Torneo de Hóckey pola Igualdade

 

NADAL

SEMANA DA CIENCIA

 

Abrimos o agasallo polo video da Igualdade

Fai uns días, compartimos para todos/as vós a recollida dun premio que lle deron ao alumnado de 5º e 6º por un video que fixeron sobre a igualdade de xénero. Non so participaron eses cursos. 

Tamén o alumnado de 4º se presentou ao concurso.

Aquí vos deixamos un video de Noa explicando en que consistiu o seu traballo.

E por fin abrimos o agasallo do 1º premio de 5º e 6º, que consistiu nun lote de libros para a Biblioteca do centro.

Noraboa a todos e todas !!!!

Conmemoración 25 N

Visita Bióloga Conchi Casas

CARREIRA DE MUÍÑOS

Entrega premio sobre vídeo de igualdade

 

O MAGOSTO

 

Día das Bibliotecas

Samaín/Halloween

Outros Vídeos

Ana recibe premio ATRÉVETE

 

A nosa alumna Ana, recibiu en Santiago un premio con motivo do programa ATRÉVETE, no cal o alumnado dos colexios de Galicia fan propostas creativas. 

Ana tiña que crear un aparello que mellorara a vida en calquera aspecto. Ela ideou unha zapatilla acumuladora, que según vaiamos andando acumula enerxía na suela, onde leva tamén uns conectores USB para enchufar os cargadores de móbiles, por exemplo...

O grupo de 6º non podía faltar ao acto en recoñecemento ao labor da súa compañeira. 

Noraboa, ANA !!!

Saída á base dos helicópteros

Videos sobre a igualdade

 

DÍA DAS ESCRITORAS

 

O 16 de outubro, celebramos no noso centro o Día das Escritoras, e como estamos moi orgullosos/as das nosas escritoras galegas, fixemos unha pequena exposición cos libros delas. Ademais, o alumnado de 4º de Ed. Primaria fixeron un recital de poemas de Yolanda Castaño, recente gañadora do Premio Nacional de Poesía coa súa obra 

" Materia ".

O alumnado de 5º e 6º de Primaria fixo un pequeno traballo de investigación, buscando información na Biblioteca do centro acerca de escritoras galegas, e reflexionamos sobre o feito de que se lle adicou so en 5 ocasións este día ás mulleres.

Como o tema escollido nesta edición do día das escritoras é " O pracer, a alegría e a risa das mulleres ", o alumnado fixo unha manualidade dunha boca que representa a ledicia que sentimos por desfrutar do traballo destas autoras.

 Ola familias do CEIP Saco e Arce.

Comezamos un novo curso, o correspondente á temporada 23-24.

Xa temos as pilas cargadas e desexamos aprender moitas cousas, desfrutar da nosa aprendizaxe cos compañeiros e compañeiras deste curso e afondar os nosos coñecementos sobre un montón de cousas novas que iremos vendo ao longo do curso.

De anticipo, déixovos o lema deste curso pertencente ao proxecto de centro que imos levar a cabo, este curso adicado á IGUALDADE DE XÉNERO.

Boas prácticas para fomentar a igualdade no entorno escolar

A base da educación en igualdade está n afirmación dunha actitude crítica desde a infancia. Non debemos infravalorar esta etapa, posto que desde o nacimento xa se constitúe a identidade de xénero da persoa e se establecen os pilares sobre os que se desenvolverá a personalidade do individuo e os seus valores.

A mellor forma de fomentar a igualdade é practicar co exemplo. De nada serve promover o rexeitamento á discriminación de xénero con actividades socioeducativas, se no día a día non nos esforzamos por transmitilo cos nosos valores, actitudes e formas de expresión.

Como en todos os ámbitos educativos, o reforzo positivo posúe moita máis forza e oferta mellores resultados. A atención e o afecto son o mellor estímulo para que o alumnado incorpore os valores de igualdade no deu desenvolvemento.

 

A realización de dinámicas coeducativas e de fomento da igualdade non deben ser una actividade puntual, se non formar parte da rutina diaria. Calquera actividade ou xogo pode ser o escenario perfecto para practicar a igualdade de oportunidades.

 

Lembrar así mesmo que a Igualdade de xénero é un dos obxectivos do desenvolvemento sostible  

              https://www.un.org/sustainabledevelopment/es/gender-equality/

O MOLDAVA

 Como fin de proxecto sobre a AUGA, realizouse unha análise da obra clásica O MOLDAVA de Bedrich Smetana na que colaboraron os alumnos e alumnas de varios cursos. O resultado plasmouse nunhas viñetas das partes que integran dita obra e que ahora vos mostramos.

