Conectados, pero seguros

A familia ten que preocuparse da seguridade dxs nenxs cando comecen a explorar o mundo online  porque son moitos os riscos que corren  navegando por internet.
 É moi importante que  sigan os consellos que nos deron na charla informativa que tivo lugar  na biblioteca do cole.

Que consellos lles podemos dar aos nenxs sobre as redes sociais?

1. Cando crees un perfil social, configura a privacidade para que os contidos que publiques so poidan ser vistos polos teus amigos, que son a túa familia e as persoas que coñeces no colexio, no parque ...  

2. Moitas persoas so se preocupan do numero de seguidores que teñen, porque iso lles indica o famosos que son. Esto fai que acaben aceptando calquera petición de amizade, ainda que non coñezan á persoa, 

Ten en conta que as persoas que coñeces por internet son descoñecidos, NON SON TEUS AMIGOS. Non podes ver quen está ao outro lado da pantalla, pode ser alguén que estea mintindo ou que teña intereses ocultos que poderían danarte. 

3. Se alguén che pregunta cousas como onde vives, o teu número de teléfono ou quere que lle envíes fotos, que poñas a webcam  ou que quedes con el/ela, avisa a  teus pais. Iso é mellor deixalo para os amigos verdadeiros, aos que coñezas en persoa.

4. Cando publicas unha foto na internet, perdes o control sobre a súa difusión. Aínda que a borres, non desaparece da rede.

5. Na internet hai que comportarse con respecto. Non fagas aos demais o que non queiras que che fagan a ti. Non insultes nin ameaces  a ninguén . Sempre se pode saber quen escribiu ou puxo fotos na internet e saberán que fuches ti.

6. Se che sucede algo que non te fai sentir ben, se alguén te insulta ou te ameaza, comunícallelo aos teus pais. Tes que saber decir NON ás cousas que non queres facer 

7. Non todo o que ves na internet, como tampouco o que ves na tele é verdade. A xente adoita compartir so os bos momentos, iso non quere dicir que teñan unha vida perfecta.

8. COIDADO COS RETOS. Ás veces  vemos compartida nas redes sociais algunha actividade que se pon de moda e que reta a outras persoas a facer o mesmo e compartir o resultado . Moitos destes retos so pretenden facer dano.

9. Para evitar que algúen acceda á túa conta e publique contido coma se fora teu, debes usar un contrasinal que so coñezas ti (e a túa familia). Non lle digas o teu contrasinal a ninguén máis.

10. Non perdas demasiado tempo nas redes sociais, pode facer que te distraigas e que te olvides do verdadeiramente importante.

Sira e o robot

Mark Wiersma é de California e Miguel Mosqueira é de Lalín. Xuntos escribiron a historia e a música para

Sira e o Robot II: Crazy Times on Planet Earth, segunda entrega dun proxecto único no mundo: un musical futurista no que conviven en harmonía galego e inglés .

Estamos en Xullo de 2050. Unha vaga de calor causada polo cambio climático chega a Megametrópole, capital de The New Galicia, lugar onde o inglés acaba de ser nomeado lingua cooficial, xunto o galego.
Sira e o Robot deciden refrescarse na Cool Cave, nas aforas da cidade. Alí descubrirán por casualidade os plans radiactivos do malvado Technoduro que supoñen un perigo mortal para o mundo enteiro menos para Hawai, lugar de residencia dos ricos todos do universo.

Mark estivo na biblio do cole e con él comentamos o argumento do libro do que é coautor e tamén cantamos as cancións .  Falar con el e ler o seu libro serviunos para mellorar o noso nivel de inglés .
(Se picades na portada, podedes escoitar de novo un anaquiño das cancións.)

Libros que alimentan

A alimentación, os hábitos de comida, os trastornos alimentarios son temas que preocupan tanto na escola coma na familia. 

A comida desempeña un importante papel no proceso de socialización do ser humano. A través dela, xs nenxs aprenden regras de comportamento e normas sociais. 

A literatura infantil non é allea a este tema e son moitos os contos e libros informativos nos que aparece a alimentación directa ou indirectamente.

O  proxecto "Aliméntate ben" levounos a facer unha exposición de libros sobre alimentación sá na entrada do cole, onde o alumnado pode atopar  libros sobre os bos hábitos alimenticios, alimentos imprescindibles para medrar sans, cociña para nenxs e consellos para qeu aprendan a comer ben.

