LUME

Néboa en Ourense? 

Non. É o fume que enche toda Galicia.

No cole, o fume non deixaba ver a paisaxe

O corazón encóllese ao ver as noticias que  nos chegan pola tele e a prensa. 
A sensación de caos, o ceo de toda Galicia escurecido polo fume e  sentir o cheiro a 
queimado que entra polas ventás das casas pechadas a cal e canto, fai que a rabia se converta en bágoas. 

A angustia convertida en documento sonoro e as lapas estendéndose coas fortes ráfagas de vento...  
Concellos da montaña lucense constatan perdas "irreparables" de especies de árbores autóctonas, de animais queimados vivos e bosques cheos de vida convertidos en cinzas.

  Hoxe Galiza chora, pero chora bágoas de cinza.

Chora Galicia
na tarde quente
na noite escura
que arde
sen máis pesare que a dor 
sen máis pesare que a dor

Chora Galicia
e non consola
triste paisaxe
negrura
loito e moito rencor
loito e moito rencor

Chora Galicia
paisaxe escura
verde esquecido
lamentos
desta terriña do amor
desta terriña do amor

Non consola o noso pranto
nin paramos de chorar
como fixo sempre a terra
seguiremos a loitar
seguiremos a loitar....

"Chove en Santiago" Luar na Lubre vs Regueifando pola vida.

Saímos na tele

Comezamos o curso amosando o resultado do paso polo cole das cámaras da TVE 2.
O pasado  día  22 emitiuse o programa que o equipo do "Escarabello verde" gravou no colexio. (se picades na imaxe poderedes velo na súa totalidade)

Este capítulo, que se titula "A economía do lume", fala de todo o que se move arredor dos incendios forestais: os medios dos que dispomos para extinguilos e, o que  é máis importante,  a prevención para evitalos .
Nós saímos a partires do minuto 24, cando Pepe Santos, o axente forestal que non acompaña en todas as  nosas aventuras medioambientais  chega ao colexio para falarnos da biodiversidade e da protección que debemos darlle ao medio ambiente.

O escarabello verde

 
"O escarabello verde" é un programa divulgativo sobre ecoloxía e medio ambiente . Inclúe reportaxes, documentais, entrevistas e tertulias sobre asuntos relacionados coa natureza.
 É un dos programas máis antigos de TVE 2, leva en antena dende 1997,  e é o único sobre medio ambiente que se emite nunha cadea nacional.
Bueno, pois cóntovos todo isto porque o outro día, o equipo do programa estivo gravando no colexio.
Viñeron acompañados de Xosé Santos, o noso axente forestal favorito. Coa súa axuda coñecemos algunhas particularidades da nosa contorna e aprendemos, coa axuda de mapas e brúxulas, a orientarnos no monte. Tamén prantamos un castiñeiro nas inmediacións do colexio.
Agasallounos cun anaco de árbore que, según puidemos deducir contando os seus aneis, ten a mesma idade que moitos de nós: 11 anos.


EscarabelloVerde by Slidely Photo Gallery

Xa vos informaremos sobre a data de emisión do programa, pero seguro que haberá que  deixar pasar o verán  e agardar a nova tempada...

El medio ambiente no son sólo animales y paisajes. El Medio Ambiente está íntimamente relacionado con el entorno, con las personas

El medio ambiente no son sólo animales y paisajes. El Medio Ambiente está íntimamente relacionado con el entorno, con las personas

El medio ambiente no son sólo animales y paisajes. El Medio Ambiente está íntimamente relacionado con el entorno, con las personas

Festival das Letras

A celebración das Letras Galegas é unha desas datas  que nos ofrece a posibilidade de converternos en actores e actrices , cantantes e bailaríns, e todo para poñer en valor a nosa lingua .

É un mes de moito ensaio, sacando tempo de onde non o hai, para ofrecerlles ás familias e aos compañeiros e compañeiras as nosas mellores  actuacións.

Picade nos enlaces para ver os videos:

Festa das Letras Galegas, 2017

Un ano mais celebramos o Día das Letras Galegas cunha grande festa popular onde non faltaron as actuacións. 

Cancións, bailes tradicionais e representacións teatrais mostraron a todos as dotes artísticas das nenas e nenos do cole, que participaron no festival con moita ilusión (e moitos nervios, todo hai que dicilo) .

Como xa imaxinaredes,  foi un verdadeiro éxito... 

