Momentos máxicos. Ilusión e compañeirismo. Remata un longo periodo de curso e o alumnado xe pensa en neve, agasallos, turrón, descansar na casiña coa familia e algúns, vlotar de novo ao cole para ver aos amigos e amigas.
Mentres, ambiente de Nadal, decorando a árbore con motivos relacionados coa auga ( menudas xenialidades as que aportaron dende a casa ), facer postais de felicitación aos maiores do Centro de Día, decoración de pasillos e clases...
Pola nosa parte, agradecer a todas as familias a súa colaboración coas actividades da escola e desexarvos que pasedes unhas boas festas. Que o 2023 traia o mellor para todos/as vós. Unha aperta grande !!!!
Como cada ano, celebramos entre cada clase o " Amigo/a Invisible ", onde cada alumno e alumna da un agasallo a outro compañeiro/a. No saco e Arce, o alumnado ofrece un libro dependendo dos gustos da persoa que o recibe.
Nas clases de infantil, Efrén foi o encargado de repartir os libros a todos/as. Tanto maiores coma pequenos e pequenas quedaron super encantados/as co agasallo do seu " amigo/a invisible "
Estes días acudimos á biblioteca a facer experimentos relacionados coa auga. Foron moi interesantes e tanto o alumnado de infantil como o de primaria observamos como se podía aprender cun chisquiño de " maxia química ".
Ata Efrén se animou a facer experimentos, aínda que algún lle daba un pouco de mal fario... cousas de esquíos...
O día 25 de Novembro é o día internacional da eliminación da violencia contra a muller.
A convocatoria foi iniciada polo movemento feminista latinoamericano en 1981 conmemorando a data na que foron asasinadas as tres irmáns Mirabal en 1960.
A violencia contra as mulleres ten a súa orixe na falta de equidade nas relacións entre homes e mulleres en diversos ámbitos e na discriminación persistente cara as mulleres, tanto a nivel físico, sexual, psicolóxico, económico, cultural, entre outras... e non está confinada a unha soa cultura, rexión ou país específico.
No Saco e Arce queriamos aportar o noso granillo de area facendo alusión ao noso Proxecto Anual sobre a Auga ( Cada pinga conta ) e que quedase reflexado todo esa discriminación chea de pingas de auga con mensaxes e palabras negativas cara as mulleres, pasando por unha depuradora e converténdose en pingas cheas de boas accións. Transformar o negativo en positivo. Limpar esa auga, depurar esas accións que maltratan ás mulleres e convertilas en bo camiño, en fonte de esperanza para cada unha delas.
Para esta ocasión engadimos a música de María do Ceo, amiga do noso cole, que moi gustosamente nos prestou do seu novo traballo que sairá en breves.
Roberto Valente, membro do equipo @ sobre a investigación de ciberdelitos da Garda Civil, veo ao noso cole, para darnos unha charla englobada dentro do Plan Director.
Teñen como misión :
- Levar a cabo as investigacións relacionadas coa delincuencia informática e os fraudes no sector das telecomunicacións, ben por propia iniciativa, por requerimento das Autoridades Xudiciais ou por denuncia dos cidadáns.
- Detección de delitos informáticos na rede.
- Apoiar as investigacións do resto das unidades da Garda Civil,
Cando chega a última noite de outubro, previo ao día de fieles difuntos, celébrase esta festa que tanto gusta aos rapaces e rapazas do cole. O feito de disfrazarse de demos, bruxas e todo tipo de persoaxes malignos, fai que teñan os seus medos cara a cara e se decaten que eses medos e temores non son para tanto... Atoparlle unha parte positiva, de risa, ... ver que so é un compañeiro/a caracterizado...Pero que saibades, que non todos/as estñan preparados para afrontalo......
Ademáis, fixemos a nosa exposición de cabazas, decoradas para a ocasión. Como o motivo deste ano é a auga, o alumnado trouxo cabazas relacionadas coa auga. Menuda imaxinación teñen algúns e que pacienciña teñan outros para crear tan variado elenco de cabazas. Noraboa a todos /as.