FIN DE CURSO

EXCURSIÓN A CORUÑA

 

AGASALLOS COLABORADORES/AS BIBLIO

 

Para o bo funcionamento da Bilbioteca escolar contamos este curso coa axuda e a colaboración de moios alumnos e alumnas que fixeron un traballo estupendo durante todo o curso.

Moitas grazas, nenas e nenos, por coidar a nosa Biblio durante este curso.

Unha aperta moi grande !!!

CLUBE DE LECTURA

 

TITORIAL PARA CONSTRUIR UN FORNO SOLAR

 

LIBRO DE ANIMAIS MARIÑOS

O meu libro de animais mariños

Publish at Calameo

CADA PINGA CONTA

 

O meu libro de animais mariños

Publish at Calameo

ALIMÉNTATE BEN ( PARTE 7 )

 O alumnado de 6º déixavos uns consellos 

moi interesantes.

ALIMÉNTATE BEN ( INGLÉS )

 

MENSAXE DE EFRÉN

 

Querido alumnado do CEIP Saco e Arce. 

Estamos a piques de rematar o curso, e Efrén ten unha mensaxe para todos e todas.

Escoitade !!!

ALIMÉNTATE BEN ( PARTE 6 )

 

FAI CLIC AOTEU BOCATA

 

Colaboradoras/es BIBLIOTECA

Durante este curso 2022-2023, contamos coa magnífica colaboración das axudantes e dos axudantes da Biblioteca. Fixérono xenial, axudando e colaborando no bo funcionamento da Biblioteca do centro.

 

Apadriñamento Lector 2ª PARTE

Con motivo do Día do Libro, fixemos desde a Biblioteca un apadriñamento lector, semellante ao que fixemos no 1º Trimestre. Marabillosa experiencia para todos/as. 

ALIMÉNTATE BEN ( PARTE 5 )

No cole seguimos aprendendo e traballando para comer san, pois é tan importante como saber inglés ou matemáticas. Se queredes ver e aprender coma nós, ollade...

 

ENQUISAS 2023

Precisamos duns minutiños do voso tempo para que respondades  a enquisa que vos corresponde e nola enviedes.
Queremos saber a vosa opinión sobre as actividades da Biblio  e

tamén as vosas suxestións.

Enquisa para o alumnado 2022/23

Se estás en 3º/4º/5º ou 6º de EP cumprimenta esta enquisa picando na ligazón.

Enquisa para as familias 2022/23

Respondede ás preguntas picando na ligazón.

Enquisa para o profesorado 2022/23

Picade na ligazón e respondede as preguntas.

LETRAS GALEGAS 2023

 Como todos o anos celebramos a romería das Letras Galegas. Este ano adicadas a Francisco Fernández del Riego.

Grazas a todas as familias que viñestes ata o cole para ver de primeira man as actuacións dos pequenos e pequenas. Tanto os teatros, coma as cancións coma as coreografías quedaron xenial. Menudo traballiño levaron as semanas previas. O esforzo pagou a pena.

Tamén quixemos facerlle desde o cole a nosa pequena homenaxe á nosa cociñeira Sara. Recordarémoste sempre, querida compañeira. 💗💗💗

Clube de lectura

 

Neste curso os clubes de lectura xa fixeron algunhas aventuras, xuntanzas, lecturas, xogos e agasallos.

Ollade algunhas... !!

A NOSA HORTA

Un ano máis o noso cole participa no Plan Proxecta, "Aliméntate ben", apostando por unha educación en saúde, alimentación, sostenibilidade e respecto á contorna. Nós puxemos o noso gran de area plantando berzas, cebolas, tomates 🍅, pementos , fresas 🍓 ... coas nosas mans.

Agora temos que coidar a nosa horta con auga fresca, sol e moito agarimo.

Entrevista a Efrén

 Clara e Pablo fan unha entrevista á nosa mascota Efrén. Completan o equipo Xiana e Daniela ( mesa de son e ordenador ) 26/04/2023

LENDAS DA AUGA

 

As augas termais

As fontes do meu pobo

 

Os podcast de Efrén

  Este apartado do Bloguesquio está adicado a amosar os podcast que imos facendo na nosa Radio Tarabela. Non a incluín dentro da Radio Tarabela para ter unha accesibilidade máis directa.

