Boas novas

Despois destes días de "descanso" é agradable comezar a mañá cunha noticia como a seguinte:

Desde el Centro Virtual Leer.es, del Ministerio de Educación, Cultura y Deporte de España, ¡enhorabuena! Vuestro proyecto “Bloguesquío” ha sido distinguido con el Sello “Buena Práctica Iberoamericana Leer.es”.

Hemos dado la noticia en nuestro portal y en el apartado “Buenas prácticas” de leer.es.

Os enviamos el Sello con el enlace a Buenas Prácticas de leer.es para que podáis incluirlo en vuestro blog. 

Queremos felicitaros por vuestro trabajo. Entre todos estamos construyendo una enorme red de buenas prácticas de lectura.

Un saludo muy cordial  

E así o fixemos...
Queda incluído no noso blogue...
Podedes picar na imaxe e ler o que din de nós.

O Día do Libro...

... hai moito que celebrar.

Nós celebramos, sobre todo, que vós, as nenas e nenos,  seguides dando vida coas vosas lecturas, aos libros que repousan nos andeis da nosa biblioteca.

Festexamos as vosas visitas durante os recreos e a vosa participación nas propostas que vos facemos;   festexamos o bo recebimento que dades ás mochilas viaxeiras, o interese que puxestes na elaboración dos lemas que adornan a nosa biblio recén remodelada e o cariño co que os de EI cantaron  a súa canción. 

• Canción das nenas e nenos de E. Infantil

                     

• Lemas 

                      

Festexamos que os libros son cada vez mellores amigos vosos e que vós sodes cada vez máis amigos dos libros.

Tamén queremos agradecervos todas as aportacións recibidas no cole trala "venta" dos marcapáxinas solidarios. 

Xa as fixemos chegar a ONG Save the Children  para que sigan loitando polos dereitos das nenas e nenos de Mali.

Dia Mundial do Libro

O 23 de abril é un día simbólico para a literatura mundial. 

Cando falamos da festa do libro,  é habitual comezar recordando que a data elixida  débese a que o 23 de abril de  1616 morreron Cervantes e Shakespeare e esa data coincide tamén co nacemento doutros autores importantes.

Tamén é habitual recordar que a celebración  remóntase a principios do século pasado e que a idea orixinal da celebración desta data partiu de Cataluña. O 7 de outubro de 1926 foi a primeira festa do Libro. En 1930 instáurase definitivamente a data do 23 de abril como Día do Libro. A historia do libro faise festiva e xurden actividades literarias en toda España. 

Adoitase recordar tamén que en 1995 o 23 de abril convértese nunha FESTA MUNDIAL: A Unesco , a proposta da Unión de Editores, decidiu render unha homenaxe ese día  "aos libros e aos autores , alentando a tod@s e en particular aos máis novos, a descubrir o pracer da lectura."

Adoitase recordar que o Día do Libro celebrouse por primeira vez a nivel mundial o 23 de abril de 1996 e que na actualidade máis de cen paises do mundo se suman a esta celebración.

O que non se adoita recordar tan frecuentemente é que o "inventor" orixinal do Día do libro foi o editor valenciano Vicente Clavel Andrés.

  Mais que libros inolvidables, que é o que cabería esperar que deixara un editor ao seu paso, Vicente Clavel legou á humanidade un día no que celebrar a lectura e o amor polos libros,

Unha máis das maxias que ten a literatura! 

Festa de Reapertura

Acabamos de recibir unha carta de Efrén: 

E, xunto con ela, viña o video coas fotos da festa, o conto, a tarta e todo o demais :

 

Semana do Libro

Xa sabedes que o mes de abril é o Mes do Libro no noso cole e  en outros moitos.
Este ano, polos motivos que tod@s coñecedes (remodelación dos espazos da Biblioteca),levaremos a cabo  os actos de conmemoración desta data tan importante as últimas semanas deste mes de abril.
Aquí vos deixo o programa de actividades:

Dous grandes que marcharon

Onte o mundo das letras despediu a dous grandes escritores



 Por un lado, GÜNTER GRASS, escritor alemán ao que lle foi concedido o Nobel de Literatura e o premio Príncipe de Asturias das Letras no ano 1999.
A  obra máis coñecida  deste escritor nacido en Polonia no ano 1927 é El tambor de hojalata. Ë unha novela para adultos que foi adaptada ao cine e gañou varios premios.