E logo, á hora de comer, unha comida especial de halloween-samaín, pasar un bo rato xuntos e agardar un ano máis para vir disfrazados ao cole daquel motivo que máis medo nos da. Entre todos/as xa buscaremos a forma de transformar ese medo noutra emoción máis positiva.
O noso Efrén non deixa de sorprendernos. Non so é o guardián da biblioteca do cole, amigo de todas as nenas e nenos, animándoos á lectura de bos libros. Agora tamén é o compañeiro de viaxe do alumnado que practica fútbol gaélico no cole. Non podían chamarse doutro xeito... " OS ESQUÍOS DE TOÉN ".
Sodes un grupo xenial, así como de xeniais son os vosos adestradores. Compañeirismo, enerxía, solidaridade, fortaleza e paixón polo deporte deste grupo de nenos e nenas do CEIP Saco e Arce.
Con motivo do Samaín, e tendo de referencia o noso proxecto anual sobre a auga.... " Cada gota conta ", o alumnado ddo cole, tanto de Infantil coma de Primaria, fixo o debuxo do seu monstruiño do río Miño. Moitos deles tamén lle escribiu algunha das características peculiares do monstruo.
Tras un tempo sen poder facer esta actividade, chegou o momento de retomala de novo.
Cada un dos nenos/as dos cursos maiores escolleron un afillado/a ao que lle deron unha invitación para lerlles un libro. Por mor da chuvia, non puidemos facer esta actividade ao aire libre, aínda así, o alumnado buscou un espazo polo colexio para poder ler con tranquilidade o seu conto.
Enmarcada dentro das actividades da biblioteca, o apadriñamento lector sempre contou con moito interese por parte do alumnado, tanto para quen le o conto como para os que o escoitan. É unha actividade moi fermosa e agarimosa que se volveu celebrar no noso cole.
No CEIP Saco e Arce celebramos hoxe, día 24 de outubro, o día da Biblioteca.
Neste día ( que en realidade foron varios máis ), baixamos todo o alumnado á nosa biblio para coñecer aos nosos/as axudantes da biblio. Rapaces e rapazas de 5º e 6º de Primaria apuntáronse para colaborar na biblio durante o tempo de lecer.
Cada un/unha recibiu o seu carné de colaborador/a da Biblio, entregamos as mochilas viaxeiras ao alumnado de Infantil e 1º e 2º de Primaria ( os demáis cursos participan no clube de lectura ) e tivemos máis sorpresas....
O pasado 17 de outubro celebramos o día das escritoras no noso cole.
Sí. Están ahí. Nós sabémolo, mais non sempre son visibles neste nosa sociedade. Neste día queriamos aportar o noso gran de area e darlles a homeaxe que elas merecen. Porque non se trata de linguas, nin de xéneros literarios. É igual o inglés, o francés, o castelán ou o galego. Da o mesmo se é prosa ou verso. Trátase delas, das escritoras. Dende Sylvia Plath ata Rosalía, pasando por Ana María Matute, Mery Shelley ou Carmen Laforet... e a nosa querida Baia Fernández e tendo na mente tantas outras..
O alumnado de 5º e 6º de Primaria foi de visita a Celanova o día 13 de Outubro.
Efrén contoulles que alí verían moitas cousas interesantes e atoparían moitas sorpresas. Unha delas foi a marabillosa Biblioteca do IES Celso Emilio Ferreiro, unha das máis fermosas que el visitara.
O alumnado pasou unha mañá moi fermosa visitando lugares tan fermosos como o Monasterio de San Salvador, a Capela de San Miguel ou a Casa dos Poetas.
