lunes, 17 de abril de 2017

Bookcrossing: Libros Libres

Cuando has poseído un libro te has enriquecido personalmente. Pero cuando se lo pasas a alguien te has enriquecido por triplicado”. Los libros en mi vida, Henry Miller.


O termo Bookcrossing fai alusión á liberación de libros en lugares públicos ca fin de que outras persoas os atopen, os lean e os volvan a liberar.

Esta iniciativa xira en torno ás "3eRRes"

- Read (ler)

- Register (Rexistrar o libro xunto cos teus comentarios no diario de viaxe)

- Release (Liberalo para que o lea alguén màis)

O Bookcrossing é un fenómeno moi popular,  tendo máis de dous millóns de usuarios rexistrados que teñen liberado cerca de 10 millóns de libros en 132 países.

Nós tamén queremos converternos en Bookcrossers e colaborar para converter o mundo nunha biblioteca global.
Na Biblioteca escolar fixemos entrega de 6 libros etiquetados para que fosen liberados . Así que. xa sabedes, se atopades un destes libros, deixádeo libre para que recorra o mundo...

A ver ata onde chegan! 

miércoles, 5 de abril de 2017

Abril: Mes dos libros


Estas son as actividades que programamos e que iremos pondo en marcha ao longo deste mes de abril, no que celebramos o Mes dos Libros


miércoles, 29 de marzo de 2017

Árbores e poesía

No cole estamos moi sensibilizados cos problemas medioambientais, quizais porque estamos  rodeados de natureza.
Todos os anos plantamos árbores, no patio ou fóra.
 E este ano, como somos conscientes de que o noso papel co medio ambiente ten que ir mais alá de apreciar a natureza, decidimos adoptar unha árbore  do noso patio.
Cada clase elixiu unha especie de árbore diferente para aprender sobre ela,  coidala e respectala .

            



























Ademáis, como o día da árbore e o día da poesía van collidos da man, decidimos escribir un poema para a nosa árbore e adornala  

domingo, 26 de marzo de 2017

Escaleiras poéticas





Unha das actividades que ideamos para celebrar a poesía foi converter as escaleiras do cole nun espazo de lectura. 
Eliximos o poema "Galicia" de Manuel María e seleccionamos duas estrofas. Repartimos os versos entre todas as aulas e os nenos escribiron as palabras e decoraron cadanseu verso.
Xuntámonos na Hora de ler para colocar os 8 versos ordeados formando o poema:


Escaleira by Slidely Slideshow

miércoles, 15 de marzo de 2017

8 M: Mulleres na Ciencia

 As mulleres poden considerarse como as grandes olvidadas da historia.
 Aparecen tan escasamente na Ciencia, na Literatura e na Arte que parece que non participaron en estes ámbitos da cultura, cando sen moitas delas a historia da humanidade sería diferente.

Por que sucede isto?

Por unha banda, porque sempre tiveron moitos obstáculos para desenvolver os seus intereses e capacidades (moitas tiveron que loitar contra a incomprensión da sociedade do seu tempo ou contra a absurda discriminación baseada no sexo ),  por outra, porque ás que conseguiron facelo, nunca se lles recoñeceu o seu mérito e non aparecen nomeadas nas enciclopedias ou nos libros.

Os dereitos  que as mulleres do mundo occidental teñen na actualidade débense ao esforzo de moitas delas que, ao longo dos séculos traballaron para conseguilos, facéndose un oco nun mundo de homes.

Nós quixemos reivindicar o papel das mulleres na Ciencia enchendo o noso taboleiro de mulleres científicas porque, aínda que moitas sexan unhas descoñecidas, levaron a cabo importantes traballos de investigación e contribuíron na construción dunha sociedade máis xusta para mulleres e homes. 

viernes, 3 de marzo de 2017

A tuna do Centro de Día


Os avós e avoas do Centro de Día devolvéronnos a visita que lles fixemos polo día de Rosalía.
Non viñeron só a ver o desfile e as actuacións, senón  a participar da nosa festa de Entroido. 
Convertéronse na Tuna da Facultade de Ciencias de Toén e compartiron connosco as súas cancións.
E nós... encantados!

jueves, 2 de marzo de 2017

Dia grande de Entroido: Desfile e Comedias

O venres de entroido no cole sempre é estupendo.
Desfilamos lucindo os nosos disfraces e representamos as comedias que preparamos en cada clase.
Esta é unha tradición propia de Mugares, onde o martes de entroido se representaban no Eiró.