Eduardo Galeano  durante a súa primeira visita a Ourense

Tamén nos deixou o escritor uruguaio EDUARDO GALEANO
(Montevideo, 1940) que visitou Ourense en dúas ocasións: no ano 2008 e no 2012.
O autor contou en varias ocasións que a  mellor crítica que recibiu na súa vida fíxoa un lector de Ourense.

"Qué difícil ha de ser escribir tan sencillo", díxolle ese lector anónimo a Galeano. El quedou mirando cara o seu interlocutor e respondeulle:  "Caray, acaba de dar en el clavo". A resposta non se fixo esperar: "Leía a otros escritores, pero no entendía nada y pensaba que era un burro. Lo descubrí a usted, y ahora entiendo que no, que el problema no era mío. Habla mi idioma". E marchou

E é que os seus libros contan historias nas que se observa a súa preocupación polas inxustizas do mundo.  Outras falan  da natureza, da escola, do cine, ou dalgo tan importante coma o dereito a soñar.



Recordade que, como decía o propio Eduardo Galeano, "mucha gente pequeña, en lugares pequeños, haciendo cosas pequeñas, puede cambiar el mundo" 
Nós  so pedimos que este dereito a soñar se faga realidade. Que os humanos entendamos que estamos de paso neste mundo e que a nosa misión non é, en absoluto, destruilo.

Remodelamos a Biblio

Agora si... 
 Despois de varias semanas de obras, de mover andeis e mesas, de limpar e colocar libros, de pensar e "repensar"  ...  en nada  abriremos de novo  a  Biblio!!

Como se adoita dicir: "cando unha empresa marcha ben, hai que ampliar..."
E iso é o que ocorre coa nosa biblioteca... que marcha ben, que conta cunha chea de alumn@s incondicionais que a visitan asiduamente e que fan que estea viva e medre día a día. 

Precisabamos modificar o espazo físico para conseguir unha  maior amplitude,  que permitise a mobilidade do alumnado á hora de realizar  diferentes actividades curriculares e de animación á lectura. 
Para iso,  tiramos o tabique da aula contigua e agora dispoñemos dun espazo cunha superficie o dobre de grande, con seccións ben diferenciadas e cómodas de utilizar. Tamén mellorou a disposición e a accesibilidade aos documentos e os espazos para o traballo do alumnado.

E aqui tendes o resultado:

Pronto faremos a inauguración oficial, cunha festa na que celebraremos tamén o  MES DOS LIBROS.

A ocasión ben o merece...

Día da Auga. Día das árbores

A Deputación de Ourense convidounos a  celebrar na escola estes dous días tan importantes para o noso planeta: o Día da Árbore e o Día da Auga.

Agasalláronnos cun libro "A palabra máxica" de Xosé A. Perozo, ilustrado por Viki Berre.
Narra as aventuras do trasno Beiro e a súa amiga Antela, a ninfa das augas na procura dunha bolsa de coiro  onde estaban gardados uns versos e unha música que o trasno tiña ao seu coidado.Para atopala terán que formar unha palabra máxica de dez letras e xuntar as augas de catro fontes da vida. Viaxarán no tempo ata catro lugares da provincia de Ourense onde hai mananciais de augas termais, e varias árbores axudaranos a rematar a aventura con éxito.

Os elementos máxicos_ personaxes, viaxes no tempo, mitoloxía galega_ serven para reforzar a importancia cultural das augas e as árbores na nosa terra e o poema que aparece ao final con música  de Manuel de Dios está considerado coma o Himno de Ourense.

 
HimnoOurense from Efren Esquio on Vimeo.