Mirade as fotos:

LetrasGalegas2017 by Slidely Photo Gallery

Carlos Casares e a Ciencia

Casares tivo dende sempre unha idea moi particular do que era a cultura e sempre considerou a ciencia como algo propio da mesma. Para él a visión da cultura que so tiña en conta actividades relacionadas coas artes e as letras era antiga e moi limitada.
Por iso, no ano 2000 creou a sección de Ciencia, Tecnoloxía e Sociedade no Consello da Cultura Galega, institución que presidía. Pretendía estudar as pegadas que a ciencia e a técnica ían deixando na realidade de Galicia e na cultura galega.
Definíase coma un home que escribía obras de literatura, pero tamén coma unha persoa preocupada polos problemas do seu tempo, entre os que estaban os relativos á ciencia e á técnica.
Nos seus últimos anos, despois de ler o libro "Dios y la nueva física" do divulgador científico Paul Davies, non deixou de mercar e "devorar" todo canto libro e artigo que sobre física cuántica caía nas súas mans.
Incluso deu unha conferencia no Liceo Recreo de Ourense "Diálogo entre literatura e ciencia", na que fixo unha descrición apaixoada  da nova física cuántica.

( Francisco Díaz-Fierros, catedrático emérito da USC e membro da Real Academia Galega
"La Voz de Galicia, 12/05/17 )

Maios 2017

No cole, como en Ourense, celebramos a festa da primavera: a Festa dos maios,  onde os principais protagonistas son as flores e, por suposto, as nenas e nenos.
Facemos un maio figurativo, con forma piramidal.
Como en España está prohibido coller musgo, levamos uns anos que decoramos o noso maio só con fiollo, xestas, uces e flores. Tamén empregamos carrabouxos ou bugallos e, ás veces,  cáscaras de ovos.
Gracias a todas as familias que colaboraron buscando todo o necesario para confeccionalo.
E gracias ao profe Pepe que veu a axudarnos.


 
MAIOS2017 by Slidely Slideshow

Coñezamos mellor a Carlos Casares

 Son moitos os recursos didácticos creados por profesores e alumnos de distintos centros de ensino de Galicia para traballar a figura de
Carlos Casares.
 Ademais do noso  Roteiro Carlos Casares en Ourense,  a Fundación Carlos Casares fixo unha recompilación das mesmas:

INICIATIVAS CENTRADAS NA VIDA DE CARLOS CASARES

• Páxina de recursos fotográficos, audiovisuais e textuais da Fundación Carlos Casares.
• A primavera das letras, proxecto didáctico da Real Academia Galega.
• Timeline sobre a súa vida e obra, do CEIP Condesa de Fenosa de O Barco
• 17 anécdotas para o 17 de maio. Guía do CEIP de Laredo (Chapela) – José Manuel Portela.
• Exposición de cartelas sobre a vida de Carlos Casares e cuestionario da mesma (Seminario Galán).
• Do seminario Galán tamén contamos cunha biografía e un díptico do Día das Letras Galegas.
• Roteiro sobre Carlos Casares en Santiago de Compostela realizado polo IES Carlos Casares de Vigo.
• Da man da profesora Begoña Allegue Rodríguez, tres pequenas actividades educativas interactivas: “Casares e o cine“, “Casares: sociedade e política” e mais “Casares: lingua e cultura“.
• Creación audiovisual “Carlos Casares. Letras 2017“, do IES ISaac Díaz Pardo.
• Telexornal Carlos Casares. Peza audiovisual de calidade, dirixida polo profesor Luis Gómez Aldegunde, do CPPI dos Dices-Rois e as alumnas Noemi Sóñora, María González, Sabela Rei, Clara Pardal, Antía Feáns, Alicia Quiñones e Estela Otero.
•  Da mesma autoría é “A miña obra favorita de Carlos Casares“.

INICIATIVAS CENTRADAS NA OBRA DE CARLOS CASARES

• Guía didáctica d´As laranxas máis laranxas de todas as laranxas (Centro Dramático Galego) en colaboración coa Fundación Carlos Casares, con actividades para diferentes idades. Conta tamén cunha web sobre a obra de teatro, amosando información adicional de interese para o equipo docente e o alumnado (vídeos, descarga de material, noticias, manualidades, etc.).
• Adaptación teatral d´A galiña azul para escolares, realizada polo Seminario Galán.
• Páxina webquest con guía didáctica de Eva López Castro sobre o libro A galiña azul, para o segundo ciclo de educación primaria.
• Guía de lectura narrativa na sección de dinamización do sitio Cultura.gal para prelectores e primeiros lectores. Entre as seis obras que se traballan, está a obra A galiña azul.
• Blogue “Ventos cruzados“, sobre hipertextualidade en textos literarios.
• Unha iniciativa ben interesante dos Argalleiros e Argalleiras das Letras, blog da biblioteca do IES Castro da Uz: audiolibros de obras de Carlos Casares, lidos polo alumnado do centro.
• Diapósitivas de Revolta da Freixa sobre a obra narrativa de Carlos Casares.
• Do Seminario Galán son estas Guías Didácticas adaptadas a Infantil, 1º e 2º de Primaria, 3º e 4º de Primaria, e mais 5º e 6º de Primaria.