Os MARCIANIÑOS de EI


Os PIPETAS de 1º EP



Os ARQUEÓLOGOS de 2º EP



Os FISICOS de 3º EP



"ANIMAIS EN PERIGO" de 4º EP

Os

ROBÓTICOS de 5º EP






TOXIC TOURS de 6º EP




miércoles, 1 de marzo de 2017

#Somos valentes

Xa sabedes que enviamos o noso rap  a Mediaset para colaborar na campaña  #sebuscan#valientes.
Pois, recibimos esta mensaxe :



Entrade  en calquera das páxinas que suxiren (facebook, twitter, instagram), ou no enlace e poderedes ver o que fixeron.

BEN FEITO, rapeir@s!!

martes, 28 de febrero de 2017

Códigos QR: Os máis pequenos con Rosalia


  Os Códigos QR almacenan información nunha matriz de puntos ou nun código de barras bidimensional.
    Estes códigos unha vez lídos dende un móbil, permitiranvos visitar a páxina Web introducida de forma  automática. Só tendes que  descargar un lector de códigos. Hai múltiples lectores QR gratuitos, para todos os móbiles e tablets nas App Stores dos dispositivos.
 Atopade o lector axeitado para o voso terminal e descargádeo. 
Abride a aplicación e, mantendo o obxectivo da cámara  sobre  os códigos QR , escaneade as imaxes (O escaneo realízase en cuestión de segundos) e descubriredes o que se agocha detrás de cada código.



Mirade a actuación da clase de 2º EP neste QR 


Mirade o ben que cantaron os nenos e nenas de E. Infantil neste  QR



Entroido: Que comece a festa!

Febreiro é o mes do Entroido.
No cole vivímolo moi intensamente porque, durante toda a semana,  temos que obedecer os mandadiños de  Efrén .

  • "Un experimento preparaches, e cunha pinta moi rara quedaches!"


Invertimos moito tempo en elaborar os disfraces, e iso que temos axuda das mamás...!
Empregamos todo tipo de materiais e pinturas.
 Como este ano estamos traballando sobre a ciencia,  tivemos marcianiños, químicos, arqueólogos, físicos, animais en perigo de extinción, robots e supervivintes de Toén- zona 0

jueves, 23 de febrero de 2017

#RosaliaDos


Grazas polos agasallos!
Desprazámonos ata o Centro de Día de Toén  para compartir a nosa homenaxe a Rosalía con todas as avoas e avós .
 Falámoslles sobre a vida da autora e recitamos poemas, algún deles convertido en canción...


Eles tiñan preparado para nós un xogo: Tiñamos que  ordear os versos duns poemas  que nos recitaron. A súa axuda foi inestimable para logralo: 

rosalia2017 by Slidely Photo Gallery

Despois, caracterizados coas nosas carautas de Rosalía e cos versos que cada un elixiu, fixemos fotos cos avós e as avoas  sumándonos así  a actividade proposta pola AELG. 

Rosalia2017 by Slidely Photo Gallery


miércoles, 22 de febrero de 2017

O souto das palabras

As paredes da escaleira  transformáronse nun souto e nunha carballeira con árbores cheíñas de follas coas nosas palabras favoritas.

Cal é a vosa?


O Souto das palabras by Slidely Photo Gallery

Acordádevos de votar polas vosas palabras os enlaces da entrada anterior e de animar aos vosos familiares e amigos a que o fagan. 

lunes, 20 de febrero de 2017

Dia da Lingua Materna


No galego, ao igual que en todas as linguas, hai moitas palabras fermosas, únicas, históricas, propias, prestadas...
Todas nos pertencen e debemos coidalas e protexelas para que coninuen formando parte da nosa fala, do noso patrimonio cultural.
No Día da Lingua materna, 21 de febreiro, queremos render homenaxe ás palabras da lingua galega.
Cada neno/a elixirá dúas palabras: a que mais lle gusta polo significado que ten,  e a que prefire pola súa sonoridade. Escribiráas dentro dunha folla de castiñeiro ou carballo acompañadas dun debuxo esquemático (visual thinking) e con todas elas construiremos o noso souto e a nosa carballeira de palabras fermosas.

