Ilusións ópticas

Durante anos, moitos expertos nas teorías visuais intentaron demostrar que  se pode enganar ao noso cerebro  aproveitando os seus pequenos erros de percepción.

Se o vestido azul/negro ou branco/dourado tan comentado estes días te fixo pensar e, ao final, resultou ser unha ilusión óptica...  atréveste  con estas outras?
 Que vedes aqui? Un xarrón ou  dúas persoas de perfil ?

•  Vella ou nova? hai persoas que ven unha anciá con abrigo de pel, pero se te fixas ben, decataraste  de que  no é tal senón unha rapaza nova.

• Mirar unha imaxe de forma prolongada,  pode provocar  cambios de cor :  Mira fixamente a cruz do centro e verás como aparece un círculo verde por riba dos outros.

• Mira os cadrados A e B. Cal é mais escuro?  En realidade é o mesmo tono de gris 

• E, nesta imaxe en movemento , cara onde vai o tren? Está entrando ou saíndo do túnel? Depende ...

A que ao mirar os rectángulos de cor vedes que un se move máis rápido que o outro? Esperade a retirar as liñas brancas e negras ... 

• 
  

Cal das dúas liñas amarelas é máis grande?

Hai tamén ilusións baseadas na xeometría 

Cal das dúas figuras é mais grande? 

A que che parece que as liñas horizontais están curvadas?
Pois non,  son paralelas...

• 
  

  

  Cal dos círculos amarelos é mais grande?

Fixádevos por último neste cadro. É unha parella de esquíos nunha árbore, ou é algo máis?

E se queredes seguir divertíndovos coas ilusións ópticas, podedesvisitar outras páxinas picando nas imaxes :

Rosalía no noso cole

Moitas foron as actividades que realizamos nas distintas aulas do cole para celebrar o DÍA DE ROSALÍA deste ano.

Comezaron os maiores regalando poemas a tod@s @s compañeir@s. 

Cada un deles elixiu unha poesía de Rosalía e recitouna diante das compañeiras e compañeiros doutros cursos. Comentaron con eles a temática do poema e despois invitáronos a facer un debuxo que o ilustrase. 

RegalamosPoemas

Leer más publicaciones en Calaméo

Tamén escribiron unha carta dirixida ao Sr Alcalde, solicitando que o Día 24 de febreiro sexa incluído na programación de actividades culturais do Concello

Ademáis, en cada clase, cada titora ou titor encargouse de realizar diferentes actividades e elaborar recordos conmemorativos : marcapáxinas,   rosas de papel,...

DiaRosalia2015 by Slidely Photo Gallery

DiaRosalia2015 by Slidely Photo Gallery

Somos Rosalía ...

O vindeiro martes 24  Rosalía de Castro estaría de  aniversario: celebraremos os 178 anos do seu nacemento . 

Moitos persoeiros galegos e de fóra de Galicia queren homenaxeala  achegándose a súa obra e a súa figura, destacando a importancia que tivo para enfrontarse as circunstancias da época na que viviu, na que as mulleres non podían participar da vida pública e o pobo non podía escribir na súa propia lingua.

Eles son Rosalía cando se inspiran nela, cando a cantan, cando seguen as súas pegadas.

Nós tamén somos Rosalía cando a festexamos, cando a lemos, cando nos comprometemos coa terra e como lingua coma ela. 

Por iso gravamos este video e temos programadas outras actividades que iremos publicando no Bloguesquio ao longo da semana

Estade atent@s!

                         

Día de Rosalía

Desde o ano 2010, a Asociación de Escritoras e Escritores en Lingua Galega (AELG) promove a conmemoración do aniversario do nacemento de Rosalía de Castro o día 24 de febreiro.

Nos últimos anos foron varias as accións promovidas desde a AELG que contaron cunha grande aceptación por parte da sociedade, persoeiros da cultura galega  e, moi especialmente, por parte das escolas de moitos recunchos de Galicia. 
Podedes comprobalo no arquivo audiovisual e de imaxes da web da AELG. 

Un ano máis, no cole queremos sumarnos aos actos de celebración  do Día de Rosalía

realizando diversas actividades ao redor da figura da nosa escritora e da súa obra.