O MOSTEIRO
Popularmente coñecido como mosteiro
de San
Rosendo, é un dos maiores exemplos do esplendor barroco galego
dos séculos XVII e XVIII. Consta de dous claustros, unha igrexa e
unha torre
abacial. O primeiro dos claustros (de carácter procesional e
asentado onde anteriormente puido existir outro de estilo románico) comezouse
no século XVI e rematouse no XVIII. É obra de varios autores (entre eles,
Rodrigo Gil de Hontañón e Antonio Palacios). Posúe unhas magníficas bóvedas
tardogóticas edificadas no XVI, así como unha exuberante decoración barroca do
século XVIII de influencia compostelá hacia o patio interior. O segundo dos claustros
(coñecido como “Poleiro”) rematouse tamén no XVIII (concretamente, no 1722).
Destaca aquí a enorme balconada e a biblioteca. Hoxe, este segundo claustro
alberga un centro de estudos de secundaria.
O que máis sobresae de todo o conxunto monacal da Idade
Moderna é a igrexa, comezada no XVII
e rematada no XVIII. Aséntase nun lugar onde debeu haber previamente
construcións medievas que se perderon coas reformas levadas a cabo durante os
séculos XVI a XVIII. Na devantida igrexa, sobresaen o retablo
maior (atribuido a Castro Canseco), dúas
sillerías (dos séculos XVI e XVIII, respectivamente) e
unha relevante caixa de órgano con
dúas fachadas de estilo rococó (obra do século XVIII). Dentro de dita caixa,
ubícase un órgano de comezos do século XXI habilitado para a celebración de
concertos.
Museo e casa natal do poeta
Manuel Curros Enríquez, adicado a promover a literatura de Celanova e sede da
Fundación Curros Enríquez.
A planta Baixa acolle una exposición
didáctica permanente sobre os poetas Manuel Curros Enríquez e Celso Emilio
Ferreiro. Na primeira e segunda planta existen espacios destinados á
realización de actividades e una sala de esposicións temporais.
O inmoble sitúase no número 37
da rúa que leva o nome do poeta. Está formado por dous edificios: un coa
estrutura dunha casa tradicional galega (onde se conserva a lareira e a cheminea)
e outra parte de características máis urbanas (na que se inclúe a fachada). A
fundación conta cunha exposición permanente onde se fai un percorrido pola vida
e obra do recoñecido autor. Tamén se repasan momentos importantes da época
(século XIX e comezos do XX) e se fai un achegamento a algún autores
celanoveses que, xunto a Curros, lle dan nome ao lugar (“Casa dos Poetas”).
Entre eles, está Celso Emilio Ferreiro.
A Bilioteca do IES Celso Emilio
Ferreiro ten o seu espazo físico na antiga biblioteca dos monxes do clautro
novo do Mosteiro de San Salvador, que se coñece na comarca como “ Claustro do
Poleiro ”.
O Poleiro é o lugar onde soben as
pitas a durmir, polo que á balconada corrida, similar á dos pazos galegos, que
percorre tres dos lados do claustro e permite que na primeira altura haxa en
realidade dúas plantas, denominouse así.
Era o lugar de residencia dos
novicios ( poderíanse considerar “poliños ”). Hoxe está repleto de pitiños
adolescentes do século XX.
Hoxe foi un día especial. Todo o alumnado participou na escolla de padriños e apadriñados para esta actividade do equipo da Biblioteca, o Apadriñamento Lector, donde os padriños escollen un conto e llo lerán ao seu apadriñado.
Todo o cole participa desta actividade e xa contan os días que faltan para elexir un lugar axeitado do colexio para ler o conto.
Xa comezou o curso, e desde o CEIP Saco e Arce, e en especial desde a Biblioteca do cole, queremos dar a benvida a todas as familias.
Este curso estamos moi ledos de vir ao cole coas novas que chegaron... ADEUS MÁSCARA !!! bueno... pero moito olliño porque o virus segue por ahí...
Na Biblio tamén temos novidades importantes. A profe Marisa será a nova encargada da Biblio e estará arroupada por un equipo da Biblioteca moi dispostos a continuar o traballo que durante moitos anos levaron a cabo moitos mestres e mestras do cole, cordinados pola teacher Carmen. Poremos todo o noso esforzo para elo.
Estes días, a nosa mascota Efrén, pasou polas clases a saudar a todo o alumnado e coñecer ás novas incorporacións do cole. Coa axuda do equipo da Biblio, estiveron falando das novas Normas da Biblioteca.