Queremos elixir as dúas palabras preferidas e para iso tendes a vosa disposición uns formularios:






Para elixir as vosas palabras favoritas ( picade na imaxe)









Para elixir as palabras que vos gustan pola súa sonoridade (picade na imaxe)






Tod@s os  podemos colaborar votando

Animade aos vosos familiares e amigos!

domingo, 19 de febrero de 2017

#RosalíaTe


Todos os anos, o  24 de febreiro, celebramos na escola o Día de Rosalía .

 A  AELG convídanos a recordar a  data de nacemento da autora participando nas actividades que propoñen por toda Galicia: lecturas públicas da obra de Rosalía de Castro,  lectura do manifesto  elaborado este ano por Ledicia Costas ...

Este ano, o lema é  #RosalíaTe .

Cada alumna ou alumno converterase en Rosalía , caracterizándose empregando unha mácara que elaboraremos no colexio. Faremos un repaso da figura literaria da autora e a súa obra. Cada neno/a elixirá uns versos cos que elaborará un cartel .
Unha vez feito este traballo, compartirémolo cos "avós e avoas" do Centro de Día de Toén.

domingo, 12 de febrero de 2017

Parabéns

Acto de entrega dos premios do I Concurso de debuxo e redacción do Día Internacional da Muller e a Nena na Ciencia

O sábado, 11 de febreiro,   no Salón de Graos do edificio Politécnico do Campus de Ourense  tivo lugar a entrega de premios e  alí estiveron, acompañados polos seus pais,  a súa mestra de CCNN e Lingua galega e a directora do centro ...

Lúa Domínguez Grande- 2º premio de debuxo
José Vidal González Gómez  - 2º premio de redacción
Sofía González Iglesias - 3º premio de redacción




A investigadora Verónica Salgueiriño impartiu unha charla co título ¿Que é a nanociencia? 
A continuación, o vicerreitor do campus de Ourense da Universidade de Vigo,  Virxilio Rodríguez e a investigadora Verónica Salgueiriño realizaron a entrega dos premios .

Os xornais Faro de Vigo e  La Voz de Galicia  fanse eco da noticia.


NORABOA!

miércoles, 8 de febrero de 2017

Reporteiros pola PAZ, 2017

Como xa ven sendo tradicional por estas datas, os nenos e nenas escribiron  noticias, frases,  poemas... para formar parte  desta mini revista "pacífica" que vimos editando os últimos 6 anos.

Este ano, seguindo co noso proxecto anual,  moitas das novas teñen que ver coa ciencia, cos beneficios que pode provocar na vida das persoas e o que os científicos e científicas poden facer para
mellorala.

<

viernes, 3 de febrero de 2017

Dia das Mulleres e as Nenas na Ciencia

O dia 11 de febreiro está declarado pola ONU como o Día internacional da muller e a nena na Ciencia para promover o coñecemento por parte do alumnado do papel das mulleres na ciencia e na enxeñaría e as súas achegas ao desenvolvemento humano ao longo da historia. Con tal motivo, a Facultade de Ciencias, a Escola Superior de Enxeñería Informática e a Escola Enxeñería Aeronáutica e do Espazo en colaboración coa unidade de Igualdade da Universidade de Vigo  convocaron un certame de redacción e debuxo que axude a que se visualice o papel das mulleres na ciencia e na enxeñaría e que reflicta como son vistas pola sociedade e chamar a atención do alumnado sobre a ciencia, a enxeñaría e a súa contorna.

No blogue "O souto dos Laretas" podedes ver as bases da convocatoria e tamén os traballos que se presentaron.

Moita sorte ás e aos participantes!

jueves, 2 de febrero de 2017

Unímonos aos VALENTES

Juan Manuel Montilla, "El Langui" colaborou con Mediaset na elaboración do rap dos valentes.
Ser  valente é dar a cara ante unha situación de inxustiza e posicionarte do lado do que está só; sacar os teus sentimentos, non a base de puños, senón dende o corazón.
"Se buscan valientes" é un rap en contra do abuso na escola, poñendo o foco nos testigos que presenzan o acoso e teñen a chave para denuncialo. Son os amigos e compañeiros os que se teñen que converter en "salvavidas"· ante un caso de bullying.
Ser diferente é un aspecto que enriquece á sociedade, sen embargo é a excusa dos acosadores para actuar.
Aínda que na nosa escola non hai este problema,  decidimos sumarnos a esta iniciativa  facendo nosa a canción que tan famosa se fixo estes días para cantala o día da PAZ.
Como?
Pois... traducíndoa ao galego: "Búscanse valentes"




miércoles, 1 de febrero de 2017

Sons de PAZ

A profesora de música organizou un concerto para conmemorar o Día da PAZ.
Os nenos/as tocaron á frauta dúas versións do Himno á Alegría.

