martes, 19 de xaneiro de 2021

Premio para o noso Día das Letras

 

Todos os anos a Real Academia Galega abre un espazo de participación para que os centros escolares de toda Galicia  relaten como celebran o 17 de maio . 

Casi 70 centros enviaron as actividades coas que homenaxearon a Ricardo Carvalho Calero, entre eles o noso.

E hoxe recibimos unha chamada da RAG informando de que o noso , mellor dito, o voso traballo tivo premio. Concedéronnos, xunto con outros dous colexios,  un dos premios do certame e destacaron o noso labor polas actividades e iniciativas levadas a cabo. 

Moitas grazas a todas e todos polo voso traballo. 

XUNT@s  formamos un gran equipo!

venres, 1 de xaneiro de 2021

Radio no Nadal

 A Radio Tarabela emite tamén no Nadal.

As avoas e os avós responden ás preguntas dos rapaces e contan como celebraban estas festas cando eran pequenos. 

Tamén nos cantan  panxoliñas acompañadxs dxs netxs ou bisnetxs.

O nadal doutros tempos


Cando os  nosos avós e avoas eran  cativos, o nadal era diferente, pero igual de feliz.  E non che digo nada das vivencias das bisavoas ...

Eran outros tempos....

A decoración das casas era moito máis sinxela, non había luces nen árbore de nadal; o que sí había en moitas casas era o Nacemento.

Moitas das tradicións aínda se manteñen hoxe, outras desapareceron co tempo, pero o nadal segue sendo tempo de reunirse coa familia e revivir recordos á calor do lume .

Houbo un tempo no que os mozos e mozas percorrían as aldeas cantando panxoliñas, cantos de nadal e de reis. Estes cantos foron transmitíndose oralmente ao longo dos séculos.

Cando remataban o cantar solicitaban o aguinaldo que normalmente era viño, chourizos, touciño, algún doce ... Despois facían unha festa ou unha foliada e consumían todos xuntos o que recolleran. 

Esta era unha das tradicións que agora están un pouco esquecidas e que non estaría mal recuperar. E había máis... 

Preguntamos aos nosos maiores como celebraban eles o nadal. Isto é o que nos contaron e o que nos cantaron. 

Tamén vos podedes informar de como se celebra o nadal noutros lugares. 

E lede o que nos contan do Aninovo os Amigos Do Patrimonio de Toén que son unha asociación que traballan na defensa do patrimonio cultural e natural do noso concello. Picade nos agasallos debaixo da árbore