Bueno... esto xa botou a andar...
En moi poucos días, Efrén contaravos a todas as familias o tema sobre o que traballaremos este curso. como Proxecto Anual de Centro.... A AUGA.
O profe Arturo inventou a letra desta canción dedicada a Efrén, a nosa mascota. Este esquío é o noso amigo dende hai unha chea de anos cando un día apareceu polo cole e quedou a vivir na biblioteca.Sempre nos acompaña nas actividades que se levan a cabo e anímanos a que, o que fagamos, o fagamos ben e con gusto e ilusión.
Tamén quere facerse amigo de todas as nenas e nenos que veñan ao cole o ano que ven, e o seguinte , e ...
Nesta nova edición do programa Atrévete da Consellería de Cultura, Educación e OU, a nosa alumna Xiana, grande emprendedora de 5º EP, "atreveuse a ter unha idea" novedosa e resultou gañadora coa súa orixinal proposta "app solidaria".
O vindeiro día 21 irá a Santiago a recoller o seu premio: un diploma, unha tablet e un grande aplauso.
Xa hai tempo que os Bolechas nos pediron que falaramos do noso proxecto anual para o seu programa "Os Bolechas no cole" que sae no Xabarín Club da TVG. Coas gravacións que lles mandamos, nas que explicabamos como funciona a Lavamagic, montaron un capítulo que trata sobre as emocións e que quedou moi ben:
E tamén nos enviaron o video do programa no que colaboramos o ano pasado. Lembrades? Si home, aquel que trataba sobre "As lembranzas dos avós"
Un día á semana cada grupo-clase aproveita o recreo para cantar. Arturo recolleu as propostas do alumnado e hai varias listas de reprodución. Ninguén esquece a súa quenda e pasan un rato divertido
O uso do karaoke ten moitos puntos a favor:
esperta o interese do alumnado pola música e desenvolve o sentido do ritmo
axuda a perder o medo escénico e a mellorar a comunicación verbal
mellora a observación e a concentración e esperta o interese e a práctica da lectura
crea unha via de expresión dos sentimentos e as emocións e sociabiliza
As nenas e nenos aprenderon esta canción (A letra é de Fran Rei e Isabel Risco; a música de Jerry Noia ) que lles ensinou Arturo, o profe de música, para presumir de lingua... non cada un da súa, senón da NOSA, da Lingua Galega, que sobreviviu centos de anos grazas á xente.
Eu crieime escoitando a meus pais falando en galego excepto cando nos falaban a nós, ao meu irmán e a min. Falaban galego entre eles, coas súas respectivas familias, coa xente da vila… pero a nós criáronnos en castelán. Eu só falaba galego cando me falaban en galego, pero, se temos unha fermosa lingua propia, por que non a falamos en tódolos contextos? Cales son as razóns que nos frean a usala en tódalas realidades da nosa sociedade?
Por iso... ao que se meta coa túa fala, ao que pretenda silenciala...
Luis Vallecillo. que xa tiña estado no cole outras veces no seu rol de titiriteiro, veu esta vez a mostrarnos o seu libro "Cantamos?" que, por suposto, forma parte da nosa biblioteca.Un fermoso libro infantil con canción de Luis , textos de Celtia Figueiras e ilustración de Blanca Millán.
Foi unha sesión de canta-contos porque no seu libro os contos non son só para ler e entender pictogramas; fanse cancións, transfórmanse en música para xogar, cantar e bailar con aire de rock ou blues.
A profe Maite non puido asistir á reunión dos clubes de lectura e encargou a Efrén que guiase as actividades.
Cada grupo mostrou a portada que deseñou para o seu libro, fixo un resumo do mesmo e recomendou a lectura aos compañeiros e compañeiras.
Cada nena/o recibiu un marcapáxinas coa portada que deseñou o seu grupo. Gustoulles moito!
