Arríscate ... colle un libro!!

Dende o blog  Trafegando Ronseis  da biblioteca do IES Chano Piñeiro chegou este video cunha fermosa mensaxe:

No verán, ler e xogar

Aqui tendes o Mural dixital que preparei con actividades, xogos e lecturas para o verán.
Pasade o rato por riba e elixide o que queirades.
Espero que o disfrutedes!

Lecturas frescas...

Remata o curso pero non remata o gusto pola lectura.
Verán, vacacións, tempo libre .... mmm! ... que pracer!
Collemos a maleta e enchémola con todo o que precisamos: bañador, crema solar, gorro ... e un bo montón de libros...
Sabedes que podedes achegarvos a Biblio e reservar os libros que vos apeteza levar para pasar un verán ... fresquiño... lendo.
Cando? Onde? :
Na praia á hora de merendar,
durante a hora da sesta, cando a casa está en silencio e non sabes que facer,

debaixo da sombrilla,   

á beira dun regato,

 nun banco comendo un  xeado,

no coche mentras vas de viaxe,       

antes de durmir… 

Onde queiras... LE

Aquí vos deixo unha selección de libros, para que escollades ... 
A ver si conseguides convertirvos en Super-Le-ons  tamén no verán !

Open publication - Free publishing - More guia

Contaxia

Esta tarde,tivemos un espectáculo de maxia, música e contos "CONTAXIA".
Está incluído  dentro do programa XOGAR EN GALEGO É DIVERTIDO, no que colabora o Concello de Toén e a Secretaría Xeral de Política Lingüística.
E a verdade é que o bardo Abelardo, Fátima Fernández e o mago Toño  contaxiáronnos  a alegría.
A maxia das palabras dos contos mesturouse coas palabras máxicas do mago e o espectáculo "enfeitizou" aos  pequenos e aos non tan pequenos; a tod@s os que aínda cremos na maxia.

E, aínda por riba, agasalláronnos cun libro da Ed. Galaxia. E tamén deixaron uns cantos para a biblio.

Parabéns, Enhorabuena, Congrats!

Si,en todas as linguas que manexamos, quero dar a noraboa 
ás nenas e nenos do 3º Ciclo que co seu blog acaban de gañar o primeiro premio de blogs do Programa Prensa Escuela de La Voz de Galicia.

Chámase "O Souto dos Laretas" . É o blog da área  de Cidadanía e nel  @s alumn@s  investigan e escriben sobre temas de actualidade que a profesora lles propón.
 É unha maneira moi eficaz de mellorar as competencias básicas... TODAS.
Neste momento, no centro están funcionando 4 blogs e estamos moi motivados para seguir traballando como ata agora.

Aquí vos deixo a noticia que apareceu no xornal:

E estes son @s protagonistas:

Aquí podedes ler as impresións do xurado que outorgou os premios:

"... el informe del jurado indica que el primer clasificado, O Souto dos Laretas, ha realizado “desde el mes de noviembre 93 entradas muy trabajadas y de gran calidad, que muestran una variedad de fuentes y de temáticas de las noticias analizadas”. Constatan también “un excelente criterio a la hora de utilizar las imágenes y otros elementos gráficos” y enfatizan “la buena factura de su maquetación”.

Festival das Nosas Letras

Coma todos os anos, @s alumn@s e profesor@s estivemos moi atarefados preparando a Festa das Letras.
Cada grupo preparou unha (ou varias) aportacións: obras de teatro, cancións, bailes, música...
Tivemos de todo un pouco.
Noraboa a tod@s polo traballo ben feito!
Aquí vos deixo unha pequena mostra das actuacións d@s nos@s artistas:


Grazas a Julia do CEIP Mestres Goldar por compartir a obra "Coida a túa lingua".
Pareceunos moi axeitada para estas datas.

Clube de Super-LE-ons

Os Super-LE-ons do mes de abril

Create a presentación

Clube de Super-LEO-ns

This presentación customized with Smilebox

Orgullosos da nosa lingua

Letras Galegas todo ano.
 Tratemos de defender o noso idioma 
Tratemos de manter viva a nosa lingua
 É algo fermoso, algo que nos distingue, 

Un día para todo o ano

Día do Pai, Día da Nai, Día do Neno, Día dos Maiores... e así ata chegar ao 17 de maio, o DÍA DAS LETRAS GALEGAS, o día da nosa lingua.

Letras Galegas 2012

Aquí vos deixo o CARTAZ DIXITAL  que preparei sobre Valentín Paz Andrade.

Botádelle unha ollada e atoparedes enlaces a páxinas con xogos, datos, videos e outros materiais sobre este insigne galego:

Os Maios no cole

Todos os anos, no cole celebramos o Día dos Maios, unha das  festas de maior  tradición en toda a nosa provincia.
Esta festa anuncia, ou mais ben reclama, a chegada da primavera.
Nas aulas creamos coplas nas que comentamos cousas que pasaron no cole ou nos nosos pobos. Outras refírense aos profes ou aos compañeiros e compañeiras.
Fixemos un maio enxebre, de forma piramidal. O armazón fixémolo con listóns de madeira. Recubrímolo con musgo, xestas, fiúncho, uces e carqueixas.
Adornámolo con flores, cascas de ovo, carrabouxos...Este ano, como choveu tanto, case que non poidemos atopar flores... pero a ilusión que puxemos ao adornalo foi a mesma que calquera outro ano...
Aqui podedes vernos cantando as coplas:

Photo slideshow made with Smilebox

E estas son as coplas que escribiron as nenas e nenos de 5º e 6º de EP

Open publication - Free publishing - More cantigas

Ánxeles Ferrer visita a nosa Biblio

Seguimos navegando polo mar dos libros. Esta vez na compaña dunha ilustradora : Ánxeles Ferrer.
Os libros que máis nos gustan son aqueles nos que as ilustracións teñen un lugar primordial.
Ánxeles ten ilustrado moitos libros que temos lido: "O quirico Lambón", "O grilo Gastón" " Farrapos de Nube".
Ánxeles, non esqueceremos o teu paso polo colexio!