Coreografías 24-25

 Dúas coreografías que fixemos durante o curso 24-25.

A primeira, Henna Henna, canción tunecina de Cheb Khaled e Cameron Cartio.

A segunda, a coñecida APT, de Rosé e Bruno Mars. Nesta coreografía acompañounos Liah.

HENNA HENNA

APT

DEPENDE DOS 2

 

A principio de curso, atopei unha canción moi bonita feita por un grupo de mestres/as e alumnado de los centros CRA Alto Gállego y CEIP Puente Sardas e que actualmente está coordinado desde a Asociación Proyectos Artísticos del Pirineo (PRAPI).

Púxenme en contacto con eles para facer un video no noso cole sobre o tema da igualdade, tema que levamos traballando no cole como Proxecto de Centro deste curso 23-24.

Como a igualdade é cousa te toda a sociedade, falei coa Asociación de Familias do colexio para que puideramos incluír a xente da contorna de Toén. O resultado foi maravilloso. Unha gran experiencia para o alumnado, pois eles mesmos gravaron a canción en galego, e fixemos os videos para que ahora vexades o resultado de como quedou todo.

Déixovos o enlace á páxina de " Depende dos 2 " para que vexades os inicios e o fermoso percorrido do proxecto que levan a cabo. 

https://www.dependedelos2.com/

Grazas a todos/as pola vosa participación, sensibilidade e compromiso co tema da igualdade.

Obradoiro de instrumentos de vento

A medida que se traballaban os instrumentos e a súa clasificación, pareceume moi interesante e oportuno acercar dunha forma máis práctica e lúdica algúns dos instrumentos de vento madeira ao alumnado.

Podían exploralos, velos, tocalos, escoitalos, observar as súas diferencias, o seu mecanismo...

E pensei en Nacho.

Nacho Casas e máis eu comezamos de pequechiños a tocar o saxofón no conservatorio da man do meu avó, que era o mestre de todos os instrumentos de vento ( madeira e metal ). Chegado o momen
to, eu deixei o saxo no conservatorio, e Nacho seguiu adiante e rematou a carreira de saxofón. Ahora é mestre deste instrumento no conservatorio. 

Non podía ser doutra forma, e sen pensalo dúas veces, preparamos un pequeno obradoiro sobre os instrumentos de vento, en concreto sobre os de madeira, e máis en concreto, sobre o saxofón.

Tamén se animaron a participar varios nenos e nenas do cole que tocan instrumentos de vento. Pasamos unha velada estupenda.

Moitas grazas, Nacho !!

IVE - I AM

 

Videos sobre a igualdade

 

Saída 3º e 4º á Biblioteca e ao Auditorio

Neste día, o alumnado de 3º e 41 de Primaria fixo unha visita á Biblioteca pública de Ourense e asistiron ao Auditorio a unha obra chamada " NAUTILUS, 20.000 LEGUAS DE VIAJE SUBMARINO " escenificada pola Compañía La Negra.

Gañadora do premio FETEN 2020 á Mellor proposta orixinal pola súa sensibilización medioambiental. Nautilus é unha versión da clásica novela de aventuras 20.000 leguas de viaje submarino cunha lectura actual, comprometida e preocupada pola conservación dos océanos e do noso planeta.

Coreografía de BLACKPINK

 Érase un grupo de nenas do cole ás que lle gustaba un grupo de música coreano chamado Blackpink. Como eran 4, cada unha delas foi unha integrante do grupo... e comezaron a ensaiar as súas coreografías.

A súa dedicación a ensaiar os bailes durante o tempo do recreo, foi captando a atención de compañeiros e compañeiras do cole que querían velas. E comezaron a imitalas facendo os mesmos movementos.

Como mestre de música, non deixei escapar a ocasión de facer algo conxunto entre todos/as e comezamos a ensair unha das cancións de Blackpink no mes de outubro. Antes das vacacións de Nadal, fixemos a coreografía no ximnasio e non teño máis que palabras de eloxio para todo o alumnado pola dedicación, esforzo e compañeirismo que demostraron. 

Lisa, Jisoo, Jennie e Rosé estarían moi orguiosas de vós. Gracias a todos/as e en especial a Leire, Antía, Uxía e Raquel por mostrar o camiño.

We'll be friends

 

O profe Arturo inventou a letra desta canción dedicada a Efrén, a nosa mascota. Este esquío é o noso amigo dende hai unha chea de anos cando un día apareceu polo cole e quedou a vivir na biblioteca. Sempre nos acompaña nas actividades que se levan a cabo e anímanos a que, o que fagamos, o fagamos ben e con gusto e ilusión.

Tamén quere facerse amigo de todas as nenas e nenos que veñan ao cole o ano que ven, e o seguinte , e ... 

Credes que o conseguirá?