Ademais, o Equipo de comedor argallou un "premio" para  os aquelxs que teñen un bo comportamento, faln en voz baixa, proban de todo e respectan a compañeirxs e colaboradorxs: Un Efrén cociñeiro que viaxa de casa en casa cun lote de libros que, nunca mellor dito, saben que alimentan...

Abril de libros

Abril é un mes especial na nosa biblioteca que, como sabedes, está chea de libros que axudan a durmir, outros que falan sobre nenas que superan dificultades, que experimentan e xogan; sobre o valor da amizade, para enfrontarse aos medos e a inseguridade, sobre a empatía e a solidariedade, sobre as relacións cos pais e os irmáns,  as emocións ; sobre como enganan as aparenzas, para resolver conflitos e entender o sen sentido das guerras, sobre os mundos imaxinarios, sobre a soidade e a comunicación, sobre os movementos migratorios, ou sobre mulleres que rompren tabúes e buscan o seu destino..

Estas son algunhas das actividades que temos preparadas:

Día da Poesía

A primeira actividade que realizamos en relación con Saco e Arce, foi dedicarlle o Día da poesía. 
Aínda que se dedicou máis a escribir artigos , libros de lingüística e de filosofía,  escribiu un libro de poesías e  fixo unha recompilación de cantigas, refráns, coplas e contos da literatura popular de Galicia. 
Moitas destas cantigas recolleunas pola zona de Alongos.
 Nós lémolas, escribímolas e ilustrámolas. 

Aquí vos deixamos unha pequena mostra do traballo:

Saco e Arce

No noso cole todxs sabemos quen foi Xoan Antonio Saco e Arce, para iso a  escola leva o seu nome!
Este ano propuxémonos que tamén o coñezan ao longo e ancho, polo menos,  de toda a contorna.
Porque este ano celébrase o 150 aniversario da publicación da súa "Gramática Galega" que foi a primeira que se elaborou cos criterios científicos máis modernos daquel tempo. Supuxo  un grande avance na descrición da lingua e espallou polo mundo  a noticia da existencia  do galego. Serviu de inspiración para  as gramáticas posteriores, pero, debido a que o galego non era considerado unha lingua para empregar no ámbito científico, foi publicada en castelán.

Ao longo do curso, o alumnado investigará sobre a vida e obra do escritor, faremos un roteiro polos lugares onde estivo e os monumentos que o recordan, e realizaremos outras actividades das que vos daremos conta cando estean preparadas.

Parabéns

PaRaBéNs ao alumnado de 3º de EP e á súa profe, Jessica,  polo PRIMEIRO PREMIO PROVINCIAL que lles acaban de outorgar no 35 Concurso Escolar ONCE. 
Deseñaron un cartel co lema "Sen ti non hai recreo", un "collage" onde se mostra a cooperación e a inclusión no tempo de recreo . 
Picade na imaxe para velo na web:

E aqui podedes volver a ver a entrada no Bloguesquío

Día da natureza

O 21 de marzo é o Día da Natureza .

Celebramos o Día da árbore coa visita de Xosé Santos, o garda forestal que nos acompaña sempre en todas estas faenas. Este ano, ademáis de arces e cancereixos, trouxonos unha árbore especial.
É especial porque non atoparedes ningunha outra coma ela nos arredores: só existe no Xurés e nalgunhas zonas de Portugal. 
Esperemos que medre á mesma velocidade que medramos nós.
Comprometémonos a coidala e protexela para que chegue a ser unha árbore grande e fermosa.

E tamén nos comprometemos a coidar  as hortalizas que cada un de nós sementou ou plantou no horto. 
A ver cando podemos probar unha das nosas leitugas, cenorias, amorodos ...

