BLOGUESQUÍO: abril 2016

mércores, 27 de abril de 2016

As familias contan: A mamá de Artai

26 de abril: Con Antía e o conto "Rosa Caramelo" aprendemos que non se poden facer diferenzas entre as persoas en función do seu xénero : as nenas e os nenos somos iguais e podemos facer as mesmas cousas.

Grazas!

domingo, 24 de abril de 2016

A Banda Deseñada arredor do mundo

Seguindo co proxecto no que estamos traballando, decidimos investigar sobre a banda deseñada nos diferentes paises do mundo. E fixémolo a través dun xogo:
Entregamos aos nenos/as uns sobres coas portadas de diferentes cómics . En equipos, tiveron que adiviñar en que paises se editan.
Una vez feito isto, tiveron que colocalas nun mapamundi.

Para poder ver on line os cómics que empregamos, e ademais colocados xa nos seus respectivos países, preparamos este mapa interactivo.

sábado, 23 de abril de 2016

Sábado de Libro

Os libros cultivan a nosa imaxinación e alimentan as nosa fantasía.
Son os nosos mestres e os nosos compañeiros de aventuras. Axudan a ampliar o noso vocabulario, permiten que nos acheguemos a outras culturas, que nos identifiquemos con outras persoas e que aprendamos mais sobre a nosa historia...

Hoxe, DÍA DO LIBRO, é un bo día para visitar unha libraría e elixir un libro, ou deixar que un libro nos elixa a nós ...
Porque, como dí Pedro Feijoo, "para cada un de nós hai un libro, ou dez, ou cen... Outra cousa é que esteamos dispostos a abrilos..."

Para ler, todos os día son bos.

Que me dicides valentes, atrevédesvos a entrar no mundo dos libros?

As nenas e os nenos da EEI Barrionovo de Arteixo amósannos o valentes que son:

E en guiainfantil.com tamén nos animan a dar unhas cantas voltas ao mundo entre as páxinas dun libro:

venres, 22 de abril de 2016

As familias contan: A Mamá de Theo

Mila leunos o conto "Pilú, Pilú" onde un pequeno e indefenso paxaro é o que resolve o problema dun enorme e temible crocodilo.
Con este conto aprendemos que non hai que subestimar aos demáis, por pouca cousa que parezan.

Grazas pola vosa colaboración!

As familias contan: a irmá de Candela

María ten 14 anos e estudou no noso cole. Achegouse a facer unha visita e aproveitou para contarnos o conto "A princesa Sabela". Con ela descubrimos que levar coroa, usar roupa de princesa e sorrir todo o día non é divertido.

Grazas por acompañarnos!

As familias contan: Mamá de Uxía

21 de Abril: Lucía contounos un conto sobre os medos e como aprender a vencelos.

Algún de vós ten un pixama máxico?

Non?

Pois... a que esperades para pedírllo a papá ou a mamá?

As familias contan: Mamá de Aroa

Pili, a mamá de Aroa achegounos o conto "Xiana, a nena pirata". Con ela zarpamos no Vagalume, o barco pirata e a súa tripulación en busca de aventuras...