Recreos de karaoke

 

Un día á semana cada grupo-clase aproveita o recreo para cantar. Arturo recolleu as propostas do alumnado e hai varias listas de reprodución. Ninguén esquece a súa quenda e pasan un rato divertido 

O uso do karaoke ten moitos puntos a favor:

• esperta o interese do alumnado pola música e desenvolve o sentido do ritmo 
• axuda a perder o medo escénico e a mellorar a comunicación verbal
• mellora a observación e a concentración e esperta o interese e a práctica da lectura 
• crea unha via de expresión dos sentimentos e as emocións e sociabiliza

Moi boa idea, profe Arturo!

Sácalle a lingua

As nenas e nenos aprenderon esta canción (A letra é de Fran Rei e Isabel Risco; a música de Jerry Noia ) que lles ensinou Arturo, o profe de música,  para presumir de lingua... non cada un da súa, senón da NOSA, da Lingua Galega, que sobreviviu centos de anos grazas á xente. 

Eu crieime escoitando a meus pais falando en galego excepto cando nos falaban a nós, ao meu irmán e a min.  Falaban galego entre eles, coas súas respectivas familias, coa xente da vila… pero a nós criáronnos en castelán. Eu só falaba galego cando me falaban en galego, pero, se temos unha fermosa lingua propia, por que non a falamos en tódolos contextos? Cales son as razóns que nos frean a usala en tódalas realidades da nosa sociedade?

Por iso... ao que se meta coa túa fala, ao que pretenda silenciala... 

SÁCALLE A LINGUA! 👅

Radio Tarabela entrevista a María do Ceo

O último programa de radio deste ano fixémolo dende a casa. Consistiu nunha entrevista á cantante de fados afincada en Ourense María do Ceo, que contestou ás preguntas das nenas e nenos con moito cariño e ademais dedicounos unha canción.

Pero , ao longo da emisión escoitaredes chistes, cuñas publicitarias, e descubriredes o que pensan facer os nenos e nenas de E. Infantil cando remate o confinamento ...

Escoitade, escoitade... RADIO TARABELA NAS ONDAS.

Escolma de musica tradicional

Entre as  actividades para a que solicitamos colaboración dende a casa estaba tocar algunha peza de música galega coa gaita ou con outro instrumento.

Obtivemos duas respostas : Mateo, que está comezando a dar os seus primeiros pasos tocando o punteiro e faino estupendamente  (aínda que sabemos de boa tinta que pronto terá a súa propia gaita) e Pablo, que toca coma un profesional.

Escoitade, escoitade:

Bailamos a muiñeira

Este ano,  pola romaría das Letras, queriamos bailar todxs xuntxs unha peza tradicional e, fixémolo, claro que o fixemos... xuntos na distancia.
Escollemos a muiñeira de Chantada porque é unha das pezas máis coñecidas do repertorio dos gaiteiros. 
Foi creada no 1865 e estreada nas festas da Veiga  en Chantada e foi gravada por primeira vez en 1928.

Fostes moitas as familias e os nenos e nenas que enviastes a vosa muiñeira... 

GRAZAS a todxs por colaborar. Sodes uns excelentes bailaríns e bailarinas.

Peeero, no medio de todos os videos,  resulta que un deles quedou sen incluir na recompilación.

 Bufff! é a primeira vez que nos pasa algo así!. Pero todo  se pode arranxar...

Por iso o imos poñer aquí, porque non nos parece xusto que, tras levar o traballo de preparar o baile, non poidades ver o ben que o fan Xiana e Breogán .  Tamén incluimos unhas fotos que nos quedaron por meter ... 

 Sira e Álvaro tamén quixeron mandarnos o seu saúdo:

A primeira xuntanza despois do confinamento :Os vapores das Burgas

En tempos, nas xuntanzas de amigxs ou cando había unha festa, os mozos e mozas adoitaban tocar, cantar e  bailar  pezas tradicionais. 

Isto foi o que  fixeron na casa da familia de Alex un destes días co grupo de gaitas "Os vapores das Burgas". 

Unímonos aos VALENTES

Juan Manuel Montilla, "El Langui" colaborou con Mediaset na elaboración do rap dos valentes.
Ser  valente é dar a cara ante unha situación de inxustiza e posicionarte do lado do que está só; sacar os teus sentimentos, non a base de puños, senón dende o corazón.
"Se buscan valientes" é un rap en contra do abuso na escola, poñendo o foco nos testigos que presenzan o acoso e teñen a chave para denuncialo. Son os amigos e compañeiros os que se teñen que converter en "salvavidas"· ante un caso de bullying.
Ser diferente é un aspecto que enriquece á sociedade, sen embargo é a excusa dos acosadores para actuar.
Aínda que na nosa escola non hai este problema,  decidimos sumarnos a esta iniciativa  facendo nosa a canción que tan famosa se fixo estes días para cantala o día da PAZ.
Como?
Pois... traducíndoa ao galego: "Búscanse valentes"

Conto musical

Tod@s coñecemos os beneficos da lectura e ninguén dubida deles.
LER, ademais de ser un perfecto exercicio para o cerebro, permite que nos esquezamos dos problemas, potencia a concentración, fomenta a imaxinación e libera os soños... 
Unha longa lista de aspectos positivos que a lectura comparte coa música. 