Como un dos libros trata sobre un can, tivemos unha visita moi especial: A mamá de Xoel trouxo ao seu can Pipo, un golden retriever que está entrenado para axudar ao neno e que leva uns oito anos na familia. É moi suave e cariñoso e todas quixeron acariñalo e darlle unha aperta.
Por último, xogamos a "Quen é?" un xogo cunha mecánica moi sinxela: Todas as participantes colócanse formando un grupo. Precísanse dúas persoas , unha que pense nun dos participantes sen dicir o seu nome, e outra que adiviñe en quen está pensando. Para logralo ten que facer preguntas cuxa resposta sexa si/non para ir eliminando participantes . Cando o descubra, a persoa ten que dicir tres cousas sobre sí mesma. Moi divertido!
Por que lemos? Porque fomenta a imaxinación? ou porque adquirimos coñecementos? ou para gozar dunha boa historia?
Pode ser que, se lle preguntamos a un adulto, nos responda que o fai porque é unha maneira, consciente ou inconsciente de dedicarse un pouco de tempo a un mesmo; ou porque lle permite esquecer os problemas, poñer a mente en branco e olvidar o estrés.
-Para min( fálavos Efrén, por se non vos derades conta) ler é un relax, unha distración, unha festa. Dende que collo un libro, ao ver a tapa, ao ler o título, a miña imaxinación xa se pon en acción. Ao mellor estades pensando "A min iso non me pasa" , pero as cousas hai que probalas varias veces para afeccionanrnos a elas.
Mirade este video e veredes que as razóns para ler son moitas mais das que pensades ...
Está moi contento de como funcionan os clubes de lectura e, aproveitando que estamos no mes dos libros, quere convidarvos a outra reunión para que lle contedes as vosa experiencia.
No video enterarédesvos de cando e onde é a reunión.
A poesía é un xénero literario que nos fai capaces de expresar sentimentos e emocións . Empregando recursos literarios, trasmite beleza e o pracer derivado desta.
Isto é o que nos din sobre a poesía dúas persoas que saben moi ben de que falan:
“Fuente de amor, fuente de conocimiento; fuente de descubrimiento; fuente de verdad, fuente de consuelo; fuente de esperanza, fuente de sed, fuente de vida. Si alguna vez la Poesía no es eso, no es nada”. Vicente Aleixandre, Premio Nobel 1977
“La poesía es un viaje: no un viaje fuera de la realidad, sino frecuentemente a lo más íntimo de las emociones, las reivindicaciones y las esperanzas de las personas. La poesía da forma a los sueños de los pueblos y a las expresiones más altas de su espiritualidad; la poesía da también valor para cambiar el mundo”. Irina Bokova, Directora Xeral da Unesco
Por iso tivemos un recital poético no patio das árbores. Rodeados de natureza e de todos e todas as compañeiras, cada un de nós recitou o poema que recibiu como agasallo. Descubrimos que todos son de poetas galegxs e teñen relación co mundo das emocións e os sentimentos.
Tamén pintamos un mural nunha das paredes do patio onde escribimos os poemas que recitamos:
Deixemos que a poesía esperte as nosas conciencias para construir un mundo libre, xusto e en paz, que boa falta fai!
Podería parecer que non conteñen nada, que están baleiras.
Pero non é así.
Conteñen un regalo moi especial.
Un regalo para compartir cos compañeiros e compañeiras.
Atopámolas enriba das nosas mesas e ao abrilas, que achamos dentro? Pois un poema, un fermoso agasallo para celebrar o Dia da Poesía dun xeito especial! Facer algo máis feliz a alguén custa moi pouco.
Agora so queda xuntarnos no patio das árbores e facer o noso recital poético.
Ao longo desta semana tivemos as primeiras reunións dos clubes de lectura. As reunións foron na biblio e a cada unha asistiu un dos clubes. Cada grupo díxonos o nome que elixiron para o clube, falou sobre o seu libro, falamos sobre o autor ou autora, comentaron se o tema era ou non do seu agrado ... e fixemos outras actividades máis lúdicas como resolver un crebacabezas para coñecer os nomes dos outros clubes .