Festa de Entroido

Como todos os anos, celebramos os Xoves de Compadres e Comadres 

Despois de moito taballo preparando os disfraces e dunha semana de actividades, chegou o día grande do Entroido.

Comezamos co desfile, cantando a canción que creamos con Sali para a ocasión, e mostrando os nosos disfraces a todas as familias que viñeron a vernos:



Despois, cada comparsa representou o número musical que tiña  preparado:

• E. Infantil : Unha  Escola de Pintores

• Primeiro de EP : Así pinta Miró

• 2º de EP : Velázquez pinta "As Meninas"

• 3º de EP: Kandinsky 

• 4º EP : Aula Pop-Art

• 5º e 6º EP - Os cadros do Greco son unha  BOMBA

Os "mandadiños" de Efrén

Cada día da semana, Efrén mándanos vir disfrazados dalgunha maneira especial.
Estes son os "mandadiños" para toda a semana de Entroido:

O Entroido : Unidade Didáctica

Por se non vos gustan Os Bolechas, atopei esta UD do Ceip Galán Oseiro de Arteixo con información, actividades, xogos, carautas...




E tamén este poema de Neira Vilas musicado pola BE Salgado Torres. (Picade na imaxe para escoitalo)

O Entroido dos Bolechas

Na Web da familia Bolechas atopamos a seguinte entrada:

"O entroido é unha das festas máis tradicionais da nosa comunidade, con múltiples variantes segundo o lugar. E é tamén unha das preferidas polos máis novos, de aí que sexa unha boa oportunidade para traballar múltiples contidos a partir desta temática.

Para  explicar as orixes, costumes e tradicións do carnaval galego, Os Bolechas elaboraron unha sinxela unidade didáctica destinada  ao alumnado de infantil e primaria, que lles permitirá traballar na clase a temática do entroido tanto desde o punto de vista teórico como a través de exercicios e xogos que teñen como referentes a uns personaxes ben coñecidos e queridos polos cativos: Os Bolechas.

Trátase de que os máis pequenos coñezan e participen desta festa dunha forma activa e alegre, ao tempo que se fai un primeiro achegamento a conceptos como a tolerancia, a igualdade de sexos etc. A realización dos exercicios potenciará o traballo grafomotriz, a expresión plástica e outras capacidades das nenas e nenos."

Aquí vola deixo por se queredes empregala:

Entroido

Leer más publicaciones en Calaméo

Traballamos no día da PAZ

         Esta é mensaxe básica que queremos transmitir @s alumn@s ao longo de todo o ano:

  E este é un resumo das actividades que levamos a cabo cos nenos e nenas o día 30 de Xaneiro

• Regáloche un conto

As rapazas e rapaces de 5º e 6º seleccionaron  varios contos na biblio e achegáronse as diferentes aulas para lérllelos @s compañeir@s.
Estes  foron algúns dos elixidos:
+ "Pequeno azul e pequeno amarelo" de Leo Lionni
+ "Un monstruo muy especial" de Angela McAllister
+ "Nadarín" de Leo Lionni
+ "A guerra dos números" de Juan Darién
+ "A bruxa enrabechada" de Joles Sennell
+ "El cazo de Lorenzo" de Isabelle Carrier
+ "O país dos mandóns" de Paloma Rguez/ Cristina Justo

Eles recibiron 2 "conto-agasallos":
<  " Timoteo e Pedro Non-disparo" de Maite Carranza ,  trala lectura do cal, tivemos un tempo de reflexión  e debate sobre os motivos e o sentido das guerras.
< "Noite de reis" de Joan de Deu Prats, que despois reescribiron  en galego e ilustraron.

• Reporteiros Pola PAZ

En parellas, grupos ou de maneira individual, as alumnas e alumnos de todos os niveis escribiron noticias que merecerían ser publicadas no xornal, pero que, por desgraza, poucas veces poden ser lidas,  
Son noticias,  inventadas unhas e reescritas outras, que falan de amizade, solidariedade, tolerancia, respecto... 
Queren ser a representación gráfica de todas esas  (como din @s nen@s de EI) "palabras bonitas"que tratamos de inculcarlle dende pequenos. 