Como recordo deste DIA  prantamos un acivro no patio do cole:


Dia da Árbore, 2015 by Slidely Photo Gallery

Prensa e Poesía?

Resulta difícil (por non dicir imposible) atopar poesía nos xornais, onde a maioría das noticias informan da crueldade, da falta de empatía, e da cobiza das persoas. 
Por iso collemos as revistas e xornais que iamos levar a colector de papel e aprobeitámolos para convertelos en POESÍA. 
Deixámonos levar polos titulares, subtítulos, frases e palabras que nos suxerían algo e combinámolas para crear  poemas.
Esta práctica de Escritura Creativa resulta  moi interesante. Fai que as nenas e os nenos se acheguen á poesía libre, sen rima, sen estrofas... buscando só o ritmo das palabras, as sensacións ...
Parece que as palabras son as que te buscan, as que te chaman ... e o texto vaise construíndo un pouco ao azar, segundo o estado de ánimo de cada un.

Libro Poesia Retalloss

Leer más publicaciones en Calaméo

Eclipse de sol: o día que se convertirá en noite

Dende tempos  ancestrais, os eclipses de sol teñen cautivado, espantado e marabillado ao ser humano.Hoxe coñecemos a razón pola que ocorren, a frecuencia e incluso se poden predicir.

O próximo venres día 20, pola mañá, antes da entrada da primavera, poderemos observar o único eclipse de sol de 2015, e o máis importante da última década.  Galicia será a comunidade máis idónea de España para seguir o eclipse solar,  que durará unhas duas horas.
Poderá verse en algunhas partes de Europa, Asia e África, pero non en América .

Sabiades que os eclipses solares só se producen coa lúa nova, cando o satélite se atopa en liña recta entre a Terra e o Sol ?

O eclipse parcial do próximo venres será visible desde Galicia a partires das 9 da mañá e ata as 11.20 horas .

De momento descoñecemos si as condicións meteorolóxicas permitirán disfrutar do espectáculo. A lúa ocultará o sol parcialmente, un fenómeno que se pode observar en raras ocasións e que dará comenzo  ás 9 e media da mañá.

Por se ese día o ceo non está despexado,
podes seguilo dende o portal  Slooh
 que transmitirá o fenómeno "en vivo e en directo".(pica na imaxe)

Tamén o podes ver en sky-live.tv

Durante os minutos que dura un eclipse ocurren cousas curiosas.
A medida que se achega o momento de máxima ocultación, as temperaturas baixan varios graos.
As sombras vólvense alongadas. Isto nótase especialmente nas mans: os nosos dedos parece que se estiran . Fai a proba!.

Nun eclipse, nunca mires directamente ao sol 

O que nunca debemos facer é observar un eclipse sen protección (ou "protexendo" os ollos cunha radiografía, un vidro afumado ou uns lentes de sol)  porque o sol emite luz visible, que é a que captamos cos nosos ollos, pero tamén luz infravermella, que é invisible. Como a luz visible diminúe mentres se produce o eclipse, a pupila ábrese para captar máis luminosidade, deixando que penetre a infravermella que queima as células dos ollos e pode provocar cegueira.

 Se non tés unhas gafas especiais, existe unha solución ao alcance de calquera: o método da cartolina perforada

Colle  un folio, un pedazo de cartolina  ou un cartón.
Fai un buratiño no medio cunhas tesoiras ou unha agulla.
Orienta a cartolina cara o sol de tal maneira que a luz entre polo buratiño
Proxecta  a luz sobre un papel branco,  o chan ou sobre unha parede lisa.
Verás unha sombra do eclipse

Fai unha foto do que vexas e traina ao cole para amosar a túa experiencia.

As mulleres tamén pintan

Se vos pido que digades nomes de pintores... cantos coñecedes? 
Unha chea deles, non?
E si vos pido que digades nomes de pintoras? Cantos sabedes? 
 Ese é  outro cantar! 
Por que coñecemos tan poucos nomes de pintoras?
Por que razón  hai tan poucos cadros de pintoras nos grandes museos? 
Será porque ás mulleres non lles gusta pintar, porque non  o fan ben ...  ou será por algunha outra razón? 
Que vos parece?