Cadx alumnx recibiu un adhesivo de recordo.
Clube de 3º de EP : "O mellor clube"
Clube de 4º de EP: "Aventureirxs dos libros"
Clube de 5º de EP: "Expertxs en lectura"
Clube de 6º de EP : "Lectores sen rumbo"
Queredes practicar cos crebacabezas?
Agora podedes facelos on line. Probade embaixo e a ver quen os resolve mais rápido. Escribide nos comentarios o voso récord.
Baia Fernandez é unha muller polifacética: é poeta, escritora de teatro e de literatura infantil, terapeuta da risa, adestradora emocional, blogueira, publica videos en tik tok ... e ademais é unha muller fantástica que se prestou, sen dicir un pero, a compartir o seu tempo connosco, mellor dito, a regalarnos o seu tempo, e contarnos cousas sobre as emocións, sobre os seus traballos e as súas obras literarias.
Para preparar o encontro, a profe Maite presentounos na Hora de Ler o seu libro "Laia", un conto cunhas fermosas ilustracións de Leandro Lamas e que trata sobre a necesidade de coñecerse e valorarse a un mesmo sen importar o que os demais pensen, e mostrando ademais respecto pola natureza .
Tamén cantamos a canción que compuxo a Mestra Lidia baseándose no libro:
Para darlle unha sorpresa a Baia, estivo connosco a profe Rebeca, á que lle dedicou un poema no seu libro "Unha viaxe de ruminantes", poesía que nos recitou ao final do encontro.
O alumnado estivo moi atento durante toda a conversa e fíxolle numerosas preguntas para coñecela un pouco mellor. Esta especie de entrevista, as súas respostas e o recitado do poema poderedes escoitalos en breve a xeito de podcast na Radio Tarabela.
Non hai prato máis humilde nin mais pegado á nosa terra que o caldo. O "caldo de gloria" que cantou Rosalía de Castro no seu poema "Miña casiña, meu lar" do libro Follas Novas, foi a base alimentaria de Galicia durante moitos anos nos que a comida e os cartos eran escasos.
Uns grelos ou verzas, unhas fabas, unhas patacas e un trisco de unto son os principais ingredentes . E que ferva todo moi a modiño.
A nosa cociñeira todo o cociña "de gloria" , e o caldo non ía ser menos! Saiulle para chupar os dedos!
Un Caldo de Gloria para recordar a Rosalía no seu día, segundo a proposta da Fundación Rosalía de Castro, para poñer en valor tanto a gastronomía tradicional como a lingua galega a través dos manteis individuais que solicitou a encargada de comedor e nos que figura o poema e unha explicación sobre o caldo .
Para homenaxear a Rosalía de Castro no seu día, as rapazas e rapaces de 5 EP escribiron haikus, uns pequenos poemas de orixe xaponesa xeralmente formados por tres versos de 5, 7 e 5 sílabas respectivamente.
Aquí os tendes, recitados polas autoras e autores.
"Eu son libre. Nada pode conter a marcha dos meus pensamentos, e eles son a lei que rexe o meu destino. " Rosalía de Castro.
Durante toda a semana, coa colaboración do alumnado, fomos pintando o mural para conmemorar o Día de Rosalía. Nas aulas preparáronse as flores de pensamento para seren colocadas ao redor do retrato da autora, escribindo en cadanseu pétalo un verso ou unha palabra dalgún dos seus poemas. Para rematar, o día 23, cada aula foi colocando os seus pensamentos no mural.
Rosalía de Castro está de aniversario e por iso, coma todos os anos, queremos facerlle chegar os nosos parabéns a través dunha pequena homenaxe, pero primeiro imos aprender mais cousas sobre a súa vida e obra.
Os Bolechas fálannos de Rosalía de Castro
Fostes algunha vez a Padrón? Imos visitar a casa onde viviu Rosalía coa súa familia e onde ben seguro que tamén sementou pensamentos.
Se picades aqui poderedes ler o Manifesto da AELG para esta data escrito por
.jpg)