Leva por título " A aventura de ler en Toén " e podemos atopar fragmentos de libros que lles gustaron aos alumnos e alumnas. Desfrutade dos podcast :

- Minerva : " Investigators. Agentes con muchos dientes "

- Breixo : " Rosa de lume "

- Nico : " A vaca que puxo un ovo "

- Leire : " Vacas na cidade ? "

- Mateo : " A cousa que máis doe do mundo "

- Alba : "La diversión de Martina. Fin de curso en el paraíso "

- Ana : " Mi nombre es Stilton, Gerónimo Stilton "

- Clara : " Isadora Moon va al colegio "

- Gabriel : " Cuentos con corazón y mucha naturaleza "

- Leo : " Puag... Que noxo "

- Sofía : Winnie the Pooh " Un tesoro dorado "

- Candela : Investigators " Hasta luego, cocodrilo "

- Noa : Gerónimo Stilton " El templo del rubí de fuego "

- Noemí : " Daniela pirata "

- Carlota : Futbolísimos " El misterio de los árbitros dormidos "

- Gael Regueiro : Los Pitufos " El espejo mágico de Gargamel "

- Toni : " Guía visual del mundo Pokemon"

- Alma : " Isadora Moon y el hada de los dientes "

- Aarón : Policán 10 " Madres borrascosas "

- Álvaro : " Un delegado increíble "

- Ero : " Súper Chistes "

- Manuela : " Misterios a domicilio "

- Anxo : Investigators " Hasta luego, cocodrilo "

- Lucas : " O oso e o piano "

- Mateo : Minecraft " Manual de combate "

- Noa : " Las brujas "

- Teo : " El porqué de los animales "

- Antón : Polican 4 " Polican e chiquigato "

- Anxela : Princesas dragón " El secreto del sapo negro "

- Marc : " Los compas y el diamantito legendario "

- Oriol : " El niño, el topo, el zorro y el caballo "

- Xiana e Daniela : " Unha confesión difícil "

- Clara : " Maya Erikson y el código de la pirámide "

TRABALLOS DE 5º SOBRE O RÍO MIÑO

 

Aliméntate ben ( Parte 4 )

 

Ti si que es un bo peixe

COMENDO CORES

Día da POESÍA e da AUGA

Ola a todos e a todas !!

Desta vez estivemos de doble conmemoración. O día da poesía e o día da auga.

Como a ocasión o merecía, fixemos estas actividades na parte verde do noso cole, aínda que corría un chisquiño de aire, mais saíu todo xenial !!

Os encargados e encargadas da Biblio, foron os que leron os poemas, que como non, estaban relacionados coa auga. O fixeron marabillosamente ben !

Durante toda a semana, o alumnado preparou un debuxo para facer unha chapa e este día entregáronse todas e as luciron con moito orguio.

Para rematar, cantamos a canción " A auga é máxica ", preparada con moito agarimo pola mestra Begoña e o mestre Arturo. A mestre Iria preparou durante os ensaios a letra con linguaxe de signos.

Un fermoso día no que a poesía, a música e a creatividade artística se mesturaron e lle deron forma e outro día no colexio Saco e Arce.

8 de MARZO

Aliméntate ben ( 3ª Parte )

Saída 3º e 4º á Biblioteca e ao Auditorio

Neste día, o alumnado de 3º e 41 de Primaria fixo unha visita á Biblioteca pública de Ourense e asistiron ao Auditorio a unha obra chamada " NAUTILUS, 20.000 LEGUAS DE VIAJE SUBMARINO " escenificada pola Compañía La Negra.

Gañadora do premio FETEN 2020 á Mellor proposta orixinal pola súa sensibilización medioambiental. Nautilus é unha versión da clásica novela de aventuras 20.000 leguas de viaje submarino cunha lectura actual, comprometida e preocupada pola conservación dos océanos e do noso planeta.

Día de Rosalía

Conmemorando o día de Rosalía e tendo sempre presente o noso proxecto anual sobre a AUGA, fixemos unha actividade moi chula decorando paraugas con temas relacionados con Rosalía.

Participou todo o cole para as decoracións e logo colgamos os paraugas na entrada do cole.

Quedounos super bonito !!!

ALIMÉNTATE BEN ( 2ª PARTE )

 

ALIMÉNTATE BEN ( 1ª PARTE )

 

DÍA DAS MULLERES CIENTÍFICAS - Veterinaria de Moreiras

 

Hoxe, 11 de febreiro conmemoramos o día das mulleres e nenas científicas.

E para tal ocasión, a AFA contactou con Conchi, veterinaria de Moreiras. 

Contounos cosas moi interesantes sobre como chegou a ser veterinaria. 

Sabedes que todo xurdiu a partires da súa avoa Domicila ?? Daquela, as mascotas eran aqueles animais que proporcionaban para comer. Os cans e os gatos non eran considerados mascotas.

Contounos moitas anécdotas sobre o seu traballo. Sabíades que na súa profesión tamén se fan inspeccións a metadeiros, supermercados, etc... para comprobar que se cumpren as normas de hixiene e que a comida esté en bo estado ?