Ao longo da historia houbo moitas mulleres que pintaban igual (ou mellor) que os homes, pero (que inxusto!) non chegaron a ser famosas coma eles.

Para saber mais, podes visitar as seguintes páxinas:

Pintoras famosas de diferentes países (pica na imaxe)

Homenaxe as mulleres artistas

Mulleres pintoras (pica na imaxe) 

E  pintoras galegas, coñecedes algunha ? (ademáis da profe María, claro!)

Pois tamén hai... e ben boas por certo!!  



A ver se sodes quen de atopar información sobre as  pintoras que aparecen no video, ou de outras  que vos gusten e facemos unha recompilación de biografías e obras pictóricas  para conmemorar o 8 de Marzo ... Que vos parece?

Veña! 

A que agardades?

Mans á obra!

8 de marzo

Un 8 de marzo de 1857, un grupo de obreiras téxtiles tomou a decisión de saír ás rúas de Nova Iork a protestar polas míseras condicións en que traballaban.

 A partires de esa data, producíronse distintas manifestacións e folgas.

O 5 de marzo de 1908, Nova Iork foi escenario  dunha folga polémica para aqueles tempos. Un grupo de mulleres reclamaba a igualdade salarial, a disminución da xornada laboral a 10 horas e un tempo para poder dar de mamar aos seus fillos. Durante esa folga,  máis de cen  mulleres morreron queimadas  nuhna fábrica,   nun incendio que se atribuiu ao dono da fábrica como resposta a   folga.

En 1910, durante a Segunda Conferencia Internacional de Mulleres Traballadoras celebrada en Copenhague (Dinamarca) máis de 100 mujeres aprobaron declarar o 8 de marzo como Día Internacional da Muller Traballadora.

Actualmente, chamámoslle  Día Internacional da Muller.

Ilustracion: Leandro Lamas

Picade na imaxe e atoparedes unha recompilación de recursos feita por Biblogcañiza para traballar esta data .








 E unha Unidade Didáctica de Os Poemas do río

"O libro dos porcos" de Anthony Browne

Máis contos na páxina de VideoContos do Bloguesquio

E un conto-canción: SUPERLOLA

Ilusións ópticas

Durante anos, moitos expertos nas teorías visuais intentaron demostrar que  se pode enganar ao noso cerebro  aproveitando os seus pequenos erros de percepción.

Se o vestido azul/negro ou branco/dourado tan comentado estes días te fixo pensar e, ao final, resultou ser unha ilusión óptica...  atréveste  con estas outras?
 Que vedes aqui? Un xarrón ou  dúas persoas de perfil ?

•  Vella ou nova? hai persoas que ven unha anciá con abrigo de pel, pero se te fixas ben, decataraste  de que  no é tal senón unha rapaza nova.

• Mirar unha imaxe de forma prolongada,  pode provocar  cambios de cor :  Mira fixamente a cruz do centro e verás como aparece un círculo verde por riba dos outros.

• Mira os cadrados A e B. Cal é mais escuro?  En realidade é o mesmo tono de gris 

• E, nesta imaxe en movemento , cara onde vai o tren? Está entrando ou saíndo do túnel? Depende ...

A que ao mirar os rectángulos de cor vedes que un se move máis rápido que o outro? Esperade a retirar as liñas brancas e negras ... 

• 
  

Cal das dúas liñas amarelas é máis grande?

Hai tamén ilusións baseadas na xeometría 

Cal das dúas figuras é mais grande? 

A que che parece que as liñas horizontais están curvadas?
Pois non,  son paralelas...

• 
  

  

  Cal dos círculos amarelos é mais grande?

Fixádevos por último neste cadro. É unha parella de esquíos nunha árbore, ou é algo máis?

E se queredes seguir divertíndovos coas ilusións ópticas, podedesvisitar outras páxinas picando nas imaxes :