EntreLobos

"Entrelobos" é o título duna película dirixida por Gerardo Olivares en 2010 e na que interveñen actores e actrices moi coñecidos do cinema español.
Narra as peripecias de Marcos Rodríguez Pantoja. Nos anos da posguerra, cando Marcos tiña uns 6 ou 7 anos,  foi vendido (si, como o oídes, ven-di-do) polo seu pai a un pastor. Cando este morreu,  quedou na Serra Morena sen máis compaña que unha manada de lobos e sen máis amigos que un furón e unha curuxa.  Viviu alí ata os 19 anos sen ter contacto cos humanos.
Cando o devolveron á sociedade, caeu en mans de xente que o maltratou. Ríronse del e menospreciárono, por iso di  " foi o momento da miña vida no que pasei máis  medo".
Ata que coñeceu a un galego, co que veu vivir a Rante, un pobo preto de aquí, e onde leva dende hai máis de 15 anos. 
A súa historia foi obxecto de estudios e ten viaxado por moitos lugares para falar sobre as súas peripecias.
O pasado día 20 tivemos a sorte de telo no cole. Vimos a película e
foi un privilexio escoitar as súas historias, os sons  que reproduce só empregando a súa voz e a música que é quen de facer só usando unha palliña... 

Grazas por vir, Marcos. 

E grazas a ti, Santos, por convidalo.

Picando na  imaxe , podedes entrar na páxina web do filme onde falan sobre os actores e actrices,  anécdotas da rodaxe e moitas outras cousas .

E aquí podedes ver a primeira parte da película. Se vos interesa, en YouTube hai tres partes máis:

Cineastas galegas con todas as letras

Alice Guy foia precursora do cinema actual.  Foi a primeira persoa en realizar unha película,  a primeira que empregou o cinema para contar historias. 
Pero, como noutras moitas ocasións, a historia esqueceu o seu papel por ser muller, e deu aos irmáns Lumiere, os inventores do cinematógrafo, todo o recoñecemento. 

Na actualidade, a desigualdade entre homes e mulleres no mundo do cinema segue existindo. 
Non so as actrices, senón tamén as directoras, produtoras, operadoras de cámara ou guionistas atopan diferenzas de salario e de oportunidades con respecto aos homes. E con respecto as nominacións a algún premio, ocorre o mesmo: hai unha maioría aplastante de homes.

"Unha muller que queira dirixir unha película ten moitas menos posibilidades de facelo que un home, aínda que sexa igual de boa, e o mesmo ocorre cos guións"
              Yvonne Blake, Directora da Academia de Cine 

Só na provincia de Pontevedra hai máis de 70 directoras de cine, pero a maioría delas son descoñecidas. 
As mulleres son unha parte moi activa da sociedade e, tamén no mundo do cinema, debemos poñer en valor o seu traballo.

Nós investigamos sobre as mulleres no cinema galego e atopamos cineastas con todas as letras do alfabeto. Picade nas fotos e descubrídeas:

Dia da muller

Fixémonos eco dun programa posto en marcha por un fabricante de xoguetes, chamado  "Close the dream gap",  e que nos chamamos  "Acabemos coa fenda dos soños" . 
Este programa, coma nos,  pretende desmontar os estereotipos sexistas. 
Para conseguilo,  temos que educar á sociedade sobre os prexuizos de xénero, estereotipos culturais e outros factores que impiden que as nenas alcancen o seu pleno potencial.
E tamén mostrar modelos positivos de mulleres de todas as idades, profesións e condicións sociais para que descubran  todas as oportunidades que poden ter.
E, por suposto, animar a todas e todos a perseguir os seus soños, porque as nenas e os nenos poden facer calquera cousa que se propoñan.

2º Festival de Pequefilmes

Reunidos os membros da Academia de Pequefilmes do CEIP Saco e Arce, tras moitas deliberacións, e despois de valorar a grande calidade das películas presentadas ao 2ºFestival de Cine de Toén

DECIDEN por unanimidade
outorgar os seguintes galardóns:

• Efrenion a mellor maquillaxe e perruquería  para E. Infantil polo filme "30 e pico dálmatas"

 

• Efrenion á mellor coreografía e canción adaptada para 1º e 2º de EP polo filme "Cantando baixo a chuvia de Toén"

• Efrenion ao mellor filme de ficción para 3º de EP pola película "Toén Potter"

• Efrenion ao mellor guión adaptado para 4º de EP polo filme "Greaseteando"

• Efrenion ao mellor guión orixinal para 5º de EP polo filme "Os Esquíos de Toén"

• Efrenion ao mellor deseño de vestiario para 6º de EP polo filme "Como me RÍO"

• Efrenion de Honra para o Centro de Día de Toén pola súa participación con "Flocos de millo e entradas de cine"

Desfile de entroido

Os disfraces que estivemos preparando durante as últimas semanas, luciron así de elegantes no desfile previo á representación das nosas "comedias" de entroido.