 OUTRAS INICIATIVAS RELACIONADAS CON CARLOS CASARES

• Proxecto “Galaxia Casares”, do IES Carlos Casares. Contén numerosos traballos, vídeos e iniciativas sobre o autor ourensán, entre os que destaca especialmente o álbum ilustrado As estrelas máis estrelas de todas as estrelas.
•  Un fermoso marcapáxinas do Seminario Galán.

Roteiro literario

Sabiades que, paseando por Ourense se pode aprender moito sobre a obra de Carlos Casares?
O seu mundo literario está moi unido á nosa cidade e a algunhas zonas da provincia como A Limia e o Ribeiro. 
O Concello ven de presentar un roteiro literario (de onde sacamos toda a información e pasaxes das obras) que comeza no parque de San Lázaro e visita outros lugares do centro histórico da cidade como a catedral, a rúa do Paseo, a Praza Maior ou a Praza do Trigo ..

Animádevos a buscar as placas que se agochan nas fachadas de edificios e prazas e nos mostran os lugares de estudio, formación e tertulia de Carlos Casares, así como as paisaxes  que serven de escenario as  obras literarias do autor, nacido en Ourense en 1941.

Se picades no mapa adxunto poderedes seguir o roteiro de maneira virtual...

Compartimos lecturas

Por fín, xa chegou o día! 
Unha vez máis o mes dos libros bríndounos a oportunidade de desfrutar da lectura cos padriños e madriñas.
O "apadriñamento lector"  é unha  actividade que chegou hai algúns anos ao  cole para quedarse, e que da gusto repetir un ano  tras outro. 
Para os de tres anos é a súa primeira experiencia, e vívena cunha mestura de ilusión e curiosidade. Os demais lembran as experiencias doutros  apadriñamentos e marchan confiados e contentos.
Os padriños e madriñas tiñan todo preparado para acompañar aos seus afillados e afilladas cara algún recunchiño cómodo e alí,  ler as historias que coubesen nese anaquiño de lecer no que se converteu o "Hora de Ler".
compartimos lecturas2017 by Slidely Slideshow

As familias CONTAN moito

No noso cole familias contan moito, sobre todo no tema da colaboración. 

Durante o mes de abril tivemos un grande número de papás, mamás e ata algunha avoa que se achegaron ao cole para compartir connosco os contos que elixiron os nen@s.
Pola biblioteca pasaron Pelostortos, os tres porquiños, Azul e moitos outros personaxes que fixeron as delicias dos nenos coas súas peripecias.

MOITAS GRAZAS a todas e todos. 

Ceip Saco E Arce de Slidely Gallery by Slidely Photo Gallery

Bookcrossing: Libros Libres

“Cuando has poseído un libro te has enriquecido personalmente. Pero cuando se lo pasas a alguien te has enriquecido por triplicado”. Los libros en mi vida, Henry Miller.


O termo Bookcrossing fai alusión á liberación de libros en lugares públicos ca fin de que outras persoas os atopen, os lean e os volvan a liberar.

Esta iniciativa xira en torno ás "3eRRes"

- Read (ler)

- Register (Rexistrar o libro xunto cos teus comentarios no diario de viaxe)

- Release (Liberalo para que o lea alguén màis)

O Bookcrossing é un fenómeno moi popular,  tendo máis de dous millóns de usuarios rexistrados que teñen liberado cerca de 10 millóns de libros en 132 países.

Nós tamén queremos converternos en Bookcrossers e colaborar para converter o mundo nunha biblioteca global.

Na Biblioteca escolar fixemos entrega de 6 libros etiquetados para que fosen liberados . Así que. xa sabedes, se atopades un destes libros, deixádeo libre para que recorra o mundo...

A ver ata onde chegan! 

Abril: Mes dos libros

Estas son as actividades que programamos e que iremos pondo en marcha ao longo deste mes de abril, no que celebramos o Mes dos Libros