Despois todos/as participamos cantando.


O himno de paz do noso cole non podía faltar: "Ponlle freo á guerra"
Para rematar, os nenos e nenas de 2º recitaron un poema que eles mesmos escribiron.

martes, 31 de enero de 2017

Tecendo a PAZ



Os conflictos son algo habitual nas relacións entre persoas. Xorden cando se persiguen obxectivos distintos. 

Resolver conflictos sen recorrer á violencia pode non ser sempre sinxelo, pero non é imposible . É o camiño para mellorar a convivencia.

Entre todos e todas quixemos tecer unha grande rede de desexos e compromisos para reivindicar na escola  a resolución non violenta dos conflictos .

Cada neno/a debuxou o seu autorretrato e escribiu o seu compromiso persoal.


TecendoPaz by Slidely Photo Gallery

lunes, 30 de enero de 2017

Cientificos pola paz

Pese a que a ciencia adoita asociarse co Mad Doctor, un científico tolo que traballa para poderes ocultos e  pretende dominar o mundo, o certo é que a maioría dos científicos non son así.
En calquera caso, a ciencia non sería responsable de que haxa xente que empregue os seus achádegos de forma cruel. Sería como acusar ao inventor do coitelo dos asesinatos perpretados por un maníaco.

Hai quen ve no desenvolvemento científico e tecnolóxico a solución de todos os problemas sociais, e hai quen pensa que é o causante de todos os grandes males.
Posiblemente nen unha cousa nen a outra, todo dependerá do uso que lle queiramos dar  os humanos.

Hai moitos científicos e científicas que, ademáis de polas súas contribucións ao mundo da ciencia, son famosos polo seu compromiso social.

Cantos podedes atopar?




sábado, 28 de enero de 2017

Marilar Aleixandre na RAG


O pasado 14 de xaneiro, a escritora e investigadora Marilar Aleixandre ingresou na Real Academia Galega, ocupando a cadeira que quedara baleiro tralo pasamento de Xose Neira Vilas.
Como bióloga profesora (primeiro nun instituto e actualmente na Universidade de Santiago ) foi pioneira no emprego do galego como lingua para o ensino das ciencias e é coautora dos dous primeiros libros de texto de ciencias en galego. Tamén é autora de numerosos artigos, ensaios e outros materiais sobre o ensino das ciencias.

TRAXECTORIA COMO ESCRITORA

A de escritora é a súa faceta máis coñecida. Aínda que naceu en Madrid e non chegou a Galicia ata os naos 70,  emprega maioritariamente a lingua galega nas súas obras e ten recibido moitos galardóns .

 "A formiga coxa" (1989) foi  súa primeira obra de literatura infantil e xuvenil, á que seguirían outros 20 títulos como "Catro cascarolos", "A expedición do Pacífico" , " A cabeza de Medusa" , "O trasno de Alqueidón" ou "A ovella descarreirada", esta última en verso.

Tamén escribe narrativa para adultos "A compañía clandestina de contrapublicidade" ou "Teoría do caos" e poesía "Catálogo de Velenos", "Mudanzas" ou "Desescribindo", que acaba de saír da imprenta o pasado mes de decembro.

A SÚA LABOR NA ACADEMIA

Como membro da RAG marcou coma obxectivos fundamentais "dar visibilidade ás mulleres" e "achegar a Academia á cidadanía", de modo que a xente descubra "cousas útiles" nela tamén a través das escolas e "que a cultura galega dialogue coa realidade".


lunes, 9 de enero de 2017

Robótica nas aulas - Escornabots

Dende a Asesoría de Bibliotecas, pedíronnos un artigo para a revista Eduga  sobre o traballo que facemos no cole cos escornabots.

Apareceu publicado no número 72