre,  cerca de A Coruña que, para homenaxear a todas as mulleres creou por toda Galicia unha serie de murais que titulou como "Fenómenos do rural" e que retratan ás superavoas , ás auténticas mulleres galegas sobre as fachadas dos edificios.