Tamén nos enteramos que existen veterinarias no exército e en laboratorios...

Unha xornada moi instructiva e educativa. Aprendimos moitas cousas e nos animou a perseguir os nosos soños.

Moitas grazas, Conchi !!!!!

PUPAS, SUSTOS E OUTROS DESGUSTOS

Que facer se temos unha ferida ??

Como actuar ante unha queimadura ?

Viñeron a darnos unha charla sobre estas cuestións relacionadas coa saúde e como actuar ente moitos supostos que se poden dar a diario. Torceduras, moratóns, atragantamentos....  

Ademáis fixemos unha sesión práctica dunha RCP ( reanimación cardiopulmonar ) cos nosos peluches.

Foi unha sesión moi divertida á vez que moi importante
para todos !! Pasámolo xenial !!!

E salvamos a todos os peluches !!!!!

 

ENTROIDO 2023

 E chegou o ENTROIDO !!!

Non faltou ningún ingrediente nesta festa que celebramos no colexio.

Xoves de compadres e comadres, fareleiro, desfile, festival e algunha sorpresiña que foi xurdindo polo camiño...

O Proxecto deste curso, como ben sabedes, é a AUGA. Apareceron motivos relacionados co proxecto por todos lados, excepto no ceo. Tivemos uns días espectaculares para poder celebrar esta festa.

Grazas a todo o profesorado e aos nenos e nenas do cole polo tempo dedicado a ensaios, traxes...

Grazas tamén a todas as familias que vos achegastes ao colexio para ver o espectáculo.

Como non, ás famlias de 6º de primaria que argallaron o " Recuncho culinario " co fin de recaudar diñeiro para a excursión de 6º. 

Todo saíu xenial. Apertiñas a todos e todas e a desfrutar do entroido !!!!

Carreira de Muíños

 

A actividade física tamén está presente no noso cole. Tan saudable para o corpo no seu aspecto físico como na súa parte emocional. Retomamos, por medio de Xogade, o Campo a través de Muíños. 

Tivamos que esperar moito tempo para ir pois se foi aplazando desde o mes de Novembro e por fin tivemos a saída tan esperada por todos. 

Un marabilloso día, nun entorno privilexiado e compartindo experiencias. Todo foi sobre rodas... e sobre pernas !!

Día da Paz

 Como cada ano, o 30 de xaneiro conmemoramos o día mundial da Paz.

Este curso, ten unha relevancia especial. Cando xa pensabamos que as guerras eran cousa do pasado, alá polo Século XX, aparece nos nosos días unha guerra tan absurda e innecesaria que berremos ben alto que 

NON QUEREMOS METRALLETAS !!

QUEREMOS PANDEIRETAS !!

Plantemos en Toén cada un de nós unha árbore pola PAZ. 

Regala e coidala é tarefa de todos e cada un de nós.

Para esa aventura, acompañounos hoxe Anxo Moure, escritor, contacontos, ecopacifista e amigo do noso colexio desde fai moitos anos. A última vez fumos invitados á súa casa de Mariz ( Chantada ), na aldea de Garabelos. Agora visitou o noso cole acompañado do seu patinete.

Pola mañá, todo o cole foi colocando un barquiño de papel cunha mensaxe de Paz ao longo do enreixado do colexio. Contra vento e marea, eses barquiños deben navegar polas ondas para chegar ao seu destino.

Mensaxe de Efrén para o Clube de Lectura

Parece que o noso Efrén deixou onte unha mensaxe para @s compoñentes do clube de lectura !!!

Picade no botón verde da mensaxe para escoitar o que nos quere contar Efrén !!

Coreografía de BLACKPINK

 Érase un grupo de nenas do cole ás que lle gustaba un grupo de música coreano chamado Blackpink. Como eran 4, cada unha delas foi unha integrante do grupo... e comezaron a ensaiar as súas coreografías.

A súa dedicación a ensaiar os bailes durante o tempo do recreo, foi captando a atención de compañeiros e compañeiras do cole que querían velas. E comezaron a imitalas facendo os mesmos movementos.

Como mestre de música, non deixei escapar a ocasión de facer algo conxunto entre todos/as e comezamos a ensair unha das cancións de Blackpink no mes de outubro. Antes das vacacións de Nadal, fixemos a coreografía no ximnasio e non teño máis que palabras de eloxio para todo o alumnado pola dedicación, esforzo e compañeirismo que demostraron. 

Lisa, Jisoo, Jennie e Rosé estarían moi orguiosas de vós. Gracias a todos/as e en especial a Leire, Antía, Uxía e Raquel por mostrar o camiño.