SAMAÍN

 Samaín con contos na nosa Biblio !!!

COLABORADORAS/ES DA BIBLIO

 Xa temos o noso equipo de colaboradores/as deste curso : 

Xiana, Martina, Gael, Roi, Anxo, Noa S., Noa B, Candela, Clara, Iker, Sofía, Uxía e Noelia.

Moitas grazas pola vosa axuda !!!

PROXECTO ANUAL

 O noso Proxecto Anual do Centro para o curso 25- 26 xa está aquí!

Estamos moi contentos/as de anunciar o noso proxecto para este ano: "A vestimenta, máis que moda". 

Este curso o noso colexio dedicará os seus esforzos a explorar o significado, a historia e o impacto social e ambiental da roupa que vestimos e para iso alumnado e profesorado investigaremos e faremos actividades  relacionadas con este tema durante o curso.

Entrega premios " ATRÉVETE "

Un curso máis as alumnas do noso centro fanse cos premios " Atrévete a ter unha idea " !!!

Clara e Noa foron agasalladas con sendos Ipads que seguro van ser capaces de sacarlles o máximo proveito. 

Toda a clase estivo no acto con elas, arroupándoas e felicitándoas.

Os nosos parabéns !!

" Abellas, gardiáns do planeta "

 O martes 23 de setembro tivemos unha charla organizada pola Asociación do Desenvolvemento Rural ADERCOU co título " Abellas, gardiáns do planeta ".

Aprendemos moito sobre as abellas, fixemos velas e mesmo probamos o mel.

Vede momentos da actividade na nosa conta de Instagram :  🔍

Benvidos ao novo curso

 Benvidas/os ao novo curso !!

Empeza un novo ano cheo de novas experiencias e aprendizaxes.

Queremos darvos a benvida á nosa biblio. A nosa mascota Efrén regresou con moita ilusión
e traendo un agasallo para todas/os : un marcapáxinas para que se queredes vos acompañe nas vosas lecturas.

Agardamos que desfrutedes e que este ano esté cheo de novas lecturas e descubrimentos.

Coreografías 24-25

 Dúas coreografías que fixemos durante o curso 24-25.

A primeira, Henna Henna, canción tunecina de Cheb Khaled e Cameron Cartio.

A segunda, a coñecida APT, de Rosé e Bruno Mars. Nesta coreografía acompañounos Liah.

HENNA HENNA

APT

LETRAS GALEGAS 2025

Charlas e Obradoiros

 

DEPENDE DOS 2

 

A principio de curso, atopei unha canción moi bonita feita por un grupo de mestres/as e alumnado de los centros CRA Alto Gállego y CEIP Puente Sardas e que actualmente está coordinado desde a Asociación Proyectos Artísticos del Pirineo (PRAPI).

Púxenme en contacto con eles para facer un video no noso cole sobre o tema da igualdade, tema que levamos traballando no cole como Proxecto de Centro deste curso 23-24.

Como a igualdade é cousa te toda a sociedade, falei coa Asociación de Familias do colexio para que puideramos incluír a xente da contorna de Toén. O resultado foi maravilloso. Unha gran experiencia para o alumnado, pois eles mesmos gravaron a canción en galego, e fixemos os videos para que ahora vexades o resultado de como quedou todo.

Déixovos o enlace á páxina de " Depende dos 2 " para que vexades os inicios e o fermoso percorrido do proxecto que levan a cabo. 

https://www.dependedelos2.com/

Grazas a todos/as pola vosa participación, sensibilidade e compromiso co tema da igualdade.

LETRAS GALEGAS 2024

 

DÍA DO LIBRO

 

Nesta ocasión, veu á nosa biblioteca, para festexar o día do libro un gran amigo e compañeiro de moitas andanzas do pasado, tanto na Banda de Barbadás, como na Charanga " Os Escachapeitos " e como non na Banda de Gaitas " Frouma " de Piñor. Estou a falar de Justo Calviño Cruz.

Aterrizou no cole Saco e Arce para falar do seu libro " Os contos do avó " e veu acompañado pola súa filla Iria, o seu neto Izan e por José Manuel Dopazo.

Foi un placer volver a veros e unha ledicia escoitar tantas historias que moi ben veñen reflexadas no libro. Noraboa, familia, por manter estas tradicións tan preto da xente, tanto na literatura como na música. Por certo... Izan é espectacular !!!

Apertas en nome de todo o colectivo que forma o CEIP Saco e Arce

Obradoiro de instrumentos de vento

A medida que se traballaban os instrumentos e a súa clasificación, pareceume moi interesante e oportuno acercar dunha forma máis práctica e lúdica algúns dos instrumentos de vento madeira ao alumnado.

Podían exploralos, velos, tocalos, escoitalos, observar as súas diferencias, o seu mecanismo...

E pensei en Nacho.

Nacho Casas e máis eu comezamos de pequechiños a tocar o saxofón no conservatorio da man do meu avó, que era o mestre de todos os instrumentos de vento ( madeira e metal ). Chegado o momen
to, eu deixei o saxo no conservatorio, e Nacho seguiu adiante e rematou a carreira de saxofón. Ahora é mestre deste instrumento no conservatorio. 

Non podía ser doutra forma, e sen pensalo dúas veces, preparamos un pequeno obradoiro sobre os instrumentos de vento, en concreto sobre os de madeira, e máis en concreto, sobre o saxofón.

Tamén se animaron a participar varios nenos e nenas do cole que tocan instrumentos de vento. Pasamos unha velada estupenda.

Moitas grazas, Nacho !!