Existen numerosos estudios que determinan que a música ten unha influencia moi positiva no desenvolvemento intelectual, cognitivo, creativo e psicolóxico dos cativos.
 Algúns científicos probaron que estimula o hemisferio esquerdo do noso cerebro, que é o que se encarga das actividades básicas da aprendizaxe da lingua, a escritura, os números e o uso da lóxica.

Entón, por que non xuntar os contos e a música?

Os contos chaman a atención e fan disfrutar tanto aos nen@s como aos maiores e, se están acompañados de música, máis aínda.

Por iso os contos  musicais son un recurso moi valioso: porque se basean na asociación palabra-son,   favorecen a atención e  a concentración e propician nos que escoitan un ambiente máxico  que incentiva a fantasía e a imaxinación. 

A música invita a ler e a lectura permítenos disfrutar, valorar e emocionarnos coa música.

 Toda esta introdución é para presentar a tres profesores do Conservatorio de Música  que viñeron a ensinarnos como soan os seus instrumentos : o trombón, o bombardino e a tuba. 
E fixérono cun conto musical titulado "Un paseo musical coa familia grave do vento-metal". 

Nós ilustrámolo e puxémoslle voz. A ver si vos gusta:

Dando a lata...

Quizais non estea nas nosas mans encher de paz todo o mundo, pero sí podemos encher o noso arredor con bicos, con apertas e con xestos de afecto. Con palabras amables, con bromas, con aloumiños e con risas.
A paz do mundo comeza cun sorriso.
A paz do mundo está no sorriso das nenas e nenos. 
Pol@s nos@s nen@s, c@s nos@s nen@s... fagamos posible un mundo de PAZ.

 Gustounos tanto a idea proposta polo CEIP Barrié de la Maza, que este ano,  decidimos unirnos á Latucada pola PAZ. 

Este foi o resultado:

Create your own free picture slideshow

Escoitade as nosas cancións:

• Rock sen guerra: A paz é a meta

Na clase de música escribimos este poema de Paz que terminou por converterse no himno do cole.

Cantámolo acompañado con percusión a ritmo da canción "We will rock you" de Queen.

É unha canción que medra por estas datas, xa que lle imos engadindo unha estrofa adaptada ao proxecto de cada ano. Así soa a ritmo de latucada:

• O mundo é grande

Esta é a nosa versión da canción de Mamá Cabra, para cantar o día da Paz a ritmo de latucada. Reescribímola adaptándoa ao noso proxecto: A Volta ao Mundo con Efrén.

O quebranoces

Hoxe hai 120 anos que Tchaikovsky tivo a xenial idea de compoñer a música do ballet "O Quebranoces".

Efrén e os  seus amig@s prepararon unha coreografía especial para tod@s vós.

Picade na imaxe  e seguide as instrucións:

A Arte: materia obrigatoria

"Surfeando" pola rede atopei este video con  letra e a música   de Jesús Sáez e realizado polo grupo Masartísticas para defender a presenza das ensinanzas artísticas na educación.
 Tamén  recollen  as esixencias que se escoitan nestes tempos tanto na rede coma na rúa :unha educación pública de calidade e unha lei de educación estable e consensuada, non suxeita aos cambios políticos.

Aquí volo deixo:

"Love me do": Feliz aniversario!

Este mes (o día 5, para ser exactos), The Beatles _se aínda cantaran xuntos_ celebrarían un importante aniversario: os 50 anos do seu primeiro single "Love me do", o  inicio da súa carreira discográfica.
Este foi o comezo de todo.
Ninguén sabía que sería o grupo que revolucionaría a música e a cultura.
Dende entón nada foi igual ...


Non é unha das súas mellores cancións, aínda faltaban uns anos para que todo o seu talento  aflorara, pero foi a orixe de todo un fenómeno de masas que aínda perdura e o principio dun dos mellores grupos da historia.
Paul McCartney, con algunha aportación de John Lennon,  compuxera esta canción cando tiña 16 anos, con dous acordes e unha letra do mais sinxelo.

Love, love me do / You Know I love you 
 I’ll always be true / so please, love me do…

Someone to love / somebody new
Someone to love / Someone like you

The Beatles  xa eran coñecidos en Liverpool, a súa cidade, pero aínda eran descoñecidos no resto do país.
Ese ano a canción so alcanzou o posto 17 das listas de éxitos no Reino Unido, pero dous anos despois foi número 1 nos Estados Unidos.
Esto preparou o terreo para o primeiro gran éxito da banda: "Please, please Me"

A Beatlemanía xa estaba en marcha...

50 anos xa! Hai que ver como pasa o tempo!

Máis cancións de The Beatles:

Come together

Can't buy me love

Yesterday

Yellow submarine

All together now

E moitas mais neste enlace: http://www.goear.com/search/the-beatles/

E as letras, aquí: http://www.metrolyrics.com/beatles-lyrics.html