• O muro da PAZ

Cada nen@ escribiu nun anaco de cartolina en forma de ladrillo a sua mensaxe ou o seu manifesto de PAZ. 
Con todos eles formamos un muro cun burato que representa o noso desexo de que desaparezan todas as barreiras físicas, raciais, relixiosas, económicas ... que enchen o mundo.

muro1 - Kizoa Movie Maker

• Cancións de PAZ

Wind of Change - Scorpions

Encantounos aprender e cantar en inglés esta canción do grupo alemán Scorpions.

 Foi composta por Klaus Meine en 1990 e converteuse nun himno mundial pola súa letra sobre a PAZ e a reunificación do mundo co final da Guerra Fría. 

Cantamos unha das estrofas en castelán e inventamos unha letra en galego para a última estrofa.

A verdade é que nos quedou bastante ben ...

Pintando sorrisos

Empregando como base musical a canción "Oh when the saints go marching in", un góspel estadounidense que fixo popular Louis Armstrong, na clase de música creamos unha nova letra relacionada coa data que estamos a conmemorar:

Paz Cancion Pintores

Leer más publicaciones en Calaméo

• Murais 

Cada clase  empregou unha cartolina para facer o deseño do cartel que logo trasladaremos a unha parede do patio.

Murais dia da Paz - Kizoa Movie Maker

+ Paz

Na escola educamos para a vida e buscamos desenvolver n@s alumn@s as capacidades e competencias necesarias para unha participación social activa.
 A través da educación, debemos contribuír a concienciación de tod@s na construción dun mundo mellor, dun mundo máis xusto e máis humano que permita que todas as persoas teñan as mesmas oportunidades para desenvolver plenamente as súas facultades no seo dunha sociedade democrática, libre, xusta, responsable e en paz.

Estas son as actividades que poñeremos en marcha este ano para conmemorar o día 31 de xaneiro e que,  como vedes, teñen moito que ver co tema da Webquest "Abaixo cos muros":

Abaixo cos muros!!

Comezamos a conmemorar a PAZ en novembro, recordando que se cumprían 25 anos da caída do muro de Berlín.
A profe Sali elaborou a webquest que podedes ver embaixo:

Para ver a webquest, pica na imaxe

No blogue "O souto dos Laretas" están recollidos todos os traballos realizados pol@s alumn@s de 5º e 6º polo de agora:

•  A historia do muro de Berlín : Presentacións ppt 
• Liñas do tempo: empregando Dipity
• Lonxitude dos muros que quedan en pé: representación en diferentes tipos de gráficas
• Mapa interactivo dos muros que quedan en pé : empregando Tripline
• A noticia nun tuit :  Achegamento entre EEUU e Cuba 

Platero cumpre 100 anos

¿Sabedes que é un poeta?

 Un poeta é alguén que busca as palabras máis fermosas para contar o que ve, o que pensa e o que sente. 

Hai moitos anos naceu en Moguer, un pobo de Huelva, un neno que amaba a natureza, os animais e que disfrutaba das pequenas cousas, as que pasan desapercibidas para a maioría das persoas. O seu amigo inseparable era un burriño de pelo gris que tiña por nome Platero. Tanto quería ao seu amigo e tan bos recordos gardou del, que anos despois escribiu un libro "Platero e mais eu" no que narraba momentos da súa vida xunto ao seu fiel amigo.

Isto aconteceu hai xa 100 anos, pois o libro publicouse no 1914.
Juan Ramón Jiménez, un dos mellores poetas españois de todos os tempos,  escribiu esta novela que é unha ds mais importantes da literatura castelá e que foi traducia a case 50 idiomas, ademais de ao sistema  braille.

Picade na imaxe

E, se queredes ler o libro, podedes  picar  na imaxe da esquerda e descargalo en pdf.  Ou podedes picar na imaxe da dereita e comezar a coñecer ao autor e ao seu inseparable amigo.

Outros enlaces de interese:

Platero cumple 100 años : Junta de Andalucía

Platero y yo en la era digital. : Proxecto colaborativo

Actividades Lectura : Anaya

Concurso do Día da Constitución

Hoxe celébramos o 36 aniversario da Constitución Española, e neste día sinalado tamén se entregaron os premios do concurso da Constitución organizado pola Subdelegación de Goberno de Ourense

Este cómic debuxado por Brais Pazos Pereira foi un dos traballos premiados.

 O tema deste ano era o título II da Carta Magna, dedicado Á Coroa